Vendor Review: 錦發繡莊

一提起係褂就覺得又開心又失落，開心係因為興幸自己可以著住套褂皇出門，失落就梗係因為以後都冇得再著啦！（作死！嫁一次仲唔夠咩！！）

喺錦發租褂真係又平又靚！仲有女裝睡衣送，不過記得還褂時ZIP封利是入去，攞個意頭啫！其實租褂嗰時我都有去冠南華試過，佢嘅褂皇係閃好多，影相應該會好SHARP，不過我自己就唔太BUY！因為佢成件褂都係粉紅色底，即係我著緊嗰件鋃色底變晒做粉紅色！OMG！我著咗上身即係除都除唔切，一來我唔中意粉紅色，二來感覺好花喱碌，一啲都唔清雅高貴，冇咗嗰種大家閨秀嘅感覺！舊舊地嘅都要七千幾，新DD嘅九千幾，再新就過萬！我自己就覺得唔值囉！！

著住裙褂出門，感覺比著婚紗仲幸福！！

錦發繡莊
上海街523號
Tel: 2385 0187