產前講座（美贊臣）

2014-4-16 22WK4D（美贊臣）

終於都報到美贊臣講座啦！因為美贊臣D贈品次次都好豐富，而且大牌子奶粉嘅講座一定好有用！今次VENUE唔係喺5星級酒店，而係喺中央圖書館，都幾新穎喎！不過個LECTURE THEATRE就一般般冇咩特別，又唔係好大！冷氣仲唔係好夠添！

講返個TALK先，第一PART係兒科醫生講嬰兒常見嘅問題，個醫生又後生又風趣，仲幾靚仔添！呢個TOPIC超正，可以了解有關初生嬰兒嘅問題／疾病，如G6PD，黃疸，胎毒，尿布疹，打針，餵奶，連屙屎都講埋添。。。好多嘢之前都冇聽過見過，所以好有用呀！了解多D第時TOUCHWOOD BB有咩事都冇咁驚知道點處理吖嘛！！

第二PART係講孕哺期嘅飲食營養，呢個TOPIC之前都有聽過，不過一般都只係會講懷孕期，今次連哺乳期都講埋，呢個營養師啱啱生咗個好可愛嘅囡囡，而家仲餵緊人奶，除咗學術上嘅基本嘢之外，佢仲分享埋自己嘅親身經歷，唔錯呀！！佢嘅THEORY我好BUY，有好多嘢有人話食得有人話唔食得，但食咗對自己同BB都冇乜特別益處，咁不如唔好食！留返個QUOTA食D更有營養更好味嘅嘢食仲好啦！

最後就梗係拎贈品啦！有毛毯，和尚袍同手套，一大包濕紙巾，一大罌BB CREAM，紗巾，尿片，雜誌，老公仲猛讚個媽媽袋靚添！！^^