出名嘅婚紗店實在太多，Time For Elegance唔算好出名，我嗰陣都係揾咗好耐試咗好多間，後尾先喺呢度一試就confirm咗！佢地婚紗都算幾多款，唔同style都有，D衫又新淨，不過主打都係lace, elegance嘅款式，啱晒我！佢地嘅lace係比出面嘅靚，輕，柔軟，所以著上身好舒服好自在，勁長拖尾都唔會覺得論盡！嗰陣啱啱試完Ballroom就試佢，佢地D衫係舒服好多，價錢又差唔多！如果我唔係已經JOIN咗租晚裝嘅package，我諗我都會喺佢地度租埋，佢地D晚裝仲靚，cutting同顏色都好特別！次次去到鋪頭總會見到新款靚款，仲要出面唔覺有！！
由我第一次入呢間鋪頭到最後還衫，佢地每次service都好好，好NICE，好helpful，揀衫試衫時都會比吓意見咁，雖然價錢算係偏貴，不過以佢地嘅質料，cutting同service嚟計，都算合理啦！拎衫時佢地仲教埋我點check件衫，咁啱發現其中一件婚紗拖尾位鈎咗少少，有個好細嘅窿，其實佢唔講我都睇唔到，佢地仲主動提出mark低喺張單度，我覺得好均真好合理吖！
不過最後有件不愉快嘅事發生，還衫時我其中一件婚紗沾咗好多粉底變晒肉色，佢地話我個MUA打粉打得太勁，未見過沾到咁污糟咁誇張，而且絹面好難洗亦未必洗得甩，所以佢地建議一係佢地拎咗去洗之後比返單我claim錢，一係即比＄500唔使煩，咁我眼見又真係好污糟，另一件都有沾都肉色但就淺色好多，費事煩咪即比＄500算囉！我地拎衫時佢都有特別講明難洗嘅污漬係要另外比錢，我覺得咁都算會理嘅！
費事重覆POST咁多相，想睇相就睇返舊POST啦！
Gown Hunting之最終回@Ballroom, Elegance
First Trial@Time For Elegance
Final trial@Time For Elegance
BIG DAY之教堂註冊篇
BIG DAY之晚宴篇
Time For Elegance
尖沙咀金巴利街1B恒港中心12樓全層（佢地間地鋪比業主加租迫遷，唔知揾到新鋪未）
Tel: 2576 1208
沒有留言:
張貼留言