Day 11-12 London City Tour，大英博物館，温沙古堡

好快就嚟到Honeymoon嘅last day啦！真係好唔捨得呢！！

最後一日其實係去London轉機，所以先順道stay半日行吓，我地原先PLAN去Honeymoon時都冇考慮去英國，我又唔中意睇英超，所以去唔去都冇所謂，個團有埋就當bouns去多個地方啦！

晨咁早天未光就要出發去機場，酒店餐廳都未開，唯有帶個breakfast bag上車食啦！因為太眼瞓所以剩係影咗個袋唔記得影D嘢食，印象中有一份三文治，一支水，一支好似益力多嘅嘢飲，好似仲有個生果添！都幾豐富呀！！

睇吓！臨上機前一刻個天都仲未光晒呀！！

上機又瞓，上車又瞓，當我有知覺嗰陣已經去到倫敦啦！


途經呢座好靚嘅嘢～

睇真D，原來係museum！


好多人排隊入去呢～

City tour先去白金漢宮（Buckingham Palace），soooo disappointed！！一D都唔靚一D都唔grand囉！同凡爾賽宮差十萬九千里呀！！


我地去嗰日掛住王室嘅旗，代表英女王或者王子喺入面，如果掛住英國國旗，即係代表王室嘅人唔喺度！

個個伏喺門口個閘度裝入去，都唔知有乜好睇。。。

每個入口都棟咗兩個士兵喺度！


白金漢宮對出嘅廣場～


側門有士兵騎馬出巡，好型呀！！

OMG。。。大褸，高帽，馬車，仲唔係拍緊戲！！？

街上好多London Taxi喔！

下一站係西敏寺（Westminster Abbey），全歐洲最美麗教堂之一，外觀好靚！可惜冇入到去吖！

哥德式建築風格嘅教堂，巧奪天工嘅雕刻，my favourite！！

王室加冕，婚禮，葬禮等等的所有重要儀式都會喺呢度舉行，當然唔係講普通人啦！D西人真奇怪，你會唔會喺”大酒店“註冊結婚吖！！

西敏寺旁邊有間好耐歴史嘅大學，又真係幾舊喎！不過好有特色！

西敏寺隔離就係Big Ben大笨鐘同國會大廈，如果喺泰晤士河嗰邊望返過嚟應該會靚好多，呢邊多人多車，想影張靚相都幾難！我地路過嚟睇吓啫，睇到就得啦！

Big Ben再過少少見唔見到個London Eye凸咗出嚟呢！？佢曾經係世界最大嘅摩天輪，而家就梗係冇佢份啦！！


天氣唔好，天色好陰暗，又大霧又凍，唔怪得人地話英國係霧之都啦！DISLIKE呀！！

Methodist Central Hall~



再下一站係London Bridge，大家唔好誤會，唔好以為呢條咁靚咁童話嘅橋就係London Bridge，其實佢叫做塔橋Tower Bridge至真！


我地企住呢條普通過唔普通嘅先係London Bridge呀！真係唔講你唔知呢！！

眨吓眼我地就過咗去對面嘅Tower Bridge啦！


Tower Bridge旁邊有座古堡！



City tour完就到戲肉 ﹣ 大英博物館（British Museum）！外觀係希臘嘅神殿風格，COOL！真係估佢唔到！！

大英博物館係世界上規模最大，最出名嘅博物館之一，收藏住世界各地嘅珍貴藏品，聽講好多都係偷／搶返嚟嘅，唔知真定假呢！？

大中庭嘅售票處，頂部嘅玻璃天幕係佢嘅特色！


大英博物館分為10個館，以地方嚟區分，呢個係希臘和羅馬館，好多雕塑！

埃及館～

法老王～

敦煌壁畫都有，勁！


木乃貓！！！


唔知到咗半夜個棺入面會唔會有個木乃衣跳出嚟呢！？？


有D人話唔好影呢D嘢，話晒都係屎人嘛！我見D團友都真係唔敢影，我地冇有怕，係咪都影吓啦！香港人嘛！死冇蝕底！！

行咗成朝好鬼攰呀！！去China Town食lunch，係喎！成個trip第一次去China Town，又幾得意喎！！
“倫敦華埠”


嚟得唐人街就梗係食中餐啦！之前一話要食中餐就扁咀，不過今次係飲茶呀！正！！

好大粒蝦餃！！燒埋，魚翅餃等等樣樣齊！！

叉燒包，最衰冇流心奶皇包啦！！（咁又唔好要求咁高。。。）

炸雲吞，春卷，脆到呢！！

仲有炒飯炒麵～


糯米飯都有！不得了！！呢餐最後午餐真係超豐富又好味！

食飽飽又行陣街啦！

唐人街一帶都好多人～



旅程最後一站係温沙古堡（Windsor Castle）﹣ 世界上有人居住嘅城堡中最大嘅一個！我地啱啱喺佢關門前趕到過去，不過都係冇入去參觀，因為已經睇咗好多皇宮，行吓HEA吓睇吓D街景好過啦！


成兩舊水入場費，要自費呢！


外觀真係好古堡FEEL！

幾咁宏偉呢！！


坐喺古堡旁邊HEA吓都幾好吖！！


英國街頭路宿者～

Windsor Castle後園～


“The Long Walk" 真係好long。。。如果要行到尾唔知要行幾耐呢！？

呢個鎮好舒服，冇中心地區咁忙咁多人，好難得見到英國寧靜嘅一面！

City tour bus～

自由行可以撘火車嚟，不過呢個火車頭係假嘅，真嘅只係普通火車，冇咁特別！！

同香港嘅MTR差唔多囉！


車站外面嘅風景都唔錯！

倫敦一天遊完咗即係我地12日嘅honeymoon都完咗喇！好彩仲有4日假休息同調整心情，結婚D嘢都未執返好，返到HK仲有排忙！好掛住歐洲好優悠好HEA嘅生活呀！！I'll be back！