今晚去咗UBABY嘅講座，UBABY可能唔係太多人識，佢係類似BBCARE咁，提供一站式嘅購物平台，陪月服務，講座，課程等。。。本來都麻麻地想去呢個講座，因為怕呢啲公司攪嘅冇奶粉商攪嘅咁好，不過見佢TOPIC講breast feeding，又話有示範，好似幾實用咁！嘩！去到間嘢細到吖，有少少嘢賣，間咗一部份出嚟做TALK，得四十幾個位，真係有D嚇襯！
一開始先介紹自己間公司，HARD SELL都爆！又話自己D嘢平，陪月又專業等等。。。
唔理佢UP乜啦！講座第一PART係由陪月講解餵哺母乳嘅方法，泵奶，按摩，坐月湯水，禁忌等等乜都講齊，仲比埋個公仔我地學餵奶姿勢同掃風，自己有得試做，又有陪月喺側邊教，好有用又好玩！！好過平時嗰D齋睇齋聽囉！
第二PART係講初生嬰兒成長學，個SPEAKER又係HARD SELL都暈！講到自己勁專業勁有經驗，踩人地DISNEY嗰D教學套裝，又SELL我地比錢上佢D COURSE！都係唔理佢啦！！由於時間唔係好夠所以講得好急，由BB剛出世開始到一歲，講佢地嘅成長同變化，教我地同佢地相處時要注意D咩，雖然唔係好深入，但起碼喺咁多其他嘅講座都冇聽過，所以都幾值得聽吓！下星期佢地又有個講座淨係講嬰兒成長學，我又報咗名喇！哈哈！！
細公司送嘅贈品梗係少D啦，但都唔平喎！支Nature's Mother breast cream都賣二百幾蚊呀！抵晒！！
沒有留言:
張貼留言