頭先放工去咗GLC試girdle + nude bra，之所以唔揾奇華特嘅蔡太，一來因為我實在冇耐性等咁耐，二來亦接受唔到同啲陌生人咁開放地作咁近距離嘅接觸！聞說金都嘅私人胸間都幾好，但個人嚟講對金都有少少抗拒，所以最後揀咗GLC，但佢咁冇我預期中咁好，我指嘅唔係試上身嘅效果，而係佢嘅service。
一開始佢比個普通冇pad girdle我試，以我咁纖瘦嘅身形當然冇嘢睇啦！之後換咗個有pad嘅，都係咁上下！之後佢就話比我試下加nude bra嘅效果，睇吓中唔中意，會唔會覺得太誇張（我咁嘅身材又點會誇呢！？），如果我覺得ok佢先敎我點著（咁係咪imply咗我ok會買嘢先敎我著？）其實我去得都預咗係買嘢，咁就話ok啦，佢再講detail d點貼個nude bra，然後再叫我試一次，但我貼完唔啱位，佢就mit返出嚟話應該貼低d同開d，跟住就叫我換返衫，吓？咁快！？唔係應該比我試多幾次學識為止咩？？即係佢有佢教，吸收到幾多就閣下自理！？
最後我當然都係有比錢幫襯啦！佢唔係唔好，只係冇想像中咁好，有比你試唔同效果，有教你點貼nude bra（但唔包學識），仲送咗兩set啪啪紐（for釘住個girdle同婚紗晚裝，等佢穏陣D冇咁易露出個girdle），不過佢全程係咁話過年後好忙，日日都好多客，咁係咪多客咗service就差咗？？過年後仲加咗價添喎，忙d都抵啦！
Girdle $268 + Nude bra $150 = $418
要買束腰褲先有9折，佢嘅價錢係貴過出面，咪當比多少少錢上一堂教你用nude bra，最重要係佢one on one，唔使同其他人肉帛相見！
German Lingerie Collections
尖沙咀漆咸道南87-105號百利商業中心11樓1134室
Tel: 31517280
2012年1月31日 星期二
Pre-wedding＠Mona Lisa之準備
嚟緊呢個星期六2/4就影第一輯Pre-wedding喇！原本以為會好緊張，點知又冇喎，仲乜鬼都冇準備添！呢輯係喺HK Mona Lisa影，要準備嘅嘢應該冇去台灣咁多啦，啱啱揾咗少少資料，check check仲爭D乜先！
新娘篇：
1. 婚紗鞋 - 借咗細妹嘅，包包會幫我拎去
2. 晚裝鞋 - 買咗（好靚的！），自己帶
3. 波鞋 (唔洗成日著住高踭鞋) - 唔使啦，著慣咗
4. 拖鞋 (海灘用) - 唔使啦，我地都唔影海灘
5. Girdle / Nu Bra / 乳貼 - 約咗今晚去GLC試／買
6. 束腰褲 / 白色打底褲 - 本身嗰條褲仔好似太短，或者今晚買過條
7. 脫毛 - underarm用咗laser，手腳唔需要
8. Cream / Lotion (For Body/Hand) - 會帶
9. 防曬 - 如果好天帶支spray去
10. 落妝液, 護膚品, 化妝品 (落妝後用) - 會帶
11. 橡筋 / 夾 / hair gel (方便走時唔好披頭散髮) - 會帶
12. 乾粉撲,濕粉撲 - Mona Lisa提供
13. 假眼睫毛 - Mona Lisa提供，不過都會帶定自己嗰D
14. 頭花, 飾物 - 冇準備喎！Mona Lisa提供
15. 毛毛披肩 / 外套 - 帶件大件D同輕身D，方便著出去影相
16. Contact lens + 眼藥水 - 尋日free trial拎咗color con
17. 帽 / 太陽眼鏡 (For唔化妝出街遮黑眼圈) - 或者帶副平光眼鏡
18. 搽手甲腳甲 / 整Gel甲 - 未搽，諗緊gel好gel好
19. 修眉 - 過兩日先自己修
20. Facial - 未做。。。
注意事項： 穿白色或淺色打底褲以防走光
拍攝前至少一星期要勤做facial及有充足睡眠（我冇囉，現在已經太遲。。。）
拍攝之前2天需先修眉（到時先蚊就會紅咗唔靚）
拍攝前一晚睡前唔好飲太多水
不要吃煎炸同辛辣的食物
新郎篇：
1. 禮服白恤衫 / 顏色恤衫 - 喺VA借咗2件，包包自己帶去
2. Casual恤衫 + 牛仔褲 - 我地呢輯冇包影casual wear，要咪用著去嗰套囉
3. Silm d嘅西褲 - Mona Lisa提供
4. 白襪, 黑襪 - 買晒！包包自己帶
5. 白鞋, 黑鞋 - 買晒！包包自己帶
6. 拖鞋 (海灘用) - 唔使啦，我地都唔影海灘
7. 外套 - 著去嗰件得啦
8. 髮泥 - 包包自己帶
9. 鬚刨 - 唔使啦，剃咗先出門口
10. 無鏡片眼鏡框 + Contact lens - 到時唔會戴眼鏡影，尋日已經叫包包開始唔好帶眼鏡，怕會有眼鏡印，佢得百幾度冇問題
注意事項： 穿白色內褲
刮清鬍鬚
修鼻毛
其他雜項：
1. 食物 - 食咗早餐先去，兩點到
2. 水連飲管 - 到時買
3. 絲花花球 / 襟花 - 借咗細妹個絲花花球，自己個Jack Jack留返去台灣先用
4. 結婚公仔 - 未買
5. 紙巾 / 濕紙巾 - 平時都有帶出街
6. 膠布 - 平時都有帶出街
7. 蚊怕水 - no need
8. 雨傘 - 落雨先拎，應該好天嘅！
9. 毛巾 - 包包帶
10. 防水既大袋 - no need
11. 氣球 - no need
12. 同吹泡泡機 - no need
13. 相機 - 包包帶
14. Package Copy - 會帶
15. Job reference - 已save喺iPhone
新娘篇：
1. 婚紗鞋 - 借咗細妹嘅，包包會幫我拎去
2. 晚裝鞋 - 買咗（好靚的！），自己帶
3. 波鞋 (唔洗成日著住高踭鞋) - 唔使啦，著慣咗
4. 拖鞋 (海灘用) - 唔使啦，我地都唔影海灘
5. Girdle / Nu Bra / 乳貼 - 約咗今晚去GLC試／買
6. 束腰褲 / 白色打底褲 - 本身嗰條褲仔好似太短，或者今晚買過條
7. 脫毛 - underarm用咗laser，手腳唔需要
8. Cream / Lotion (For Body/Hand) - 會帶
9. 防曬 - 如果好天帶支spray去
10. 落妝液, 護膚品, 化妝品 (落妝後用) - 會帶
11. 橡筋 / 夾 / hair gel (方便走時唔好披頭散髮) - 會帶
12. 乾粉撲,濕粉撲 - Mona Lisa提供
13. 假眼睫毛 - Mona Lisa提供，不過都會帶定自己嗰D
14. 頭花, 飾物 - 冇準備喎！Mona Lisa提供
15. 毛毛披肩 / 外套 - 帶件大件D同輕身D，方便著出去影相
16. Contact lens + 眼藥水 - 尋日free trial拎咗color con
17. 帽 / 太陽眼鏡 (For唔化妝出街遮黑眼圈) - 或者帶副平光眼鏡
18. 搽手甲腳甲 / 整Gel甲 - 未搽，諗緊gel好gel好
19. 修眉 - 過兩日先自己修
20. Facial - 未做。。。
注意事項： 穿白色或淺色打底褲以防走光
拍攝前至少一星期要勤做facial及有充足睡眠（我冇囉，現在已經太遲。。。）
拍攝之前2天需先修眉（到時先蚊就會紅咗唔靚）
拍攝前一晚睡前唔好飲太多水
不要吃煎炸同辛辣的食物
新郎篇：
1. 禮服白恤衫 / 顏色恤衫 - 喺VA借咗2件，包包自己帶去
2. Casual恤衫 + 牛仔褲 - 我地呢輯冇包影casual wear，要咪用著去嗰套囉
3. Silm d嘅西褲 - Mona Lisa提供
4. 白襪, 黑襪 - 買晒！包包自己帶
5. 白鞋, 黑鞋 - 買晒！包包自己帶
6. 拖鞋 (海灘用) - 唔使啦，我地都唔影海灘
7. 外套 - 著去嗰件得啦
8. 髮泥 - 包包自己帶
9. 鬚刨 - 唔使啦，剃咗先出門口
10. 無鏡片眼鏡框 + Contact lens - 到時唔會戴眼鏡影，尋日已經叫包包開始唔好帶眼鏡，怕會有眼鏡印，佢得百幾度冇問題
注意事項： 穿白色內褲
刮清鬍鬚
修鼻毛
其他雜項：
1. 食物 - 食咗早餐先去，兩點到
2. 水連飲管 - 到時買
3. 絲花花球 / 襟花 - 借咗細妹個絲花花球，自己個Jack Jack留返去台灣先用
4. 結婚公仔 - 未買
5. 紙巾 / 濕紙巾 - 平時都有帶出街
6. 膠布 - 平時都有帶出街
7. 蚊怕水 - no need
8. 雨傘 - 落雨先拎，應該好天嘅！
9. 毛巾 - 包包帶
10. 防水既大袋 - no need
11. 氣球 - no need
12. 同吹泡泡機 - no need
13. 相機 - 包包帶
14. Package Copy - 會帶
15. Job reference - 已save喺iPhone
2012年1月30日 星期一
Mona Lisa 揀衫／試衫
Mona Lisa個網上揀衫系統都幾friend，慳番D時間唔使去到先揀，不過D相好多都影得唔係太清楚／完整，婚紗好多款，晚裝就麻麻。。。我揀咗13件婚紗＋7件晚裝，晚裝真係唔多揀得落手，都係是但揀幾件唔同色試吓咋。。。上星期六去咗試衫喇，最後試咗12件婚紗＋6件晚裝，即係婚紗晚裝各有1件冇得試，應該係比人揀咗啦！幫我換衫個姐姐勁快手，一個鐘頭內已經試晒咁多件，簡直係摩打手呀！！因為有個比我更冇耐性嘅朋友仔陪我去，咁高效率啱晒！！
大露背so sexy！不過呢件冇得試呀！
前短後幾型！不過影outdoor先襯，大心型胸唔得咗！
Halter-neck款我中意！但呢件上身同下身唔係好襯！
呢件好特別呀！亦都好難著得好睇！我覺得我著得幾好睇喎！
宮廷＋公主款，唔啱我喎！
貝殼胸like呀！裙身有幾層，入面係lace出面係紗加立體碎花，好特別！不過長腳蟹著得好肥！我著得仲好睇！
有我中意嘅開心黃呀！但呢件係大長金style，即係肥囉！
呢件靚D呀！佢d catalog好多相都係著住呢件影呢！
簡單得嚟又型又高貴！啱我！可惜晚裝係影outdoor，呢件太grand喇！
Cutting唔錯，著得瘦呀！顏色就麻麻地like，好似老咗少少！
估吓我最終揀咗邊件吖！？？
大露背so sexy！不過呢件冇得試呀！
前短後幾型！不過影outdoor先襯，大心型胸唔得咗！
Halter-neck款我中意！但呢件上身同下身唔係好襯！
呢件好特別呀！亦都好難著得好睇！我覺得我著得幾好睇喎！
宮廷＋公主款，唔啱我喎！
貝殼胸like呀！裙身有幾層，入面係lace出面係紗加立體碎花，好特別！不過長腳蟹著得好肥！我著得仲好睇！
有我中意嘅開心黃呀！但呢件係大長金style，即係肥囉！
呢件靚D呀！佢d catalog好多相都係著住呢件影呢！
簡單得嚟又型又高貴！啱我！可惜晚裝係影outdoor，呢件太grand喇！
Cutting唔錯，著得瘦呀！顏色就麻麻地like，好似老咗少少！
估吓我最終揀咗邊件吖！？？
個姐姐仲拎多咗2件婚紗同2件晚裝比我試添呀！係for Big Day外租嘅，佢地做緊半價promotion，如果啱款都幾平呀！
1婚紗 + 1晚裝／男禮／伴郎禮服／媽媽衫／伴娘禮服 - $2,444（原價$4,888）
1婚紗 + 2晚裝／男禮／伴郎禮服／媽媽衫／伴娘禮服 - $2,744（原價$5,488）
1婚紗 + 3晚裝／男禮／伴郎禮服／媽媽衫／伴娘禮服 - $2,994（原價$5,988）
呢兩件都有Swarovski石，兩件我都覺得好型好中意呀！可惜我已經join咗租晚裝pkg呢。。。
1婚紗 + 1晚裝／男禮／伴郎禮服／媽媽衫／伴娘禮服 - $2,444（原價$4,888）
1婚紗 + 2晚裝／男禮／伴郎禮服／媽媽衫／伴娘禮服 - $2,744（原價$5,488）
1婚紗 + 3晚裝／男禮／伴郎禮服／媽媽衫／伴娘禮服 - $2,994（原價$5,988）
呢兩件都有Swarovski石，兩件我都覺得好型好中意呀！可惜我已經join咗租晚裝pkg呢。。。
Mona Lisa Bridal Salon 蒙娜麗莎
自從喺婚紗展join咗Four Seasons影pre-wedding之後就成日囉囉戀，因為上網睇返D comments好似好差咁，好多都話佢服務差影得又唔靚，越睇越驚，唯有希望自己好彩D，冇人地講得咁衰啦！
見酒席嗰度送咗張Mona Lisa嘅coupon，我就問包包好唔好喺HK影多輯當practice，希望有一次經驗下次會表現得好D，就算Four Seasons真係d人講得咁差，我地都唔使on居居比人蝦嘛！於是1／1我地無無聊聊冇嘢做就去咗SOGO上面間Mona Lisa，上去之前我仲同包包講 “今日一毫子都唔可以比！！” 最後，當然又係我自sell症發作，然後包包又好乖咁自動比錢啦！
張coupon本身乜鬼都唔包，得十幾張散裝相唔包相簿，兩套婚紗唔包晚裝，男禮又唔包，租兩套都千幾蚊喎！我地本身諗住如果影得靚到時先考慮加錢upgrade，影得唔靚咪由得佢囉，反正當練習啫！點知原來只用coupon唔upgrade嘅話，拍攝時間只限於星期一至五，咁包包咪要特登請假返HK？？而且排期已經排到8月，但我地4月去台灣影喎！咁點當practice呀！？所以諗諗下，加三千幾蚊包埋相簿，油畫，晚裝，男禮，好似都幾抵吖！又可以揀星期六日影，sales姐姐仲話最快2／4就影得喇！最多到時我堅持唔加相唔比錢upgrade，帶埋幾個朋友仔去撳住我唔好比人sell到，咁就冇問題啦！所以最後咪join咗囉！
Coupon內容：
拍攝40款選12相片不連影像
婚紗2款
頭飾連髮型2款，新娘及新郎化妝各1次
多款名貴飾物配襯
4" x 5"相紙 - 12
5" x 7"相紙 - 1
8" x 10"相紙 - 1
Upgrade pkg內容：
8" x 12"相紙19相簿**珍珠封面 - 1
20" x 24"油畫連木框 - 1（原套餐內16" x 20"）
5" x 7"相架 - 1
8" x 10"相架 - 1
數碼影像檔案 - 28
包假眼睫毛，乾濕粉卜，電腦效果
男禮轉公司系列2套
婚紗影相系列**珀麗灣室內拍攝
晚裝可選馬灣公園或沙灘
除油畫外其他為絨面相紙
相簿不包coating及排版設計
原本sales姐姐Jennifer offer比我個pkg係22張softcopy，佢話pkg本身應該得19張，佢已經比多咗3張我，點知我一返屋企上網就發現可以有28張，蝕咗！激屎人喇！蘇州過後冇艇撘，點算！？好彩blogger YanYuen好好咁比咗佢個單number我，我第日即刻打電話比Jennifer AR返！佢真係有問我攞人地個單number check，check完之後先比返28張我，仲叫我唔好同人講添，抵返！
見酒席嗰度送咗張Mona Lisa嘅coupon，我就問包包好唔好喺HK影多輯當practice，希望有一次經驗下次會表現得好D，就算Four Seasons真係d人講得咁差，我地都唔使on居居比人蝦嘛！於是1／1我地無無聊聊冇嘢做就去咗SOGO上面間Mona Lisa，上去之前我仲同包包講 “今日一毫子都唔可以比！！” 最後，當然又係我自sell症發作，然後包包又好乖咁自動比錢啦！
張coupon本身乜鬼都唔包，得十幾張散裝相唔包相簿，兩套婚紗唔包晚裝，男禮又唔包，租兩套都千幾蚊喎！我地本身諗住如果影得靚到時先考慮加錢upgrade，影得唔靚咪由得佢囉，反正當練習啫！點知原來只用coupon唔upgrade嘅話，拍攝時間只限於星期一至五，咁包包咪要特登請假返HK？？而且排期已經排到8月，但我地4月去台灣影喎！咁點當practice呀！？所以諗諗下，加三千幾蚊包埋相簿，油畫，晚裝，男禮，好似都幾抵吖！又可以揀星期六日影，sales姐姐仲話最快2／4就影得喇！最多到時我堅持唔加相唔比錢upgrade，帶埋幾個朋友仔去撳住我唔好比人sell到，咁就冇問題啦！所以最後咪join咗囉！
Coupon內容：
拍攝40款選12相片不連影像
婚紗2款
頭飾連髮型2款，新娘及新郎化妝各1次
多款名貴飾物配襯
4" x 5"相紙 - 12
5" x 7"相紙 - 1
8" x 10"相紙 - 1
Upgrade pkg內容：
8" x 12"相紙19相簿**珍珠封面 - 1
20" x 24"油畫連木框 - 1（原套餐內16" x 20"）
5" x 7"相架 - 1
8" x 10"相架 - 1
數碼影像檔案 - 28
包假眼睫毛，乾濕粉卜，電腦效果
男禮轉公司系列2套
婚紗影相系列**珀麗灣室內拍攝
晚裝可選馬灣公園或沙灘
除油畫外其他為絨面相紙
相簿不包coating及排版設計
原本sales姐姐Jennifer offer比我個pkg係22張softcopy，佢話pkg本身應該得19張，佢已經比多咗3張我，點知我一返屋企上網就發現可以有28張，蝕咗！激屎人喇！蘇州過後冇艇撘，點算！？好彩blogger YanYuen好好咁比咗佢個單number我，我第日即刻打電話比Jennifer AR返！佢真係有問我攞人地個單number check，check完之後先比返28張我，仲叫我唔好同人講添，抵返！
2012年1月26日 星期四
Four Seasons Crystal Wedding 四季水晶婚禮
Pre-wedding係我地最早confirm嘅一個item，因為包包唔中意喺香港影，佢話好悶好行喎！其實我覺得幾有親切感吖，而且香港有好多地方都好特別，平時又未必會去（梗係唔係赤柱同中環夜景嗰D啦！），不過包包唔like，佢又話想影羊羊，所以我地諗都冇諗就決定去台中影Pre-wedding喇！要預時間book機票酒店，拍攝，揀相，執相，晒相，再寄返香港，前前後後都起碼要半年，所以早D攪時間鬆動D，touch wood出嚟效果唔靚都仲有時間補多輯吖嘛！（最好唔好啦！）
最初有諗過join曼哈頓，因為中意佢地型得嚟又浪漫嘅FEEL，但佢地唔擺expo，香港又冇office，好似好難溝通咁。。。其次有諗過Masalili，貪佢地pkg選擇多，唔同風格都有，但係join一個pkg又好似有D局限，join兩個又好貴喎！仲有聽聞佢地好嘅photographers都走咗好多，所以都係心大心細。。。
上年十一月去婚紗展諗住睇吓有咩其他選擇，點知一入去就比個台灣叔叔夾住咗，咁就坐低睇下啦，嘩！有我中意嘅歐陸式嘅建築物呀！ 呢幾座嘢之前見過D相已經覺得好靚好特別，sales姐姐Crystal話佢叫老英格蘭成堡，一般人只可以喺出面影相，要係呢度嘅住客先可以喺入面影，而且住一晚要成四五千蚊，仲係有錢都未必一定book到，因為只得23間房喎！
睇吓係咪好靚靚呢！好似去咗歐洲咁呀！！
雖然我地之前都未聽過呢間公司，個sales姐姐又講得有D誇張，不過因為佢個pkg好似幾吸引，並唔係價錢優惠喎，而係佢包埋一晚喺老英格蘭度住呀，咁就可以喺入面影相啦！！而且行程又好彈性，我唔like影D花花草草，包包中意影羊羊，佢嘅行程可以比我地揀5個景點連同週邊景色，可以同時滿足晒我同包包嘅要求！以下就係我地個pkg嘅內容：
18"滿版設計專輯攝影專輯30組（upgrade至60組）
4" x 5"掌中本1本（upgrade至2本）
贈專利防UV處理及全新手工水晶相本
24“放大相片一幅（upgrade至30“）
時尚專屬照片100張（謝片）（upgrade至300張）
所選作品電子圖檔30組（upgrade至60組）
額外贈送：
簽名布
桌上框 x 2
摩天輪相架
新娘造形5套
景點：
地中海藍白系列陽光攝影棚
薰衣草浪漫花海拍攝
森林陽山美景拍攝
沙灘淡水景拍攝
日月潭湖畔拍攝（Good!）
老英格蘭城堡內外景拍攝（Good!）
紙教堂拍攝（Good!）
森林秘密花園拍攝（Good!）
青青草原看綿羊之旅（Good!）
另外，我地仲加咗少少錢影埋台北添呀！本來我地都唔中like影台北，因為太多人影好似好行咁，而且影兩日好辛苦！不過因為佢間公司喺台北，我地要去台北揀咗衫先去台中影，横掂都係順路啫，咁就影埋唔好蝕啦！本來要加三千影台北，我地加咗一千咋！其實成個pkg都有少少貴，不過有晒我地想要嘅嘢，希望到四月時影得又開心又靚啦！
最初有諗過join曼哈頓，因為中意佢地型得嚟又浪漫嘅FEEL，但佢地唔擺expo，香港又冇office，好似好難溝通咁。。。其次有諗過Masalili，貪佢地pkg選擇多，唔同風格都有，但係join一個pkg又好似有D局限，join兩個又好貴喎！仲有聽聞佢地好嘅photographers都走咗好多，所以都係心大心細。。。
上年十一月去婚紗展諗住睇吓有咩其他選擇，點知一入去就比個台灣叔叔夾住咗，咁就坐低睇下啦，嘩！有我中意嘅歐陸式嘅建築物呀！ 呢幾座嘢之前見過D相已經覺得好靚好特別，sales姐姐Crystal話佢叫老英格蘭成堡，一般人只可以喺出面影相，要係呢度嘅住客先可以喺入面影，而且住一晚要成四五千蚊，仲係有錢都未必一定book到，因為只得23間房喎！
睇吓係咪好靚靚呢！好似去咗歐洲咁呀！！
雖然我地之前都未聽過呢間公司，個sales姐姐又講得有D誇張，不過因為佢個pkg好似幾吸引，並唔係價錢優惠喎，而係佢包埋一晚喺老英格蘭度住呀，咁就可以喺入面影相啦！！而且行程又好彈性，我唔like影D花花草草，包包中意影羊羊，佢嘅行程可以比我地揀5個景點連同週邊景色，可以同時滿足晒我同包包嘅要求！以下就係我地個pkg嘅內容：
18"滿版設計專輯攝影專輯30組（upgrade至60組）
4" x 5"掌中本1本（upgrade至2本）
贈專利防UV處理及全新手工水晶相本
24“放大相片一幅（upgrade至30“）
時尚專屬照片100張（謝片）（upgrade至300張）
所選作品電子圖檔30組（upgrade至60組）
額外贈送：
簽名布
桌上框 x 2
摩天輪相架
新娘造形5套
景點：
地中海藍白系列陽光攝影棚
薰衣草浪漫花海拍攝
森林陽山美景拍攝
沙灘淡水景拍攝
日月潭湖畔拍攝（Good!）
老英格蘭城堡內外景拍攝（Good!）
紙教堂拍攝（Good!）
森林秘密花園拍攝（Good!）
青青草原看綿羊之旅（Good!）
另外，我地仲加咗少少錢影埋台北添呀！本來我地都唔中like影台北，因為太多人影好似好行咁，而且影兩日好辛苦！不過因為佢間公司喺台北，我地要去台北揀咗衫先去台中影，横掂都係順路啫，咁就影埋唔好蝕啦！本來要加三千影台北，我地加咗一千咋！其實成個pkg都有少少貴，不過有晒我地想要嘅嘢，希望到四月時影得又開心又靚啦！
2012年1月20日 星期五
失驚無神去擇日
其實我唔知擇日同夾八字有咩分別，定係擇日會包埋夾八字呢？咁如果夾咗之後發現唔好唔通就唔結婚咩！我同包包都覺得唔需要做呢啲嘢，揀一日有紀念性或者易記就得啦（我記性唔好嘛）！最多唔好撞自己同雙方父母生日月份，我都有八掛吓喺iPhone個apps度睇過邊日宜／忌嫁娶咁囉！
我地一開始係想揀2/18，因為呢日係我地嘅拍拖紀念日，但2/18/2013係星期一，我地好多朋友同事都要返大陸做嘢，所以平日唔會嚟到。同埋又驚一到七八點收工時間，啲人就會係咁湧嚟，影相招呼唔切，唔知攪到幾點先可以入席，又怕夜咗D賓客第日要返工辛苦（幾體貼！）所以經過一輪討論後最終都係決定放棄，咁就順延至後面嗰D星期六啦！3/2宜嫁娶（iPhone個apps話），或者3/23 ﹠3/30都好易記吖！
殊不知同包包爸媽去睇場，睇到北京道一號帝廷，佢地好似鬼好中意咁，而個場booking又好full喎，我地想揀嘅日子都比人book了！改期又唔知改幾時好，1月凍，2月過年，4月包包又話遲得滯（佢想快D娶到我！），所以包包同佢爸媽都好擔心，於是乎就提議去夾吓八字，睇下邊日啱我地而又有期。第二日包包就佢媽咪去咗揾C父，一問C父就話3/16最夾我地，咁啱呢日又係帝廷喺3月份唯一一個冇人book嘅星期六，包包勁開心，覺得我地好夾好好彩，跟住仲即刻走去帝廷落訂添！
我地一開始係想揀2/18，因為呢日係我地嘅拍拖紀念日，但2/18/2013係星期一，我地好多朋友同事都要返大陸做嘢，所以平日唔會嚟到。同埋又驚一到七八點收工時間，啲人就會係咁湧嚟，影相招呼唔切，唔知攪到幾點先可以入席，又怕夜咗D賓客第日要返工辛苦（幾體貼！）所以經過一輪討論後最終都係決定放棄，咁就順延至後面嗰D星期六啦！3/2宜嫁娶（iPhone個apps話），或者3/23 ﹠3/30都好易記吖！
殊不知同包包爸媽去睇場，睇到北京道一號帝廷，佢地好似鬼好中意咁，而個場booking又好full喎，我地想揀嘅日子都比人book了！改期又唔知改幾時好，1月凍，2月過年，4月包包又話遲得滯（佢想快D娶到我！），所以包包同佢爸媽都好擔心，於是乎就提議去夾吓八字，睇下邊日啱我地而又有期。第二日包包就佢媽咪去咗揾C父，一問C父就話3/16最夾我地，咁啱呢日又係帝廷喺3月份唯一一個冇人book嘅星期六，包包勁開心，覺得我地好夾好好彩，跟住仲即刻走去帝廷落訂添！
2012年1月19日 星期四
睇場記 - 北京道一號帝廷
之前睇過銅鑼灣嗰間帝廷，大就係大，但個場三尖八角咁，又長又古怪，地方唔見洗，仲好鬼舊添，見到佢張紅地毯都唔開胃！所以轉戰尖沙咀北京道一號，鄰近地鐵站，交通方便，而且新淨好多添！
個場四四方方都幾大，最多可以擺三十圍，廿五圍可以包場，裝修都幾靚吖，又係宫廷式設計，冇皇府嗰D咁浮誇！最衰有三條住，會遮住少少睇唔到個台，好彩有三部大電視補番數！
個backdrop上年新換嘅，都幾靚吖！（不過係我最憎嘅粉紅色囉！！）希望佢快D又轉新裝啦！同埋加返張白色地毯吖唔該！
又有無敵大海景呀，正！我中意！！
Ｄ擺設都幾靚幾新！香檳金色椅套我又中意！
新娘房大到呢。。。擺到成圍仲有張梳化呀！
Receiption table係我中意嘅絨布（唔要紗），不過唔係幾like深紫色，如果轉做銀白或米白色就GOOD晒！
睇場當日個經理比埋個schedule我地睇，2013年5／6月都有人訂喇！三月好日嘅weekend都比人book晒！我地係上年11月去睇，即係仲有1年零4個月，唔係咁誇呀嘛！
睇完呢個booking schedule，包包同佢爸爸媽媽都驚咗，好擔心冇期！於是就提議去夾吓八字，睇吓邊日夾我地而又有期。。。待續
個場四四方方都幾大，最多可以擺三十圍，廿五圍可以包場，裝修都幾靚吖，又係宫廷式設計，冇皇府嗰D咁浮誇！最衰有三條住，會遮住少少睇唔到個台，好彩有三部大電視補番數！
個backdrop上年新換嘅，都幾靚吖！（不過係我最憎嘅粉紅色囉！！）希望佢快D又轉新裝啦！同埋加返張白色地毯吖唔該！
又有無敵大海景呀，正！我中意！！
Ｄ擺設都幾靚幾新！香檳金色椅套我又中意！
新娘房大到呢。。。擺到成圍仲有張梳化呀！
Receiption table係我中意嘅絨布（唔要紗），不過唔係幾like深紫色，如果轉做銀白或米白色就GOOD晒！
睇場當日個經理比埋個schedule我地睇，2013年5／6月都有人訂喇！三月好日嘅weekend都比人book晒！我地係上年11月去睇，即係仲有1年零4個月，唔係咁誇呀嘛！
睇完呢個booking schedule，包包同佢爸爸媽媽都驚咗，好擔心冇期！於是就提議去夾吓八字，睇吓邊日夾我地而又有期。。。待續
睇場記 - 灣仔合和薈軒
薈軒喺灣仔合和中心，呢個場好似唔係好多人擺酒，可能唔係太就腳啦，地鐵要行成十分鐘，又好少巴士到，但話晒灣仔區都算方便嘛！
個場都幾大，可以擺到三十五圍，姐姐話我地廿圍度都可以包場，咁優惠！？？因為min charge少嘛，十四萬咋！仲有兩個停車場車位任泊添呀！裝修一般啦，都有少少宫廷式設計，但唔係金碧輝煌嗰隻，清清地以白色為主，係個天花板上面ｄ鏡樣衰少少囉！
因為下午茶時間有人飲緊茶，ｄ侍應又set緊場，所以好似好迫咁，實情好大好寬敞架！佢兩邊都有兩碌好粗嘅柱，不過如果廿幾圍都冇咩問題，一邊可能遮住少少，另一邊可以間開嚟做麻雀房。
個backdrop唔係好得，不過有地毯同其他deco OK la！
新娘房都幾細，有獨立洗手間，都有個電視仔，如果包場仲可以用晒兩個新娘房添！
呢度係隔涉咗少少，除咗揸車之外點都要行段路，但勝在個場夠大，價錢又優惠，包包都幾中意！
個場都幾大，可以擺到三十五圍，姐姐話我地廿圍度都可以包場，咁優惠！？？因為min charge少嘛，十四萬咋！仲有兩個停車場車位任泊添呀！裝修一般啦，都有少少宫廷式設計，但唔係金碧輝煌嗰隻，清清地以白色為主，係個天花板上面ｄ鏡樣衰少少囉！
因為下午茶時間有人飲緊茶，ｄ侍應又set緊場，所以好似好迫咁，實情好大好寬敞架！佢兩邊都有兩碌好粗嘅柱，不過如果廿幾圍都冇咩問題，一邊可能遮住少少，另一邊可以間開嚟做麻雀房。
個backdrop唔係好得，不過有地毯同其他deco OK la！
新娘房都幾細，有獨立洗手間，都有個電視仔，如果包場仲可以用晒兩個新娘房添！
呢度係隔涉咗少少，除咗揸車之外點都要行段路，但勝在個場夠大，價錢又優惠，包包都幾中意！
睇場記 - The One 迎
之前冇上網睇過佢D相，有日同包包行街街，咁啱行過咪去The One睇吓囉！頂！入咗門口部lift，原來上唔到去，又要落返樓下行過隔離撘電梯，上兩層先再轉lift上去！激死！我咁聰明都去咗兩次先識去，d老人家同小朋友咪随時盪失路！
上到去有個講唔正廣東話嘅姐姐招呼我地，雖然唔係好聽到佢講咩，不過佢又好鬼nice又落力喎（唔係hard sell嗰隻）！呢個場都好新好靚，個backdrop成個都係通花幾特別呀！佢有兩邊都係落地玻璃，後面仲可以開咗佢做証婚，有D半露天feel！LIKE！
佢本Catalog嘅相，影得幾靚！
睇真D，所有嘅椅套都係紅色唔係米白色，仲要係得一半，好似waiter哥哥幫你“凹”嗰D椅套咁！勁樣衰囉！姐姐話呢Ｄ係新換嘅，短期內都唔會再換喎！
個新娘房都好細吓，仲要冇電視添！
呢個場都真係幾靚（除咗ｄ椅套之外！），包包好中意呀！不過價錢唔優惠囉！最平嗰都耍七千，姐姐仲話2013會加大約10%，就算而家cfm都唔可以用現價要用新價！即係最低消費都要八千幾蚊一圍！好貴呀！！
上到去有個講唔正廣東話嘅姐姐招呼我地，雖然唔係好聽到佢講咩，不過佢又好鬼nice又落力喎（唔係hard sell嗰隻）！呢個場都好新好靚，個backdrop成個都係通花幾特別呀！佢有兩邊都係落地玻璃，後面仲可以開咗佢做証婚，有D半露天feel！LIKE！
佢本Catalog嘅相，影得幾靚！
睇真D，所有嘅椅套都係紅色唔係米白色，仲要係得一半，好似waiter哥哥幫你“凹”嗰D椅套咁！勁樣衰囉！姐姐話呢Ｄ係新換嘅，短期內都唔會再換喎！
個新娘房都好細吓，仲要冇電視添！
呢個場都真係幾靚（除咗ｄ椅套之外！），包包好中意呀！不過價錢唔優惠囉！最平嗰都耍七千，姐姐仲話2013會加大約10%，就算而家cfm都唔可以用現價要用新價！即係最低消費都要八千幾蚊一圍！好貴呀！！
睇場記 - 德藝會
之前我地冇打算嚟呢度睇場，一來地點比較遠（雖然喺正地鐵站上蓋），二來睇相冇咩特別感覺，因為唔中意深色裝修，又覺得ClubONE好型好靚，所以都冇諗過會楝呢度，但ClubONE個姐姐叫我地嚟睇吓，佢話呢樹都好靚又大D喎，咁咪嚟八掛吓囉！一睇。。。嘩！OK喎！個場好寬敞，四四方方冇柱位，個台同樓底都勁高，成個feel都好正！我地去到嗰時已經四點幾, 有兄弟姐妹喺度準備緊所以唔方便入去，只係喺出面裝裝下咋咋。。。
隔咗一排我地心思思又去睇多次，今次睇得好清楚，連佢塊又殘又舊嘅木地板比d膠紙痴到甩晒油都睇得好清楚！我同包包講，個場好靚我都幾中意，不過我接受唔到佢塊爛地板囉！深色地板／毯本來已經麻麻地中意，但個場靚可以加番d分，而佢塊地板就又舊又甩到一達達，任何一個位都會見到喎！點攪！？個sales哥哥仲話啱啱裝修完冇換地塊，短期內都唔會換喎。。。灰咗！！
雖然我接受唔到佢塊地，但佢個台側邊條梯仔真係好鬼吸引！睇完之後我成日自己諗，喺條樓梯度行落嚟march In，又噴烟又spot light咁幾型呀！行落嘉賓席之後繞場一週再行返上台，嘩正到呢！！仲有，佢另外有間房可以做麻雀房，咁就唔使喺個場度開枱咁肉酸又阻地方啦！
睇吓佢樓底幾鬼高！仲有projector喺後面
佢個地板。。。冇影到甩咗油嗰D咋！
個台都好靚呀又夠高！新裝修轉咗通花勁like！
我條樓梯呀！！！
同一集團仲有大舞台，係古堡式設計，不過好似好舊咁包包唔中意。博藝會仲靚，不過太遠啦！新D嘅仲有ClubONE Kln Peak，仲未正式開，地點又非常之隔涉，所以呢幾個場我地都冇去睇。
隔咗一排我地心思思又去睇多次，今次睇得好清楚，連佢塊又殘又舊嘅木地板比d膠紙痴到甩晒油都睇得好清楚！我同包包講，個場好靚我都幾中意，不過我接受唔到佢塊爛地板囉！深色地板／毯本來已經麻麻地中意，但個場靚可以加番d分，而佢塊地板就又舊又甩到一達達，任何一個位都會見到喎！點攪！？個sales哥哥仲話啱啱裝修完冇換地塊，短期內都唔會換喎。。。灰咗！！
雖然我接受唔到佢塊地，但佢個台側邊條梯仔真係好鬼吸引！睇完之後我成日自己諗，喺條樓梯度行落嚟march In，又噴烟又spot light咁幾型呀！行落嘉賓席之後繞場一週再行返上台，嘩正到呢！！仲有，佢另外有間房可以做麻雀房，咁就唔使喺個場度開枱咁肉酸又阻地方啦！
睇吓佢樓底幾鬼高！仲有projector喺後面
佢個地板。。。冇影到甩咗油嗰D咋！
個台都好靚呀又夠高！新裝修轉咗通花勁like！
我條樓梯呀！！！
同一集團仲有大舞台，係古堡式設計，不過好似好舊咁包包唔中意。博藝會仲靚，不過太遠啦！新D嘅仲有ClubONE Kln Peak，仲未正式開，地點又非常之隔涉，所以呢幾個場我地都冇去睇。
睇場記 - ClubONE
我地第一心水係ClubONE，雖然地點喺觀塘麻麻地，但包包睇完d相之後都話好靚！西式裝修，又有水晶橙，望落去仲grand過酒店！所以第一次出動睇場就首選呢度，點知結果係極度失望囉！！
(Photos copied from http://www.clubwedding.com.hk/ClubONE%20Kln%20East/p50/婚宴實景.html)
地點已經唔太好，喺工廠區，仲要喺棟唔知咩building入面，要經過間中藥鋪再上電梯先到，感覺怪怪的！個場又細個台又細樓底又唔夠高，淨係得個新娘房夠大同埋新淨，感覺好似借咗人地間餐廳攪function咁！個sales姐姐話最多可以擺25圍，但當日所見只係擺咗20圍都覺得迫迫地，所以望咗兩眼已經冇咩心機再睇了。。。
睇佢條樓梯幾有氣勢！假嘅！！
樓梯上去就係reception area（實景冇咁大的！）
睇相好似好鬼grand咁！
仲有鋼琴添呀！！
睇佢條樓梯幾有氣勢！假嘅！！
樓梯上去就係reception area（實景冇咁大的！）
睇相好似好鬼grand咁！
仲有鋼琴添呀！！
婚禮第一擊 - 揀場
兩個月前嘅今日就係包包澳門求婚之日！其實去澳門之前我地都有傾過睇過結婚嘅嘢，大家都有共識係2013年頭，但日子未定實，我又唔係好想攞酒，所以都只係係咁２睇下，佢爸媽又講到明一定要擺，咁冇計啦！冇得say NO！
到包包求婚之後我地先真真正正去睇場揀地方，我知佢想擺酒店，因為grand d睇面d嘛！但係我都唔係好想攞酒，更加唔想花咁多錢喺呢件事上面！所以一開始我就講明唔擺酒店，一來價錢貴，酒水都要加千幾蚊，又唔送紅酒，仲要加一，親戚朋友要做多Ｄ人情之餘，我地又cover唔到條數！最大問題係我媽咪有極大可能會收返女家嘅人情，咁就白白蝕咗七八圍錢啦！
所以我地會揀會所或酒樓，最好有少少裝修，以白色為主，簡簡單單已經ok，最好decoration都唔使整，慳錢之餘又唔使煩！不過酒樓又絕不能太酒樓feel，即係又金又紅平時飲茶嗰Ｄ就no way啦！地點最好係銅鑼灣或者灣仔，因為我地都係香港人嘛，尖沙咀都ＯＫ嘅，方便其他親朋戚友！我地預計都要擺over 20圍，所以選擇都唔係太多，最重要梗係包場唔好同人share啦！
因為包包平日唔喺香港，我地只有星期六日先可以去睇場，所以必需要爭取時間，事前上網做定功課，務求一擊即中唔使四圍騰！！
所以我地會揀會所或酒樓，最好有少少裝修，以白色為主，簡簡單單已經ok，最好decoration都唔使整，慳錢之餘又唔使煩！不過酒樓又絕不能太酒樓feel，即係又金又紅平時飲茶嗰Ｄ就no way啦！地點最好係銅鑼灣或者灣仔，因為我地都係香港人嘛，尖沙咀都ＯＫ嘅，方便其他親朋戚友！我地預計都要擺over 20圍，所以選擇都唔係太多，最重要梗係包場唔好同人share啦！
因為包包平日唔喺香港，我地只有星期六日先可以去睇場，所以必需要爭取時間，事前上網做定功課，務求一擊即中唔使四圍騰！！
2012年1月10日 星期二
My Dream Wedding Band
我心目中嘅dream wedding band唔使好貴，唔一定要名牌，簡單得嚟有少少款，最好少少特別又有少少意思咁啦！仲有一定要粗身款，因為我同包包d手指都算長又幼，粗身會型d！我會揀個款佢戴得好睇佢中意多d，因為女仔戴好多款都靚，又多款揀，又有求婚介子等等，相反男仔可能成世都係得一隻介指咋！
好多人都會放好多budget落wedding band度，但我反而覺得wedding band唔應該買咁貴，因為日日都戴，又易花又易唔見，買咁貴都係"晒"料！講真有幾多人真係會戴足幾十年吖，戴一年半載買過對轉下款，結婚嗰對咪收埋入保險箱珍藏囉！不過包包梗係想買好d貴d啦（喺佢心目中貴嘢先係好嘛），最好男裝都有石，夠浮誇呀！
大牌子同細鋪頭我地都睇咗好多間，Cartier, Tiffany嗰d brand一定唔會揀，一來價錢唔優惠，二來冇咩款揀，三來撘地鐵撞款就唔好啦！最後我地揀咗呢幾款覺得都OK，不過又冇一款令我有叮叮叮嘅感覺喎。。。你地又覺得邊款最靚最特別呢？
A) 呢對係我地第一次去Expo喺萬福見到覺得OK中意嘅對介，簡單得嚟有少少款，同埋幾有意思ga，兩隻介指癡埋訧變咗Infinity嘅符號。約$12,000，後來喺MaBelle見到同款，仲平少少又多d嘢送添！
B) Forever Couple - 90度刻字加圍石，佢地專做婚介，款式唔多但勝夠特別同料靚，隻隻都勁重金，但就算咁厚身都戴得好舒服！刻字好清浙，圍石全部D color, VS1，包一世保養，甩咗粒石都會免費比返你！冇石$27000，有石$36000（好貴呢。。。）之後我地仲特登去周生度睇佢隻Regalo....完全兩回事囉，我拎咗上手之後試都唔想試。。。
C) Belgium Diamond - 係我勁愛嘅牌子！好恨好恨有一隻佢嘅鑽石介指（其實我睇啱咗款好耐喇！），不過淨係個托都過萬蚊，粒石仲要卡卡起計，都係恨下算吧啦！佢d對介好多都係好fancy & feminine，唔係太啱男仔，呢款算比較簡單，有暗紋，屬粗身款，男裝得一粒石（包包嫌少喎！），女裝一排碎石，同Forever Couple一樣grade，又係包一世保養！$26800 抵好多喎！
D) 張相喺六福廚窗影所以唔係好清楚，實物會靚d！包包最中意呢對，男裝好粗身好型，中意佢個幾何切面，簡單得嚟又有d款，襯到中間粒石好大粒，男裝約廿幾份，女裝睇落成隻都有碎石好鬼閃呀！但係石就梗冇上面兩對咁靚啦，一分錢一分貨吖嘛，都有G/H color嘅，約$12000，視乎粒石同圏大小而定，抵！！
E) 好多人都話PN勁多款，料又靚價錢又抵，但我又唔係好覺囉！款係多但靚/ 特別嘅都只係得一兩款（最靚最特別嗰對已經比我細妹同妹夫買咗啦！），我地喺Expo睇咗十幾廿盆都揾唔到一對有興趣Mark低個code，之後行過專門店又睇下啦，先睇到呢對幾啱心水，都係粗身款，男有主石女有碎石，問阿姐姐d石咩grade，佢淨係話係南非石無分咩grade，$21000（九折咗）我覺得唔抵囉！
好多人都會放好多budget落wedding band度，但我反而覺得wedding band唔應該買咁貴，因為日日都戴，又易花又易唔見，買咁貴都係"晒"料！講真有幾多人真係會戴足幾十年吖，戴一年半載買過對轉下款，結婚嗰對咪收埋入保險箱珍藏囉！不過包包梗係想買好d貴d啦（喺佢心目中貴嘢先係好嘛），最好男裝都有石，夠浮誇呀！
大牌子同細鋪頭我地都睇咗好多間，Cartier, Tiffany嗰d brand一定唔會揀，一來價錢唔優惠，二來冇咩款揀，三來撘地鐵撞款就唔好啦！最後我地揀咗呢幾款覺得都OK，不過又冇一款令我有叮叮叮嘅感覺喎。。。你地又覺得邊款最靚最特別呢？
A) 呢對係我地第一次去Expo喺萬福見到覺得OK中意嘅對介，簡單得嚟有少少款，同埋幾有意思ga，兩隻介指癡埋訧變咗Infinity嘅符號。約$12,000，後來喺MaBelle見到同款，仲平少少又多d嘢送添！
B) Forever Couple - 90度刻字加圍石，佢地專做婚介，款式唔多但勝夠特別同料靚，隻隻都勁重金，但就算咁厚身都戴得好舒服！刻字好清浙，圍石全部D color, VS1，包一世保養，甩咗粒石都會免費比返你！冇石$27000，有石$36000（好貴呢。。。）之後我地仲特登去周生度睇佢隻Regalo....完全兩回事囉，我拎咗上手之後試都唔想試。。。
C) Belgium Diamond - 係我勁愛嘅牌子！好恨好恨有一隻佢嘅鑽石介指（其實我睇啱咗款好耐喇！），不過淨係個托都過萬蚊，粒石仲要卡卡起計，都係恨下算吧啦！佢d對介好多都係好fancy & feminine，唔係太啱男仔，呢款算比較簡單，有暗紋，屬粗身款，男裝得一粒石（包包嫌少喎！），女裝一排碎石，同Forever Couple一樣grade，又係包一世保養！$26800 抵好多喎！
D) 張相喺六福廚窗影所以唔係好清楚，實物會靚d！包包最中意呢對，男裝好粗身好型，中意佢個幾何切面，簡單得嚟又有d款，襯到中間粒石好大粒，男裝約廿幾份，女裝睇落成隻都有碎石好鬼閃呀！但係石就梗冇上面兩對咁靚啦，一分錢一分貨吖嘛，都有G/H color嘅，約$12000，視乎粒石同圏大小而定，抵！！
E) 好多人都話PN勁多款，料又靚價錢又抵，但我又唔係好覺囉！款係多但靚/ 特別嘅都只係得一兩款（最靚最特別嗰對已經比我細妹同妹夫買咗啦！），我地喺Expo睇咗十幾廿盆都揾唔到一對有興趣Mark低個code，之後行過專門店又睇下啦，先睇到呢對幾啱心水，都係粗身款，男有主石女有碎石，問阿姐姐d石咩grade，佢淨係話係南非石無分咩grade，$21000（九折咗）我覺得唔抵囉！
澳門求婚記 - Part 2
好喇！入正題！
11/19/11星期六，我地睇完賽車四點幾，CC話要去唔知ＸＸ教堂幫佢家姐影相交功課，未去澳門之前佢已經講過，所以我都不以為意（加上嗰日我全日都未瞓醒，撘咗半個鐘的士過去仲瞓足全程（=.=），落車之後男主角喺外面講緊電話，我諗住佢傾緊公事就冇理佢自己行咗入去敎堂，嗰時我仲吽下吽下唔知發生咩事，CC叫我行去台前，我就好聽話咁行咗過去，但其實我都唔知要做d乜！
睇下個敎堂入面幾靚 ~
我一轉身，見到男主角突然出現咗喺我面前，手拎住一束好靚靚嘅黃色絲花圍住好多個阿JACK公仔頭，呢一刻嚟得太突然喇，我完全冇諗過佢會喺咁嘅環境下同我求婚（唔係！應該係冇諗過佢會求婚！），所以除咗笑同喊同笑之外，我都唔知比咩反應同講咩好！
我就話冇心理準備啫，原來男主角包包已經同我幾個好好好朋友籌備咗呢單嘢好耐，準備道具，計劃行程，諗定對白，但點知。。。佢一行埋嚟就震到講唔嘢，只係隠約聽到佢講咗幾句說話，最後講完“嫁比我！”，跟住就跪低拎咗隻介指出嚟！咁我梗係up頭應承啦！就係咁，簡單驚喜又感動嘅求婚任務完成了！
睇下我嘅戰利品 ~ 我最愛嘅阿Jack呀！！靚到呢！
事後好友們都投訴聽唔到內容，錄音嘅收唔到音！傻嘅！
我企正喺佢面前都聽唔到，其他人又邊有可能聽到呢！？？後來佢比番份稿我睇先知佢up過d乜！
多謝好友們嘅幫忙，同我分享人生中最大嘅喜悅！嚟返張大合照先！！
路環聖方濟各教堂 （華仔拍遊龍戲鳳咪喺呢樹求婚囉！）
11/19/11星期六，我地睇完賽車四點幾，CC話要去唔知ＸＸ教堂幫佢家姐影相交功課，未去澳門之前佢已經講過，所以我都不以為意（加上嗰日我全日都未瞓醒，撘咗半個鐘的士過去仲瞓足全程（=.=），落車之後男主角喺外面講緊電話，我諗住佢傾緊公事就冇理佢自己行咗入去敎堂，嗰時我仲吽下吽下唔知發生咩事，CC叫我行去台前，我就好聽話咁行咗過去，但其實我都唔知要做d乜！
睇下個敎堂入面幾靚 ~
我一轉身，見到男主角突然出現咗喺我面前，手拎住一束好靚靚嘅黃色絲花圍住好多個阿JACK公仔頭，呢一刻嚟得太突然喇，我完全冇諗過佢會喺咁嘅環境下同我求婚（唔係！應該係冇諗過佢會求婚！），所以除咗笑同喊同笑之外，我都唔知比咩反應同講咩好！
我就話冇心理準備啫，原來男主角包包已經同我幾個好好好朋友籌備咗呢單嘢好耐，準備道具，計劃行程，諗定對白，但點知。。。佢一行埋嚟就震到講唔嘢，只係隠約聽到佢講咗幾句說話，最後講完“嫁比我！”，跟住就跪低拎咗隻介指出嚟！咁我梗係up頭應承啦！就係咁，簡單驚喜又感動嘅求婚任務完成了！
睇下我嘅戰利品 ~ 我最愛嘅阿Jack呀！！靚到呢！
事後好友們都投訴聽唔到內容，錄音嘅收唔到音！傻嘅！
我企正喺佢面前都聽唔到，其他人又邊有可能聽到呢！？？後來佢比番份稿我睇先知佢up過d乜！
多謝好友們嘅幫忙，同我分享人生中最大嘅喜悅！嚟返張大合照先！！
路環聖方濟各教堂 （華仔拍遊龍戲鳳咪喺呢樹求婚囉！）
訂閱：
文章 (Atom)