第十八次產前檢查（政府）

2014-08-08 39WK（東區醫院）

39週喇！都仲未有動靜。。。唯有約見醫生CHECK宮頸，睇吓係咪要催生，一提起催生就有D淆底。。。最怕係催生唔成功到最後要開刀。。。 

時間一日一日咁過去，小包包越遲出世，我照顧佢嘅時間就越少，所以越等就越心急，希望佢快D出嚟啦！

媽媽會之團購 - 抵抵抵! 買買買!!

為咗迎接小包包出世，真係要準備好多嘢呀！等使同唔等使嘅都有，有D純綷係為咗滿足我自己嘅私慾，嘻嘻！

I-ANGEL HIP SEAT

其中最等使嘅就係I-ANGEL HIP SEAT啦！我地經媽媽會團購買平好多呀！小包包係囡囡嘛，所以我揀咗MESH嘅DIRTY PINK，襟污糟得嚟又唔會黑忟忟咁行，而家呢隻新料啱晒超級無敵勁大汗嘅包包DADDY啦！！

貨一到手老公就即係要試用啦！D料確實係幾舒服，到時帶小包包出街靠晒你啦！！

 

同場加映，表嫂比嘅NEW BORN揹帶，初生未用得HIP SEAT同BB車，呢條FOR NEW BORN用嘅初生揹帶可能只會用幾次帶阿囡去健康院覆診，買條新嘅又好無謂，就咁手抱又好似好危險，有人送就最好！老公當然又要試用啦，開頭攪咗好耐都唔知點揹上身，最後都係用我嘅聰明才智攪掂咗！

BABY BODYSUIT

其中一個8月媽媽幫我地設計咗好多款唔同嘅BABY BODYSUIT，佢仲以友情超低價幫我地揾廠印埋上件衫仔度，全綿靚料嚟呀！全部都好靚好得意！！

小包包呢款係南瓜車，好可愛！等小包包一出世就可以著住影相啦！！^^

DIY SCRAPBOOK ALBUM

我地8月嘅媽媽真係多才多藝，另一個媽媽識整SCRAPBOOK ALBUM，佢自己整緊一本比佢囡囡，就順便開班教埋我地整，BOOK埋場地只收材料錢，成班媽媽一齊做勞作，好開心好好玩啊！

雖然我嘅製成品仲未完成，但就拎咗個封面去影PREGNANCY PHOTO，物盡其用吖嘛！又唔使淨係拎D ULTRASOUND相黑忟忟咁DRY！哈哈！幾聰明！！

PREGNANCY PHOTO SHOOTING

影咗兩輯大肚相，都係用媽媽會團購價影嘅，超抵而且效果都好滿意！

第一輯係同25個媽媽一齊影，好好玩場面好壯觀呀！分咗幾PART影，第一PART係同老公合照，第二PART係媽媽們分小組合照，第三PART係全部媽媽大合照，玩足成日呀！

＄380包5張個人相（couple）及全部大合照，連執相～

\

第二輯係同兩個識咗超過10年嘅BEST FRIEND & 老公一齊影，咁難得咁到可以撞埋一齊大肚，預產期仲差唔多時間，梗係要一齊影返輯相留念啦！！

＄500包25張相，合照另計，連執相～

3D嬰兒立體手腳印模型

呢個要等小包包出咗世先整得，開頭諗住JOIN媽媽會團購揾人上門整，不過諗諗吓自己整好似開心D，有意思D，老公認咗頭話要幫阿囡整啦！雖然未必成功，不過點都試吓先！！所以團購訂咗盒材料，等小包包大約一個月就同佢玩啦！

朋友自己整嘅製成品，好靚喔！無理由人地得我地唔係吖，係咪！！？

口水肩

媽媽會團購呢類TAILOR MADE嘅繡名口水肩，我細細個都好恨有自己BB嗰陣用過嘅摕帶/ 口水肩/ 奶咀等等嘅嘢嚟留念，所以見到有繡名口水肩當然唔可以錯過啦！不過諗諗吓又係自己襯手整會有意思同紀念價值D，所以最後都冇JOIN到團購，呢D手作仔難唔到我嘅！！

呢條粉紅色係試驗品嚟啫！條口水肩喺淘寶買，再自己繡個名上去，難唔到我吖！！ 

 黃色呢條先係堅嘅！手工都唔錯吖，我覺得好可愛呀！

影相前一晚趕起，又可以用埋PROXY，哈哈！！

第十七次產前檢查（私家）

2014-8-2 38WK1D

小包包有6磅4啦！我重得少唔係問題，最緊要小包包足磅就得啦！^^

而家頭仔已經轉返向住我，個位靚晒！！Tisha BB, mommy is ready la!! 孫醫生話要順期自然咁順產就要等囉，如果想快D佢都有辦法，不過而家仲有兩星期，都仲可以等吓嘅！

題外話，孫醫生買多咗部機，整多間房兩邊一齊做產檢，所以輪候時間快咗好多，唔使兩個鐘就攪掂晒！超GOOD呀！！

第十五／十六次產前檢查（政府）

2014-7-25 37WK

37週足月喇！隨時生得！不過都仲係咩動靜都未有，助產士問我有冇陣痛，穿水，見紅，有嘅話我就入咗院啦。。。摸完肚話落咗少少盤咋，而家都冇嘢做到，唯有等囉！

2014-8-1 38WK

呢兩個星期我重得好少，所以助產士叫我去駁機CHECK心跳宮縮，CHECK咗成粒鐘眼瞓到我吖！本來以為可以瞓陣，點知原來要自己拎住個制，FEEL到胎動就要襟，即係冇得瞓囉！！CHECK完冇問題，可能呢排食得少行得多掛！聽日見孫醫生就知阿囡重咗幾多啦！

今個星期仲未有聲氣。。。如果下星期都未有動靜就會約見醫生睇吓使唔使安排催生，希望小包包乖乖地自己出嚟啦！

包包媽咪的懷孕歷程

2014-7-25 37WK

今日終於都到37週足月喇！！小包包隨時會出世！好期待喔！！襯仲未生得，就用我有限嘅記憶做個小小SUMMARY記得呢個咁難忘嘅懷孕歷程先！

WK4 － BINGO！老公開心到呢！！^^
WK5-9 － 好擔心，嚴重渴睡症，瞓極都係勁攰勁眼瞓！成日要屙尿，放屁，胃氣脹，冇胃口，胸脹，暈車浪。。。唯一好彩嘅係冇嘔囉！
WK7 － 第一次私家產檢，re-confirm BINGO！好緊張呀！！
WK10 － 第二次照ULTRASOUND，見到小包包大個咗，SIZE又正常，放心好多喇！
WK11-12 － 接近3個月，心情開始輕鬆了！
WK13-15 － 順利過渡3個月，開心興奮！終於可以話比人知我有咗啦！心情同身體都輕鬆不少，要好好享受呢段HONEYMOON喔！！
WK16 － 4個月開始明顯見肚啦！我係大肚婆！哈哈！！
WK17－ 睇到喇！小包包係囡囡嚟呀！YEAH！！！
WK18-19 － KEEP住都係好忙，周圍去，聽講座，請工人，SHOPPING，為小包包做好準備！
WK20 － 第一次感受到胎動，SO AMAZING！！
WK21 － 呢個星期覺得小包包大得特別快，個肚明顯吹脹咗！^0^
WK22 － 結構過關，小包包一齊健康正常！放心晒！！^^
WK23 － 要準備著手攪小包包間房喇！
WK24 － 6個月個肚又發脹囉！^0^
WK25-26 － 坐骨神經痛。。。慘慘！！>,<
WK27 － 趁未水腫未變肥婆，同包包DADDY去澳門玩同影相留念！^^
WK28 － 開心嘅時間過得特別快，眨吓眼就7個月啦！飲咗糖水又過關！要好好享受埋個懷孕中期喇！
WK29 － 產檢時孫醫生話小包包已經調咗頭喇！
WK30 － 參加媽媽會嘅聚會，成班媽媽傾到雞啄唔斷！
WK31 － 恥骨突然痛到唔曉行！行又痛瞓又痛起身坐低又痛，總之一郁就痛！救命！唔係要痛到生吖嘛！！>,<
WK32 － 8個月開始清胎毒，喪食西瓜涼嘢，爽到呢！！^0^
WK33 － 恥骨忽然有好轉，個人又開始輕鬆返！同媽媽們影大肚相留念！好好玩呀！！^^
WK34 － 小包包越來越大，胎動好明顯喔！不過小包包好乖，從來都唔會整痛媽咪！^^
WK35 － 媽媽們陸續生咗喇！氣氛越來越緊張，要做好準備喇！開始失眠發D奇怪嘅夢。。。
WK36 － 9個月喇！唔知小包包幾時出嚟同我地見面呢！？天氣超熱，越來越辛苦了。。。期待我的悠長假期啊！！
WK37 － 足月喇！心情好矛盾！又想快D見到小包包，但又好唔捨得同佢2合為1嘅生活！
WK38 － 待續。。。

準爸媽工作坊＠東區醫院

2014-7-18 36WK

東區每星期都有兩次 "準爸媽工作坊" 比36週或以上嘅爸爸媽媽參加，好似話都係低危健康嘅準媽媽先可以參加，我好好彩可以參加到，呢個workshop好玩又好有用，總之就係正啦！！

每班只有兩對爸媽，由三個助產士教媽媽玩FIT BALL同教爸爸按摩為我地作產時舒緩，兩PART都好有用呀！希望到時仲記得啦！！

東區嘅助產士真係好鬼NICE，上完堂佢地仲邀請我地影張大合照留念添！

第十三／十四次產前檢查（政府／私家）

2014-7-11 35WK（東區醫院）

今日返東區覆診見助產士，無啦啦話啱週數幫我做埋B型鏈球菌檢查，明明約咗下個星期吖嘛！我完全冇心理準備囉！個助產士好好人好NICE，感覺佢已經好就住我，但唔知點解仲係好痛囉！死啦！我以前明明唔係好怕痛喎，乜而家少少痛都忍唔到，仲嗌咗出嚟添，到生嗰陣都唔知點算！！


2014-7-12 35WK1D（私家）

又等到去見孫醫生同小包包啦！^^
小包包好叻女呀！而家有5磅4（2.37KG）啦！孫醫生話再重多少少到2.5KG就隨時出世都冇問題喇，呵呵！好期待阿囡快D出嚟呀！！

阿囡好健康，標準身型，胎水夠，臍帶冇纏頸，不過佢而家面向出面，如果而家生嘅話個頭仔會頂住我子宮會好痛，最好係調返轉面對住我，希望過兩星期佢會自已轉身啦！

因為小包包已經開始落咗少少盤，所以D超聲波相影得個樣唔係好清，迫吖嘛！孫醫生整咗張大腳仔相比我地睇，哈哈！原來我地一家三口都係大腳八！！^0^

下次覆診唔知生未呢！？如果生咗就唔使覆啦！

Pregnancy Photo Shooting by Andy

2014-07-01 33WK4D

第二輯大肚相係同8月嘅媽媽一齊影，我地好早之前已經BOOK定啦！一共有25個媽媽，加埋老公，BB，小朋友（有部份媽媽已經係第二胎啦！），攝影師，助手，化妝師等工作人員有成八十幾人，好誇張呀！！

由於人數及交通問題，我地無去攝影師ANDY喺新蒲崗個STUDIO，佢另外幫我地BOOK咗個超大嘅STUDIO喺觀塘，FIT晒我！哈哈！！我地由十一點影到六點，玩足成日呢！！仲有媽媽幫我地準備好影相PROPS，SO SWEET呀！！

ANDY建議我地全部著黑色，型D喎！！

我地自選白色TOP加JEANS，好青春吖！！加埋D TUMMY STICKERS，CUTE到爆呀！！^^

由於人數不少，所以我地用唔同顏色嘅SCARF分咗5 GROUP再影，效果幾特別吖！

我梗係揀黃色啦！夠SHARP吖嘛！

呢張好COLOURFUL呢！！

每對COUPLE另外有十五分鐘影相時間，ANDY SUGGEST我地影呢種比較有MOOD嘅，試吓都好吖，我平時都好少影呢種STYLE，又唔同另外嗰輯撞！（不過影得我好肥呢。。。）

班爸爸超攪笑，佢地全程喺對面係咁影影影！忙到呢！！唔知仲以為有咩明星喺度囉！WAKAKAA！！！

我地又傾緊X'MAS一齊再影BB GROUP PHOTO啦！嘩！諗起25個BB一齊影相就興奮啦！！

Macaron Gallery
地址：新蒲崗大有街2-4號旺景工業大廈Block F 8/F Room5

Pregnancy Photo Shooting@Story Workshop

2014-06-27 33WK

懷胎十月實質只有九個月零一星期，一生只有一兩次機會（以前閒閒地生十個八個嗰D就唔同啦！），所以大肚嘅日子真係好珍貴，好值得留念！我咁大個女都未見過自己咁肥美，咁大個肚，梗係要影返輯靚靚大肚相留念啦！仲要咁啱同埋兩個BEST FRIENDS差唔多時間生，真係約定都冇咁橋呀！！

STORY WORKSHOP係其他GROUP嘅媽媽推介嘅，口碑幾好，我睇咗佢地PROFILE又幾LIKE！SHORTLIST咗四間最後都係揀咗佢地！一來價錢實惠，二來佢地SETTING比較多，三來我好LIKE佢地件白色LACE斗蓬同SIMPLE ELEGANT嘅STYLE！本來諗住JOIN佢地$1788嘅PKG，包55張相，點知打去BOOK嗰時佢地話有另一個PKG，$500包25張相！OMG。。。抵到吖！雖然唔包化妝，不過冇問題吖，我自己化都得啦！咁又慳咗千幾蚊！！

佢地個STUDIO喺CWB，好方便！環境唔算好大但都幾舒服！入面有兩間房，左邊嗰間係佢地執相做嘢嘅～

右邊呢間係FOR影相用～

出面近門口係揀相區，其實只係個CORNER位有一部電腦兩張櫈～

廳有兩張SOFA，側邊係化妝間同換衫區～

我地三PAIR人由七點影到十一點幾，得一個攝影師同一個助手，本來話會安排多個攝影師嘅，但最後唔知點解都係得一個，可能太多JOB出晒去做嘢掛！不過佢地兩個都好PRO好NICE，攝影師好識教擺POST就角度，助手係咁幫我整D頭髮，佢氹小朋友仲好叻添！！成個過程都好愉快好輕鬆，雖然要兩星期先有相睇，不過我諗效果應該唔錯嘅！！

Story Workshop

地址：銅鑼灣糖街15-23號銅鑼灣中心1503室（榮記樓上，CEO斜對面）

TEL：3460 3103

Other recommendations:

Fab Studio

Mary K Studio

House Warming Photo

第十二次產前檢查（政府）

2014-06-27 33WK（東區醫院）

恥骨痛咗兩個禮拜終於有好轉，期間有做吓瑜珈，又有做吓其他媽媽嘅物理治療師教做嘅產前運動，唔知係運動有用定係自己嘅HORMONE唔同咗，總之就無啦啦好返好多啦！

不過去開東區覆診，順口都同醫生講有恥骨痛問題（因為我地遲到所以今次變咗見醫生），佢就REFER咗我去職業治療部，整咗條唔知乜鬼嘢帶話包住個盤骨等佢合返埋喎！

因為唔係婦產科，所以要比一舊水當新症睇，嗰條爛鬼嘢又厚又硬勁唔舒服囉！同埋只可以企喺度OR行緊嗰時用，坐喺度會"銀"住個肚好痛！簡單啲講即係"廢"囉！！"晒"咗我一舊水同成個晏晝，激死！！

無啦啦好返咗，希望唔好無啦啦痛返就好啦！唔係到再後期又話要行多D做多D運動，咁痛點行喎！！