Vendor Review: Perfection 唯美主義

唯美主義本身已經好出名，所以都唔使我點講，佢地出名款多（特別係登台款，不過非登台款都有好多，我揀嗰D全部都唔係！）service好，價錢合理！不過有D B2B話佢地D衫成日冇期，好多都比人hold晒，我又唔覺吖！通常每次揀十幾廿件都只係得一兩件冇期，我諗預早少少hold衫應該冇問題嘅！

以前佢地好少lace款嘅緍妙，所以我只係租咗3件晚裝，婚紗要喺出面再揾，但後來我喺Time For Elegance租嘅婚紗都比佢地抄咗款lu！如果佢地抄早D我就慳返幾千蚊啦！！

婚前兩日去final fit，係喺鋪頭隔離棟大廈，有兩個姨姨喺度，3件晚裝都改到勁窄，不過佢地都好快就改返啱！婚前一日去拎衫，勁多人勁迫，姨姨以極速拎晒D衫出嚟比我試，一著咗上身就即刻想叫我除返咁滯！人多趕時間嘛，冇辦法啦！跟住佢地又以橿速收返埋晒D衫比我拎走，有少少驚囉，我都未睇清楚有冇爛／污糟！點知原來到還衫時，佢地又係睇都唔睇，點齊數就收貨！如果我整爛咗或者整污糟咗件衫咁點呢！？不過唔理咁多啦，快靚正！我中意！！

費事重覆POST咁多相，想睇相就睇返舊POST啦！
2nd Gown Hunting@Crown Wedding, Lasting Love, Perfection
First Trial@Perfection 唯美主義
Final trial@Perfection 唯美主義
BIG DAY之晚宴篇

Perfection 唯美主義
尖沙咀女金巴利道60號C地下
Tel: 34212408