小包包的幻想世界~

小包包的幻想世界即係小包包間房囉！^^希望小包包第時有個屬於自己嘅小天地，喺度幻想，學習，休息，健康快樂地成長！雖然小包包有排都未瞓得自己間房張床住，不過因為要比地方工人瞓，所以點都要整張床先，費事過幾年小包包大個D又要再整過啦！我地幾個月前已經行過D傢俬鋪，design house，估唔到幾個月後加晒價！都冇計啦！！貴都要整，而家唔整幾年後仲貴添！

雖然小包包係我地嘅小公主，不過我對於公主FEEL真係怕怕，又未至於“蝦毛芝芝”咁得人驚，但最好都唔好囉！又或者我地會生多個囝囝呢！！睇咗幾輪，唔想要花花心心點點米奇嗰D咁行咁老土，淨色又太DRY，又唔要公主，真係好似冇咩好選擇！最後我決定用天空彩虹THEME，感覺舒服柔和D，有多D幻想空間！而且男女都啱用（雖然都係偏向女仔少少）！至於顏色。。。竟然揀咗我最唔LIKE嘅粉紅色！實在太出奇啦！！其實因為易襯啫。。。

丁字床分上下隔，暫定姐姐瞓上面，下面留返比小包包，中間有書枱，書架同衣柜！

下床床尾加咗組4尺吊柜，小包包再大個D都唔怕冇位擺衫啦！

另外仲造咗個矮柜喺廳，放啲用品工具咁！

就係咁簡簡單單整套床同個柜仔都要萬幾蚊喇，希望出嚟效果唔會太差啦！最緊要小包包第時住得舒服！！^^