2014-4-4 21WK
今日啱啱21週，呢個星覺得個肚大得特別快，好似睇住小包包一日比一日大咁，好神奇呀！！不過胃口仲係麻麻，夜晚越來越食唔到嘢。。。好擔心小包包唔夠營養呀！唯有日頭盡量食多少少同揀D有營養嘅嘢嚟食，JUNK FOOD BYE BYE！！
講返個瑜伽班先，係其中一個媽媽介紹嘅，個導師教咗瑜伽十年，生咗個女之後就冇做，而家個女兩歲先出返嚟私人教，專教孕婦班！我地上嗰班喺CWB，佢自己book studio，所以要自己帶YOGA MAT同埋比較CASUAL，第一堂人少啲得5個，好鬆動！佢好NICE好細心呀，平時會喺whatsapp group提我地留意啲乜（例如天氣，飲食咁），上常時每個媽媽學生都照顧到，有啲動作肚大同肚細做會有啲分別，佢都會提我地要注意，我覺得整體感覺唔錯！最好嘅係逐堂收費，價錢其實同出面差唔多，但就FLEXIBLE D！所以之後都會繼續上啦，做吓運動RELAX吓，我同小包包都健康啲嘛！仲有希望到時冇咁難生呀！！
上完第一堂最後休息嗰陣FEEL到小包包係咁郁呀！佢第一次郁得咁密，可能佢都中意做YOGA呢！！^^
沒有留言:
張貼留言