產前講座（BB CARE）

2014-4-25 24WK（BB CARE）

BB CARE每個月都有唔同TOPIC嘅產前講座，我地今次參加嘅係“產前產後60天”，聽個名覺得幾吸引，但講嘅內容就好一般囉！

第一個SPEAKER淨係識話乜都冇益乜都唔好食，咁食乜呢！？？呢個世界上好似除咗有機食品外，其他嘢就全部有毒咁！邊有咁多有機嘢你食吖！自己開農場魚場耕田種菜咩！

第二個SPEAKER講咗好多有關生產前嘅準備，坐月個人護理，照顧BB同打針嘅資訊，遲D真係要格吓價睇吓邊度打針平D！內容都係咁上下嗰D，淨係記得佢好強調要多做會陰肌肉運動，唔係生完之後好容易會鬆呀！驚驚！返屋企即刻勤力D做運動先得！上埋瑜珈堂，做得幾多得幾多！！仲有佢講生仔時老公陪入產房做D乜！？好攪笑！等D老公聽吓都好，唔使到時ON居居騰晒雞唔知做乜！！

今次贈品有PH2.5離子酸水（好似話好有用喎！），𧙕仔，SOFT TOUCH GIFT SET，嬰兒護膚品，妹妹水，都幾實用呀！