租Candy Jar

其實一開始冇諗過會整Candy Corner，甚至有少少抗拒添！因為早幾年見過無人問津嘅情況，最後D糖同CAKE係“晒”咗！我自己本身又唔係好中意食糖。。。但係諗回禮小禮物諗到頭爆都諗唔到送咩，一來成本貴二來九成九都係無謂嘢唔啱用，浪費！！想送曲奇有得睇有得食，點知比人BAN咗！朱古力又太行！最後。。。喺另一個朋友嘅婚禮上又見到Candy Corner，不過係好小型嘅，只有三個JAR三款糖，有埋膠袋仔同鏟可以自己“筆”完拎埋位食，仲喺正門口當眼處，又幾受歡迎喎！有得諗。。。租Candy Jar都係幾百蚊，買埋糖都係around一千蚊，咁又幾化算喎！！！唔怪得而家越嚟越多人整啦！！

上網揾咗幾間有得租Candy Jar，種類多，價錢OK，不過全部都要自己去拎同還，買就仲煩！千尺豪宅咩，邊有咁多位放！！

Jubilee Candy Jar
Jubilee Candy Jar 提供30 多款Candy Jars ,Love Plate, 蛋糕架,朱古力噴泉,棉花糖機,爆谷機, tailor made Candy Label.
租借期為5日4夜，黃大仙區指定地點交收

朱古力噴泉暫時揾到得佢地有，不過唔知會唔會整到好污糟呢！？

提供不同組合的PKG，內容可隨意更改！

仲可以加錢整埋Candy Label，絲帶有好多色揀，好靚呀！！

Mrs Chik Chik
6個Candy Jar、1個Wishing tree、1 set 3層點心架 租借每個HKD $50
1 set "LOVE" plates (BIG)、1個爆谷機、1個綿花糖機、1個Jelly Belly糖果扭扭機 租借每個HKD $80
優惠價：12樣全部租借總共HKD $680
租借期為5日4夜，九龍奧運站交收

Jelly Belly糖果扭扭機

Wishing Tree


2y Wedding
秋季大擊賞：所有candy jar,蠟燭台,裝飾品, 租金特價為HKD 30 /pcs.
租借期為4日3夜，九龍地鐵沿線交收

心型Candy Jar

不同款式嘅燭台

Candy
1 set Love Plate5 個 Candy Jar1 個 Chupa Tree (珍寶珠需自行購買)
租借價錢: Candy Jar $50 per 1, Love Plate $70, Chupa Tree $60
可享優惠價 :
A Set -  $310 租借一套6件 (1 set Love Plate, 5 個 Candy Jar)    
B Set -  $370 租借一套7件 (1 set Love Plate, 5 個 Candy Jar,1 個 Chupa Tree)
租借期為5日4夜，譽港灣或越秀廣場交收

可個別租借Candy Jar 需至少借三個以上

Chupa Tree

淘淘淘家品

成日都想分享吓我嘅淘寶家品收穫，因為真係淘咗好多嘢，好抵好靚開心呀！！全靠淘寶達人（我細妹）幫手，慳返唔少呢！！不過又係懶囉，入咗伙兩個月都未打呢個BLOG，直至啱啱又淘咗棵聖誕樹，實在太靚太興奮啦！！即刻分享吓先！！

150CM加密光纖聖誕樹＋LED雪花 RMB158（City Super, Log On賣緊千幾蚊，普通文具鋪都要八百幾，仲要冇咁靚添呀！！）

順手買埋呢串100顆燈串 RMB19.6（會變好多隻色嫁！！）

呢套彩色陶瓷碗碟套裝簡直係大大大愛！！！我實在太唔中意入廚房，有咗佢地成個廚房都繽紛晒開心晒！ 好可惜我御用嗰隻黃色碗已經比人打爛咗囉！！RMB188 超值！！

一套30件，飯碗湯碗，碟，盤，匙羹乜都齊晒，另外買多隻長嘅魚碟就攪掂！！

細妹去泰國時見到佢地，一模一樣，賣成百幾蚊一隻，無錯！係一隻！！OMG。。。

呢套彩色竹筷子又係大愛，香港揾唔到咁靚呀！成套有13隻色我買咗12隻，朋友仔嚟到一人揀一隻色唔使怕撈亂！打邊爐都啱用！ RMB2＠

田園雕花連身鏡，好似唔係好襯我間屋，不過放喺房冇所謂啦！ RMB102（呢個運費好貴吖，不過實惠宜家嗰D勁冇款都要三舊水啦，所以計落都唔算貴！）
佢到而家都仲係不見天日，因為唔捨得鑽幅牆呀。。。

造工幾細緻！！


31 x 25CM超大坐枱鏡，有黑白兩色 RMB28（遲啲買多塊白色BIG DAY嗰日用先！）

六勾晾衣架，細細個晾UN UN啱晒！ RMB10

21CM(H) x 12CM(DIA) 迷你垃圾桶 RMB22，放喺toilet，女朋友仔姨媽嚟到方便D嘛！

玫瑰花指甲鉗 RMB3.5


陶瓷浴室4件套裝，好高貴優雅吖！ RMB38

太空鋁單層浴室架連掛勾，有唔同SIZE，不過我預錯SIZE所以仲未裝RMB24

太空鋁掛勾，有3-8個勾，我買咗兩個6勾 RMB17.5，個頭圓圓地好好掛，又唔會整WEA D衫！


太空鋁廁紙架 RMB16

植絨晾衫架，勁靚勁好用！掛雪紡衫都唔會跌落嚟！RMB1.1＠

晾衫夾 RMB2.99/ 20個（仲買埋洗碗布，洗衫袋，收納盒等等嘅林審嘢，其實好多香港都有，不過買開嘢撘埋一齊買，計埋運費點都平過香港！）

20升橢圓形不銹鋼垃圾桶 RMB148，開頭喺香港揾唔到咁大容量嘅橢圓形垃圾桶，所以先淘寶，計埋運費同香港價錢差唔多

大陽花隔熱墊，好colorful喔！淘咗一次仲唔夠要淘多轉添！分大中細SIZE，RMB1-3＠

塑料軟砧板，切生果啱晒！分大中細SIZE，RMB2.8-6＠

布藝髒衣收納籃，好實用！RMB25

掛鐘 RMB79，簡約型！又係因為要鑽牆所以仲未掛。。。

嗰排真係淘寶淘到癲咗！日淘夜淘，一諗到有咩要買就淘，有時會揾到啲香港揾唔到嘅好嘢！有啲嘢香港都有，不過淘寶會平啲（梗係要一次買幾樣加埋集運啦！），又可以隨時上網揾，唔使周街逛嘛！！

子宮頸癌針 - 加衛苗 vs 卉研康

上星期六去咗打子宮頸癌針，諗咗幾日最後揀咗卉研康（Gardasil），其實加衛苗（Gardasil）多D人打，主要因為佢係四合一疫苗，覆蓋範圍廣D，可以預防HPV6，11，16，18，除咗子宮頸癌外，陰道癌，外陰癌同椰菜花都預防到。而卉研康係二合人，只預防HPV16，18，但亦可減低由HPV31，33，45引起的癌前病變。聽D姑娘講，卉研康嘅濃度高D，可提升抗體水平達至九倍，抗體維持時間較長，加衛苗就冇特別註明。所以我覺得如果信得過自己另一半加上做好安全措拖，預防椰菜花嘅作用其實不大，都係主力針對預防cancer好D！所以都係決定揀卉研康！

喺婚展問咗幾間價錢，淨打針（3針）最平美邦$2399，日晉有兩個PKG，$2799包埋基本婚前檢查，但我地已經做咗，同埋包得唔多嘢，$2699送HPV DNA測試／乳房超聲波／盤腔超聲波三揀一，2支流感針，hand cream同康鈣D，我揀咗呢個PLAN，好似都幾抵！唔記得咗毅力幾錢，印象中貴少少！

打之前都驚驚地，因為聽聞好痛，仲要係又痛又痺幾日嗰隻，有D人打完仲會發燒添！去到係醫生負責打針，打之前都會循例講解吓，原來打完之後兩個月內唔可以有BB（我初時仲以為一年添！）都唔知係呢個醫生手勢好定係我唔怕痛，又真係一D都唔痛喎！不過打完之後痺咗三日，一舉手就覺得痺同冇力！打完第一針之後一個月打第二針，之後隔五個月打埋第三支，攪掂！！

本來諗住一嘢過打埋流感針，冬又就到嘛，要痛就一次過痛埋啦！但諗諗吓第一針打完唔知會唔會發燒或者唔舒服，所以都係留返下次先打。我隔離嗰個冇鬼用男朋友知道要打流感針嚇到腳都震埋，一聽到話唔使打即刻開心到彈起！

BF：我嘅夢想係唔使打針
ME：我嘅夢想係做少奶奶
ME：如果你幫我實現咗我嘅夢想，我就幫你實現返你嘅夢想，如果我做咗少奶奶，你就以後唔使打針，如果唔係你就年年都要打！
BF：滴汗。。。

帝廷新裝

帝廷又轉咗新裝啦！佢地通常每年九／十月都會轉一轉個backdrop，啱啱知佢轉咗就即刻去望吓先！雖然都比咗錢CFM會自己攪decoration，不過都要八掛吓嘛！！

1. Backdrop都係用粉紅色（我最唔LIKE！），改咗做拉布仲普通咗，有D求其咁囉！
2. D樹變咗做一碌碌嘅柱加假花，都係行行地！
3. 最GOOD係加咗地氈！其實都驚四個幾月後會踩到黑晒，不過算啦，咪當灰色囉！慳返一千蚊喎！

左邊嗰兩碌都OK，右邊嗰碌有D唔知想點！

蛋糕枱都幾靚，不過又係粉紅色囉。。。

Reception table, Photo table, 油畫架全部轉晒粉紅色，清清地都好過之前個紫色嘅！

姊妹裙 Confirmed@Inezitar

尋晚一次過攪掂兩個TASK，訂咗花球同姊妹裙，好開心吖！唔該晒我嘅好伴娘同好細妹！

喺秋子訂完花球就趕過去試姊妹裙，book咗七點半，點知佢mark錯咗七點，我地又遲到，攪到七點半，八點，八點半嘅客全部撞埋一齊！間鋪好細冷氣唔多夠，不過大家都唔介意嘅，鬼叫佢好生意咩！我見嚟拎裙D女仔都好滿意呀！雖然咁多人迫埋一齊，但個姐姐都仲好好servise好nice！讚！！

姊妹們都偏向中意長裙，方便做嘢嘛！我自己都好中意長裙呀，靚D elegant D，可惜我做咗咁多次姊妹都冇著過長裙呢。。。顏色就梗係開心黃啦，款式要一樣（因為係優惠價），最緊要係有肩帶，安全D冇咁易走光嘛！去相先！！

1. 一見到呢條就覺得好靚，胸前嘅碎花幾別緻，著上身都好高貴吖！

2. 呢款比較簡單，實物靚D，但著咗上身冇預期咁好睇！


3. 下身兩邊有泡泡，之前見過好中意，點知原來會著到好肥，唔夠slim嘅姊妹真係咪試！呢個款因為手工多D仲要加錢添！！


4. 呢款本身包埋石，高貴好多呀！可惜冇帶呢！


最後大熱勝出，全部揀晒第一條，有眼光呢！不過有個問題，因為胸前D碎花係漂染嘅，好大機會同條裙嘅紗唔同色，就好似下面張相咁，個姐姐開單前同我地講明，比埋版我睇，怕到時出嚟唔係我地預期嘅效果就麻煩啦！我反而覺得唔同色有D層次仲GOOD喎！

伴娘試咗兩條咋，因為我嘅伴娘冇咩所謂又爽快！！

1. 成條裙都有閃片幾SHARP，如果唔要嗰幾條珠鏈或者只係得一兩條OR細條D會好D，而家好似too much啦！（我諗應該可以改嘅）

2. 前短後長仲有埋閃石，啱晒我伴娘嘅要求！因為佢想SHOW美腿，但如果姊妹著長裙伴娘著短裙好似有D怪，同埋冇咁grant嘛，呢款前短後長就啱晒啦！！伴娘揀咗上面嗰隻粉紅色！

Inezitar 嘅紗料真係幾靚幾滑，連底裙都係用色丁靚料！揀完面紗嘅顏色佢仲會幫你配襯埋底裙嘅色，因為底裙嘅色都會影响到成條裙嘅顏色呀！！好似我揀黃色裙，如果底裙用埋黃色就會好SHARP，如果用白色或米色底就會淡D soft D，出嚟感覺會唔同咗！佢地而家做緊優惠，落單時付全數就有九折，折咗短裙＄270，長裙＄315，包雪紡披肩，包改，相集內嘅款式可自由配搭及轉色！平靚正！！

Inezitar Production Co., Ltd
旺角花園街2-16號好景商業中心27樓19室
Tel: 2384 3880/ 6905 0312 (Whatsapp)