產前講座（惠氏）

2014-4-26 24WK1D（惠氏）

等咗好耐喇！終於去到惠氏嘅產前產後湊B實習班，好興奮呀！！

地點係Regal Kowloon Hotel，個HALL唔算好大，有廿幾張枱，每張枱得3﹣4 PAIR COUPLES，都幾鬆動！枱上面準備好晒BB公仔同SOFT TOUCH嘅清潔用品，好好玩咁啊！

第一PART係孫錫鴻醫生呀！TOPIC係普通嘢，都係講關於懷孕分娩嘅知識，但佢講得好生動，有D見解同一般醫生姑娘FORUM講嘅唔同，好正吖！好似話胎盤高同低唔係咁容易睇到，臍帶纏頸係好普通（佢仲話產檢時如果佢冇講臍帶冇纏頸即係有！哈哈！），BB唔調轉頭佢又有辦法令佢轉頭唔使開刀，原來細B係容易早產過大B，佢仲真人示範順產時點用力生，好攪笑！佢真係好支持媽媽順產，好少婦產科醫生係咁，真係好有醫德！佢上午已經幫咗個媽媽順產，完咗講座又有三個手術又做，超級BUSY啊！但見佢真係樂在其中！揾佢做產檢／生仔可以好放心！！

第二PART就做換衫換片沖涼示範啦！之前聽講座已經聽過兩次，但自己落手落腳做都係第一次！我坐月乜都唔會做啦，咁梗係叫老公學啦！到時佢都要幫手做同教姐姐做嘛！！今次個SPEAKER講得唔夠之前嘅咁DETAIL，但勝在可以邊睇邊學邊做囉，都幾好坃呀！唔試過都唔知原來真係唔易攪！老公比心機啊！！^^

換片片～

沖涼～

洗頭仔～

成個講座實習班真係好聽又好玩！贈品仲超級豐富添！！大公司出手係濶卓D嘅！又係送成罐媽媽奶，不過喺門口已經賣咗比D姨姨LU，咁重費事拎吖嘛！仲有我最中意嘅MUSTELA SET，SOFT TOUCH GIFT SET，HUGGIES尿片，惠氏藻油丸，和尚袍（質地好滑啊！），紗巾，COUPON！滿載而歸喔！！^0^