Vendor Review: 玲曨

好多人話呢間係黑店，我都係盲中中比咗錢之後先知，但完成晒成個過程都唔覺喎！話佢係黑店其中一個原因係因為要比晒錢先可以HOLD衫，咁其實佢地都有講明，你情我願啫，如果你唔想full pay可以唔JOIN佢地吖，佢地都冇厄你錢！另外，話佢地還衫時驗屍咁驗，又會屈人比清潔費，屈人整爛D衫咁，我地還衫時佢地都係正常咁check吓，冇咩特別喎！

Service都OK啦，未比錢前殷勤D係真嘅，到第二次去要轉款，揀咗好耐都未揀到，個阿姨有少少想催我地咁，不過未至於黑面嘅！我覺得佢地D媽媽衫算幾靚幾多款，誇張簡單新潮老土都有！我媽媽租嗰件出面其他鋪都唔見有，價錢就少少偏貴啦，不過最緊要媽媽開心啫！