Vendor Review: 長長久久1999專業租車公司

揀呢間租車公司係因為中意佢個車牌1999，其次係價錢經濟，BENZ S500L鳳眼加長版 + 24座小巴 - $3700／8小時，另外加咗一個鐘OT＄450，價錢非常合理！洽談階段服務真係好一般，佢地office有少少嚇人，我地上去嗰日開咗兩枱麻雀，又煙又嘈（聞說長期都係咁的）！之後Whatsapp／電話傾又成日唔記得嘢，講完又問，問完又講，回覆又慢，諗返真係驚驚地。。。攪結婚嘢已經好煩，所以為咗減少憂慮同勞氣，真係唔太建議揀呢間花車公司！

到BIG DAY當日，我地以為會係接洽嘅郭生自己渣主花車，但最後換咗另一個司機，司機儀表OK（著恤衫西褲，有笑容），準時，有禮貎，表現非常好！唯一不滿意之處係佢用咗條深紫色嘅V帶綁住我對結婚公仔，我見到嗰時真係O咗咀！勁樣衰勁唔襯囉！！我唔明點解我老公唔覺得有問題囉！！！

同場加映：54座大旅遊巴，＄800／5小時，價錢合理，架車勁新淨！