包包媽咪的懷孕歷程

2014-7-25 37WK

今日終於都到37週足月喇！！小包包隨時會出世！好期待喔！！襯仲未生得，就用我有限嘅記憶做個小小SUMMARY記得呢個咁難忘嘅懷孕歷程先！

WK4 － BINGO！老公開心到呢！！^^
WK5-9 － 好擔心，嚴重渴睡症，瞓極都係勁攰勁眼瞓！成日要屙尿，放屁，胃氣脹，冇胃口，胸脹，暈車浪。。。唯一好彩嘅係冇嘔囉！
WK7 － 第一次私家產檢，re-confirm BINGO！好緊張呀！！
WK10 － 第二次照ULTRASOUND，見到小包包大個咗，SIZE又正常，放心好多喇！
WK11-12 － 接近3個月，心情開始輕鬆了！
WK13-15 － 順利過渡3個月，開心興奮！終於可以話比人知我有咗啦！心情同身體都輕鬆不少，要好好享受呢段HONEYMOON喔！！
WK16 － 4個月開始明顯見肚啦！我係大肚婆！哈哈！！
WK17－ 睇到喇！小包包係囡囡嚟呀！YEAH！！！
WK18-19 － KEEP住都係好忙，周圍去，聽講座，請工人，SHOPPING，為小包包做好準備！
WK20 － 第一次感受到胎動，SO AMAZING！！
WK21 － 呢個星期覺得小包包大得特別快，個肚明顯吹脹咗！^0^
WK22 － 結構過關，小包包一齊健康正常！放心晒！！^^
WK23 － 要準備著手攪小包包間房喇！
WK24 － 6個月個肚又發脹囉！^0^
WK25-26 － 坐骨神經痛。。。慘慘！！>,<
WK27 － 趁未水腫未變肥婆，同包包DADDY去澳門玩同影相留念！^^
WK28 － 開心嘅時間過得特別快，眨吓眼就7個月啦！飲咗糖水又過關！要好好享受埋個懷孕中期喇！
WK29 － 產檢時孫醫生話小包包已經調咗頭喇！
WK30 － 參加媽媽會嘅聚會，成班媽媽傾到雞啄唔斷！
WK31 － 恥骨突然痛到唔曉行！行又痛瞓又痛起身坐低又痛，總之一郁就痛！救命！唔係要痛到生吖嘛！！>,<
WK32 － 8個月開始清胎毒，喪食西瓜涼嘢，爽到呢！！^0^
WK33 － 恥骨忽然有好轉，個人又開始輕鬆返！同媽媽們影大肚相留念！好好玩呀！！^^
WK34 － 小包包越來越大，胎動好明顯喔！不過小包包好乖，從來都唔會整痛媽咪！^^
WK35 － 媽媽們陸續生咗喇！氣氛越來越緊張，要做好準備喇！開始失眠發D奇怪嘅夢。。。
WK36 － 9個月喇！唔知小包包幾時出嚟同我地見面呢！？天氣超熱，越來越辛苦了。。。期待我的悠長假期啊！！
WK37 － 足月喇！心情好矛盾！又想快D見到小包包，但又好唔捨得同佢2合為1嘅生活！
WK38 － 待續。。。

Pregnancy Photo Shooting by Andy

2014-07-01 33WK4D

第二輯大肚相係同8月嘅媽媽一齊影，我地好早之前已經BOOK定啦！一共有25個媽媽，加埋老公，BB，小朋友（有部份媽媽已經係第二胎啦！），攝影師，助手，化妝師等工作人員有成八十幾人，好誇張呀！！

由於人數及交通問題，我地無去攝影師ANDY喺新蒲崗個STUDIO，佢另外幫我地BOOK咗個超大嘅STUDIO喺觀塘，FIT晒我！哈哈！！我地由十一點影到六點，玩足成日呢！！仲有媽媽幫我地準備好影相PROPS，SO SWEET呀！！

ANDY建議我地全部著黑色，型D喎！！

我地自選白色TOP加JEANS，好青春吖！！加埋D TUMMY STICKERS，CUTE到爆呀！！^^

由於人數不少，所以我地用唔同顏色嘅SCARF分咗5 GROUP再影，效果幾特別吖！

我梗係揀黃色啦！夠SHARP吖嘛！

呢張好COLOURFUL呢！！

每對COUPLE另外有十五分鐘影相時間，ANDY SUGGEST我地影呢種比較有MOOD嘅，試吓都好吖，我平時都好少影呢種STYLE，又唔同另外嗰輯撞！（不過影得我好肥呢。。。）

班爸爸超攪笑，佢地全程喺對面係咁影影影！忙到呢！！唔知仲以為有咩明星喺度囉！WAKAKAA！！！

我地又傾緊X'MAS一齊再影BB GROUP PHOTO啦！嘩！諗起25個BB一齊影相就興奮啦！！

Macaron Gallery
地址：新蒲崗大有街2-4號旺景工業大廈Block F 8/F Room5

Pregnancy Photo Shooting@Story Workshop

2014-06-27 33WK

懷胎十月實質只有九個月零一星期，一生只有一兩次機會（以前閒閒地生十個八個嗰D就唔同啦！），所以大肚嘅日子真係好珍貴，好值得留念！我咁大個女都未見過自己咁肥美，咁大個肚，梗係要影返輯靚靚大肚相留念啦！仲要咁啱同埋兩個BEST FRIENDS差唔多時間生，真係約定都冇咁橋呀！！

STORY WORKSHOP係其他GROUP嘅媽媽推介嘅，口碑幾好，我睇咗佢地PROFILE又幾LIKE！SHORTLIST咗四間最後都係揀咗佢地！一來價錢實惠，二來佢地SETTING比較多，三來我好LIKE佢地件白色LACE斗蓬同SIMPLE ELEGANT嘅STYLE！本來諗住JOIN佢地$1788嘅PKG，包55張相，點知打去BOOK嗰時佢地話有另一個PKG，$500包25張相！OMG。。。抵到吖！雖然唔包化妝，不過冇問題吖，我自己化都得啦！咁又慳咗千幾蚊！！

佢地個STUDIO喺CWB，好方便！環境唔算好大但都幾舒服！入面有兩間房，左邊嗰間係佢地執相做嘢嘅～

右邊呢間係FOR影相用～

出面近門口係揀相區，其實只係個CORNER位有一部電腦兩張櫈～

廳有兩張SOFA，側邊係化妝間同換衫區～

我地三PAIR人由七點影到十一點幾，得一個攝影師同一個助手，本來話會安排多個攝影師嘅，但最後唔知點解都係得一個，可能太多JOB出晒去做嘢掛！不過佢地兩個都好PRO好NICE，攝影師好識教擺POST就角度，助手係咁幫我整D頭髮，佢氹小朋友仲好叻添！！成個過程都好愉快好輕鬆，雖然要兩星期先有相睇，不過我諗效果應該唔錯嘅！！

Story Workshop

地址：銅鑼灣糖街15-23號銅鑼灣中心1503室（榮記樓上，CEO斜對面）

TEL：3460 3103

Other recommendations:

Fab Studio

Mary K Studio

House Warming Photo

恥骨痛

2014-06-20 32WK

上星期返東區覆完診之後就開始恥骨痛，真係痛到叫救命！行又痛企又痛瞓覺轉身起身坐低都痛，總之一郁就痛啦！返到公司D同事問我做乜突然行得咁慢，上星期都仲健步如飛，我都唔想吖，差啲痛到行唔到添呀。。。

問過啲生咗嘅同事／朋友，又唔係好多人有呢個情況喎，但其中有一個就話痛到喊，痛到返唔到工要SICK LEAVE留喺屋企，唔係咁嚴重吖嘛！我仲有兩個月要捱喎！！

懷孕後期，肚子日益擴大，為了讓身體適應胎兒的存在以及準備未來的生產機制，體內也會出現許多變化，像是鬆弛激素和黃體素的增加，就是讓骨盆漸漸鬆弛，除了能裝下胎兒之外，日後懷孕機制啟動時，也才能讓胎兒順利過產道。而這兩種荷爾蒙卻也成了懷孕後期恥骨疼痛的主要因素。

大肚婆遊馬鞍山公園

2014-06-13 31WK

我一向都係"冷"街精，就算大住個肚都要四圍去，要影多D靚相留念嘛！就算大熱天時三十幾度都係咁話，難得老公又肯陪我癲！嘻嘻！^0^

今日我地去咗馬鞍山公園，好遠呢！不過搭港鐵其實好方便！個公園好大好靚呀！影相一流！老公揀嘅，叻仔！！

下午好多小朋友放咗學都嚟呢個公園玩，呢個迷宮好大好迷o架！

雖然我地兩個都係影相白痴，不過都要帶埋腳架去自拍！

長樓梯，必影之選！

白色地中海FEEL嘅廣場，好SWEET呀！！

 

 

中華白海豚雕塑好可愛喔！！

影完一輪相之後行咗去烏溪沙石灘，傳說中嘅心型石，側邊寫住"祝福你"，但係唔知點解硬係冇人地影得咁清楚咁靚呢！！

一個傻嘅大肚婆同一個能B嘅老公！！^0^

雖然有少少天陰陰，不過唔曬唔太熱，好舒服啊！

 

我覺得大肚婆一定要影張經典"娘"爆嘅大肚相，就係呢張啦！！

遲D再熱D個肚再大D可能就唔會再咁週圍去啦！襯而家行得走得食得就要玩多D食多D啦！^^

8月港島媽媽gathering

2014-06-08 30WK2D

上星期去完8月媽媽會嘅GATHERING，今個星期到港島媽媽啦！媽媽們都好期待今次嘅GATHERING喔，始終小班GATHERING先方便傾計交流嘛！

今次一共有16個港島媽媽出席，約咗喺太古城飲茶，咁多人要分兩張枱呀！大家傾到人地熄燈清場都唔願走，好開心呢！

埋單出咗商場影大合照，影完相又傾一大輪，最後唯有依依不捨咁離開啦！哈哈！！大家都希望喺大家生之前可以攪多次GATHERING！

因為分咗兩張枱，怕大肚婆冇記性未必記得晒咁多人，有媽媽好細心咁加晒我地啲名上張相度，SO SWEET呀！！

8月精靈馬BB會媽媽gathering

2014-06-01 29WK2D

今日上午去完講座，下午就去TST Wonderland Too Oyster and Steak出席2014年8月媽媽會第一次嘅GATHERING, TOTAL有成70個媽媽出席呀！好利害呢！！其中一個媽媽仲幫我地設計埋GROUP LOGO添！

我地咁多人就梗係包場啦，間嘢環境同SERVICE都唔錯，地方幾寬敞唔會迫，又有落地玻璃同OUTDOOR位，不過我地班媽媽咁怕熱就梗係唔會坐OUTDOOR啦！

嘢食就只係包咗幾款小食同兩杯DRINKS，下午茶啫，我地都係至在傾吓計交流吓，唔會掛住食啦！不過佢D SNACK都幾好味！

原來諗住只係簡單GATHERING，因為之前NUK話SPONSOR我地攪到好麻煩，所以媽媽們都覺得唔需要SPONSOR，只係純粹GATHERING傾吓計就OK啦！點知一班熱心嘅幹事們都幫我地準備咗好節目，抽獎同禮物，內容好豐富呀！！

 

最後梗係要嚟返張大合照啦！好壯觀呢！！期待下一次嘅GATHERING喔！！

大肚婆HEA遊澳門

2014-5-17﹠18 27WK1-2D

本來想喺生之前走轉飛機旅行，近近地去個沙巴玩返5日，游吓水HEA吓幾爽呀！不過老公要留返D大假陪我放產假，所以最後都係決定WEEKEND過澳門HEA兩日算啦！我地拍拖第一次出門係去澳門，佢個SURPRISE求婚都係喺澳門，所以澳門對我地嚟講別具意義，雖然地方細冇咩玩，不過四圍行吓食吓嘢影吓相，喺泳池游吓水都好RELAX呀！

今次我揀咗住THE WESTIN，貪佢夠晒渡假FEEL，有海景（雖然個海唔係好靚），游池又大又靚，鬼佬多，大6人少，啱晒我呢D唔嘈得唔迫得嘅大肚婆呀！重點係夠平！（WEEKEND船飛連酒店都唔使＄1000 PER HEAD，抵到吖！^0^）之前落咗兩個星期雨，好彩呢兩日都見返少少太陽，唔使在雨中漫步！！

我地搭十一點半船，到步都成點鐘喇，去咗牛記食LUNCH！喺外港碼頭搭SHUTTLE去十六浦，落車行過對面馬路向左邊直行，幾個街口就到十月初五街，都唔難揾！我地叫咗鎮店之寶“蟹皇撈麵”同“花雕雞撈麵”，兩個都超正啊！值得推介！！

 

之後出返新馬路福隆街食翅，我去咗澳門咁多次都未食過添發，咁啱今次冇咩人排隊就試試佢啦！果然係正喎！我叫咗花膠翅，奶白色湯底，好似飲咗個花膠湯咁！正！！

食飽飽就返酒店CHECK IN啦！比預計行程遲咗個幾鐘添！而家成個澳門都係SHUTTLE BUS，想揾架的士搭吓都幾難！SHUTTLE又要等，好鬼麻煩！！個幾鐘先返到酒店，好彩仲未天黑！個露台大到呢！！^^

襯仲有少少太陽，即刻換衫去泳池HEA啦！可能晏咗少少所以唔係好多人，如果人多我怕尷尬呀，話晒咁大個女第一次大肚著BIKINI嘛！太陽伯伯準備收工，我地爭取時間喪影相自娛！嘻嘻！！（怕醜，POST一張相算啦！）

影完相出去沙灘行陣食飯，點知間萄國餐廳FULL BOOKING！我仲諗住咁呢度隔涉唔會好多人所以冇BOOK位添！最後唯有去返酒店食BUFFT啦！哈哈！本來諗住要戒口所以專登唔BOOK BUFFET食，點知最後又係要食！天意！！

THE WESTIN嘅BUFFET非常唔錯！＄388加一，正常價位啦！除咗生蠔，龍蝦，琵琶等海鮮之外，比較特色嘅有焗龍蝦（呢個超正！）同即焗蘇皮龍蝦湯，喺OUTDOOR仲有專人燒烤，有扇貝，大蝦，羊架等等，全部都好新鮮好好味，下次再嚟可以ENCORE呀！！

第二朝一早食完早餐又再去游水，唔好徙咗個靚泳池嘛！！PKG唔包早餐所以呢餐要自費，不過好豐富呢！！

食飽游完水返房又影相，係咪有D影樓FEEL呢！！^^

 

 

跟住就CHECK OUT出去四圍行吓，睇吓D新酒店，不過有少少雨，所以我地去咗賭場玩咗陣，好唔好彩輸晒！！>,<

近黃昏時我地去咗瘋堂斜巷影相，呢度算係一個唔太知名嘅景點，但D建築物好靚好有特式，我最中意！呢度仲有好多藝術展覽睇添！

晚餐專登BOOK咗呢度間萄國餐廳叫Albergue 1601，又係好靚，D嘢食仲好得添！可以打佢地嘅HK HOTLINE BOOK枱，好方便！可惜嗰日太早食飯未肚餓，所以叫得兩樣嘢食咋！個咖喱牛尾好香好淋，個海鮮湯飯直頭好味到唔識形容！下次嚟澳門一定要再食！！仲想試埋佢個沙甸魚，羊架，白酒煮蜆！！食飽飽就返香港喇，後會有期～