VA Fashion亦係好出名嘅男禮公司,老闆出名串,D衫出名型同有style,啱晒我老公胃口!我又唔覺得老闆串,係有性格同少少自大啫,應該話佢對自己嘅衫好有信心!佢地款唔算好多(我唔知其他店多唔多款,因為只係睇過一兩間),勝在夠特別,cutting靚!我老公超瘦但都著得起!FIT身之餘又唔會覺得好瘦紙板人咁!勁!!
佢地嘅男禮襯好晒一套套,邊件禮服襯邊件恤衫邊件背心邊條呔,唔係你話中意邊件就邊件,就算係想轉老闆都會堅持唔比你改!呢件堅持同執著可能就係成功之道啦!哈哈!但好奇怪,佢地堅持唔比人影相,到final fit拎衫嗰陣都唔比影,男禮咁多配件,又恤衫又呔又腰封又胸針,唔影低邊記得邊件打邊件喎!影咗會蝕咩!拎到返去都係會影啦!!傻嘅!
但價錢又貴唔貴呢??
回覆刪除[版主回覆07/26/2013 13:44:47]唔貴呀!$21XX/套,連埋訂造恤衫