BBCARE VIP WEEK

2014-4-25 24WK

上午去東區覆完診仲有半日假，就過咗太子BBCARE VIP WEEK八掛吓，佢地本身D嘢都算平，但當然平唔過AEON BB展折上折啦！見佢某D ITEMS特別平就買咗先，其他嗰D等五月AEON BB展先一次過掃！其實數數吓又唔係真係好多嘢要買，起碼慳返買衫同床先！

今次少少地買咗三樣嘢咋！^^

1. MUSTELA SET＄203三支，超抵！有2 in 1沖涼先頭，facial cream, vitamin barrier cream，雖然屋企已經有幾SET SAMPLES，不過長用長有嘛，咁平咪入定貨慢慢用囉！
2. CHU CHU PPSU奶樽，＄298／4PCS，我見ONLINE SHOP最平都要＄85＠！雖然諗住餵人奶，但未必一定可以埋身餵嘛，返工後都要轉用樽餵，所以點都要買定幾個看門口！大部份經驗媽媽都推介呢款橙色CHU CHU樽，佢個咀難啜D，會似啜緊人奶，唔使特登買母乳咀，BB又就唔會因為用咗樽而懶得埋身食人奶！
3. BABY GANICS消毒搓手液，＄147／4PCS，出面最平都要四十幾蚊支，而家三十幾咋！抵！細細支方便拎出街用，買多幾支看門口都冇所謂！

買滿三百蚊就有嘢送，本來係送葉酸，但我冇用所以揀咗要HUGGIES濕紙巾，聽講呢隻幾厚好好用，所以試吓！本來仲想買埋個TT消毒奶煲，＄399咋！不過諗諗吓都係買一SET連埋奶樽抵D！就算D樽唔用嚟餵奶，都可以用嚟儲奶或者備用吖！

SHOPPING完老公仲皇恩特赦，同我去食TEA BUFFET！超開心呀！三文魚，龍蝦仔，蝦，雪糕，CAKE全部食暈晒！滿足到呢！！好似過份咗少少。。。嚟緊呢個月都要食返清D啦！！