今日第一次返東區見助產士，上次照結構時佢地話我屬低危，叫我入助產士小組，以後覆診都係返醫院由助產士跟進。我覺得醫院環境舒服過健康院，又唔使等咁耐，同埋好似話會面時間會長D！果然冇錯！今次見個助產士好好人，有問必答，同我地傾咗好耐，原來我近排坐低起身見頭暈，子宫實同硬（好耐先一兩次）都係正常嘅！佢睇返我record話我血壓都係有少少偏低，體重上升得OK，聽埋BB心跳，一切正常，走得！
同D助產士熟D都好，可能第時生嗰陣都會遇返佢地，見返D熟口熟面嘅人都冇咁驚吖！！下次又約咗一個月後28週覆診，同飲糖水同一日，正！唔使走兩轉！！
沒有留言:
張貼留言