今日師父開工拆嘢做裝修，所以早兩日我地就拿拿聲返大陸訂磚，免得拖慢個進度嘛！由於上兩次都冇去到太寧路嘅「五方家居廣場」，所以今次第一站就係打的去咗呢度睇燈先，然後再戰「家合居」訂磚！羅湖打的去「五方家居」都係廿幾蚊，快靚正！
「五方家居」有三層，賣嘅嘢同「家合居」好相似，但呢度多D傢俬鋪同現成傢俬賣，我有兩個朋友仔都喺呢度訂造傢俬，兩個用埋同一間，有個得有個唔係好得，所以安全起見我都係決定喺香港造！
尚藝空間（五方家居二層D區023號）
1. 4.5'油壓床＋2X床頭櫃
2. 房TV櫃
3. 曲尺書台連吊櫃
4.飯廳長矮櫃
5.客廳TV櫃
朋友仔早幾個月幫襯呢間，五樣嘢連安裝運費只係RMB14,000，真係超抵！但博唔博得過就見仁見智啦！
同「家合居」相比，我覺得「家合居」D人主動，helpful同nice好多，呢度D人好似HEA D咁，個商場又靜英英冇咩人行，所以我地行咗陣都冇咩心機行，主力係睇吓燈，其他嘢應該都唔會幫襯呢樹！
亞加力膠片壁燈 ＠MIKESI（五方家居二樓C區009號）﹣ RMB480（呢間嘢開價都唔平，唔抵！）
呢盞壁燈有D似曾相識，好似喺香港D boutique見過！
自由扭扭燈for飯廳
左邊慳電膽 x 6 ＠MIKESI（五方家居二樓C區009號）﹣ RMB820
右邊LED膽 x 10 ＠MIKESI（五方家居二樓C區009號）﹣ RMB1570
呢兩盞都可以自由扭曲調較角度，好似懶特別咁，不過如果本身冇乜藝術天份可能會扭得好樣衰！
玻璃葉葉燈for飯廳
永鑫燈飾（五方家居三樓C018）﹣ RMB520
呢盞係我嘅新歡！我比較中意球狀嘅燈，其實類似嘅款有好多，有圓膠片，葉形膠片，鋁片等等，呢款磨沙玻璃片都係第一次見，通透度高D，睇落SHARP好多！但放咁多塊玻璃喺飯廳好似有D危險！
亞加力膠片壁燈 ＠MIKESI（五方家居二樓C區009號）﹣ RMB480（呢間嘢開價都唔平，唔抵！）
呢盞壁燈有D似曾相識，好似喺香港D boutique見過！
自由扭扭燈for飯廳
左邊慳電膽 x 6 ＠MIKESI（五方家居二樓C區009號）﹣ RMB820
右邊LED膽 x 10 ＠MIKESI（五方家居二樓C區009號）﹣ RMB1570
呢兩盞都可以自由扭曲調較角度，好似懶特別咁，不過如果本身冇乜藝術天份可能會扭得好樣衰！
玻璃葉葉燈for飯廳
永鑫燈飾（五方家居三樓C018）﹣ RMB520
呢盞係我嘅新歡！我比較中意球狀嘅燈，其實類似嘅款有好多，有圓膠片，葉形膠片，鋁片等等，呢款磨沙玻璃片都係第一次見，通透度高D，睇落SHARP好多！但放咁多塊玻璃喺飯廳好似有D危險！
吊吊鳥巢燈for主人房
宏陽燈飾（五方家居二樓C001號）﹣ RMB380
原先諗住主人房用吸頂燈，因為整咗地台怕加埋吊燈會好有壓迫感，但呢款鳥巢吊燈又好似幾特別，如果有埋LED就仲正！
LEMON燈for細房
宏陽燈飾（五方家居二樓C001號）﹣ RMB285
之前揀咗款LED米奇燈都覺得幾靚，又啱小朋友用，點知見到呢盞仲中意！係我最愛嘅黃色呀！！
「家合居」
睇完燈行返出正門，向左手邊一路直行，行到咁上下就會見到田貝站，再繼續直行，好快去到四貝四路「家合居」啦！！
我地今次一到步就去馬可波羅磁磚，因為呢間係名牌，多香港人幫襯，上次嚟過姐姐勁nice & helpful，所以第一時間揾返佢先！過程出乎意料地好順利，價都唔使點講，因為今次報價仲平過之前，所以我地就喺呢間買冇再行第二間啦！
廳房地磚 - 姐姐推介名牌馬可波羅磚，RMB78，包埋運費送落香港！雖然係中國名牌，但真係好貴呢！我budget係RMB30咋！最後都係揀咗另一款佛山磚24" x 24" RMB28，抵！
廁所特色牆 - 呢度都有我地之前睇中咗嘅方型粒粒磚，之前問價12" x 12" RMB8-12，而家姐姐一開價就話RMB7，價都唔使講！
廁所牆磚 - 左邊嗰隻啡色牆磚之前問過價12" x 24" RMB16-18，而家RMB13.5，又平咗！
廁所地磚 - 同啡色廁所牆磚同一系列，揀咗隻深灰做廁所地磚12" x 12" RMB7
我地買晒成屋地磚+廁所牆磚地磚都係四千幾蚊人仔，運費兩噸（連埋洗手盆柜鏡柜）HKD1,100，total只係6千幾蚊HKD，我計過如果喺香港買最平都要萬幾蚊！朋友仔啱啱裝修完，間屋大我地少少，香港買國貨磚都買咗兩萬幾！！我仲叫佢送埋掃口粉（填縫劑），廿幾蚊包，送咗兩包灰色廳用，一包白色廁所用，仲有地腳線1開7，只收磚錢，唔洗加工費添！
諗起個洗手盆櫃就頭痕！原來我地個廁所都幾深，減咗個45寸浴屏，仲有4尺位放個洗手盆櫃！大唔係問題，貴係問題吖嘛！我地又唔想用枱上盆，咁就要訂造洗手盆個尺寸，普通瓷造嗰D係冇得訂造尺寸嘅，要用人造晶石先得！（個名就好聽，不過唔知實質係乜！）喺香港問過做到4尺要HKD5400，唔包送貨，未計鏡櫃添喎！
呢個款好靚好特別呀！可惜只有3尺，RMB2300包落到地（寶興潔具 - 家合居A2043）
睇咗幾間之後最後都係揀返呢個，貪佢夠大嘛！雖然個款唔算好特別，但整體感覺幾好，個三面鏡櫃又靚又實用！佢display嗰個1米濶（40"），RMB2800包落到底，講價後平咗兩舊RMB2600，我再R佢加濶2"到42"，高度又加高2"，鏡櫃又由70cm加高到80cm，全部唔使加錢！為起港紙三千幾蚊，喺香港夠買個鏡櫃咋！（粵寶建材 - 家合居A2050）
其實喺寶安北路「家樂居」造洗手盆櫃會平好多，三尺櫃千幾蚊有一套，不過嗰邊D鋪頭感覺up dup D，款同用料又好似差D，所以横掂喺呢邊買開磚，就喺呢度造埋洗手盆櫃啦！因為要就埋個洗手盆櫃一次過送落香港（平D嘛），所以要十日後先安排送貨！我地買完磚，佢就幫我地安排運輪，間嘢叫”東成”，話老細同佢地好熟喎！公價HKD250/噸，上樓另加HKD300，運費到貨先比司機，因為司機都係香港人！我地買完洗手盆櫃，比埋鋪頭張咭片磚鋪，佢地就會自動波幫我地湊埋一次過送貨落香港，出貨前會打電話比我地CFM，一日未出貨我地都可以改日子，收貨先比埋RMB尾數，勁方便！
宏陽燈飾（五方家居二樓C001號）﹣ RMB380
原先諗住主人房用吸頂燈，因為整咗地台怕加埋吊燈會好有壓迫感，但呢款鳥巢吊燈又好似幾特別，如果有埋LED就仲正！
LEMON燈for細房
宏陽燈飾（五方家居二樓C001號）﹣ RMB285
之前揀咗款LED米奇燈都覺得幾靚，又啱小朋友用，點知見到呢盞仲中意！係我最愛嘅黃色呀！！
「家合居」
睇完燈行返出正門，向左手邊一路直行，行到咁上下就會見到田貝站，再繼續直行，好快去到四貝四路「家合居」啦！！
我地今次一到步就去馬可波羅磁磚，因為呢間係名牌，多香港人幫襯，上次嚟過姐姐勁nice & helpful，所以第一時間揾返佢先！過程出乎意料地好順利，價都唔使點講，因為今次報價仲平過之前，所以我地就喺呢間買冇再行第二間啦！
廳房地磚 - 姐姐推介名牌馬可波羅磚，RMB78，包埋運費送落香港！雖然係中國名牌，但真係好貴呢！我budget係RMB30咋！最後都係揀咗另一款佛山磚24" x 24" RMB28，抵！
廁所特色牆 - 呢度都有我地之前睇中咗嘅方型粒粒磚，之前問價12" x 12" RMB8-12，而家姐姐一開價就話RMB7，價都唔使講！
廁所牆磚 - 左邊嗰隻啡色牆磚之前問過價12" x 24" RMB16-18，而家RMB13.5，又平咗！
廁所地磚 - 同啡色廁所牆磚同一系列，揀咗隻深灰做廁所地磚12" x 12" RMB7
我地買晒成屋地磚+廁所牆磚地磚都係四千幾蚊人仔，運費兩噸（連埋洗手盆柜鏡柜）HKD1,100，total只係6千幾蚊HKD，我計過如果喺香港買最平都要萬幾蚊！朋友仔啱啱裝修完，間屋大我地少少，香港買國貨磚都買咗兩萬幾！！我仲叫佢送埋掃口粉（填縫劑），廿幾蚊包，送咗兩包灰色廳用，一包白色廁所用，仲有地腳線1開7，只收磚錢，唔洗加工費添！
諗起個洗手盆櫃就頭痕！原來我地個廁所都幾深，減咗個45寸浴屏，仲有4尺位放個洗手盆櫃！大唔係問題，貴係問題吖嘛！我地又唔想用枱上盆，咁就要訂造洗手盆個尺寸，普通瓷造嗰D係冇得訂造尺寸嘅，要用人造晶石先得！（個名就好聽，不過唔知實質係乜！）喺香港問過做到4尺要HKD5400，唔包送貨，未計鏡櫃添喎！
呢個款好靚好特別呀！可惜只有3尺，RMB2300包落到地（寶興潔具 - 家合居A2043）
睇咗幾間之後最後都係揀返呢個，貪佢夠大嘛！雖然個款唔算好特別，但整體感覺幾好，個三面鏡櫃又靚又實用！佢display嗰個1米濶（40"），RMB2800包落到底，講價後平咗兩舊RMB2600，我再R佢加濶2"到42"，高度又加高2"，鏡櫃又由70cm加高到80cm，全部唔使加錢！為起港紙三千幾蚊，喺香港夠買個鏡櫃咋！（粵寶建材 - 家合居A2050）
其實喺寶安北路「家樂居」造洗手盆櫃會平好多，三尺櫃千幾蚊有一套，不過嗰邊D鋪頭感覺up dup D，款同用料又好似差D，所以横掂喺呢邊買開磚，就喺呢度造埋洗手盆櫃啦！因為要就埋個洗手盆櫃一次過送落香港（平D嘛），所以要十日後先安排送貨！我地買完磚，佢就幫我地安排運輪，間嘢叫”東成”，話老細同佢地好熟喎！公價HKD250/噸，上樓另加HKD300，運費到貨先比司機，因為司機都係香港人！我地買完洗手盆櫃，比埋鋪頭張咭片磚鋪，佢地就會自動波幫我地湊埋一次過送貨落香港，出貨前會打電話比我地CFM，一日未出貨我地都可以改日子，收貨先比埋RMB尾數，勁方便！
雖然依家人民幣貴, 不過上去買依然有著數 ~~~
回覆刪除[版主回覆08/10/2012 09:35:42]係呀！最起碼都平三四成！所以山長水遠走上去都抵！
我個fd都係用類似鳥巢燈,
回覆刪除個鳥巢燈入面係光源, 而出面有個疏"隆"罩,
開左燈後打出黎d光會有影架~
[版主回覆08/10/2012 11:58:02]係喎係喎！夜晚得我一個咪好驚！？？你唔講都無留意添！又要再諗過。。。
[小妹回覆08/10/2012 09:47:58]呢~~~
即係好似自由扭扭燈張相咁, 個天花有影~
你如果有留意地下, 地下都會有架~
[小妹回覆08/10/2012 09:45:52]係呀....D光唔均暈,,
個巢會遮住D光, D光打落幅牆度會有個鳥巢影~
[版主回覆08/10/2012 09:36:07]有影係咩意思呀？D光唔均暈！？？
LEMON 燈好cute!!!!!
回覆刪除[版主回覆08/10/2012 17:11:40]我都覺吖！^0^
留個腳印先, 謝謝分享.
回覆刪除[版主回覆08/13/2012 13:54:19]哈哈！多謝！
訂造傢俬梗係香港穩陣啦!!個3尺洗手盆櫃靚呀,不過你唔岩用都冇辦法啦,而家呢個都OK吖!!枱上盆真係唔好架,好後悔哩!!>.<
回覆刪除[版主回覆08/16/2012 10:03:26]越睇越掛住個3尺洗手盆，希望我地訂嗰個都靚啦。。。
我呢個星期會上馬可波羅買磚, 你有無佢地咭片? 定係是但搵一個STAFF都好好人架. HAHAHAAAA ?
回覆刪除同埋我想問清楚個地址係邊... 甘我上到去吾洗周圍搵MA~~~
[版主回覆10/08/2012 15:29:04]我有咭片不過要返去揾吓，地址係家合居A2035鋪，喺二樓嚟，好易揾，對面係賣浴室嘢嘅，我地幾次都係得個男人老闆同個女仔，兩個都好NICE！記得叫佢FREE界地腳線嘅手工費同送填縫劑（用唔用一件事，R佢送咗先算！）
三年前在家合居買齊全屋用裝修物資，小心座廁同潔具，訂製的一定要check清楚先好送貨，佢可以安排入廠驗收既，問題出在呎吋，浴屏設計有問題，下路軌無去水既，路軌積水會在牆邊滲出，浴室會成地水！洗手間我用檯面盆，送來原來側埋一邊，貼牆好唔好用，係我自己無講明，小心水盆唔熱得，有人用透明果種檯面洗手盆，冬天先放滾水再加凍水調溫，結果燙爆。
回覆刪除[版主回覆10/18/2012 13:26:51]多謝你嘅意見！座廁浴屏水龍頭嗰D我全部喺HK買，就係驚大陸D嘢唔穏陣！我買咗磚，燈，洗手盆櫃同鏡櫃，quality都OK，反而係房門鎖唔得，買咗三個有一個壞嘅，師父話個鎖胆係膠勁易爛，如果入面爆咗就大穫會反鎖咗喺入面。。。咁你有冇喺大陸造埋傢俬？有冇介紹呢？我有朋友嚟緊要裝修，但我傢俬唔多所以喺HK造比唔到意見。。。
上面購物真係大開眼界，有人話燈具不要上去買，怕電器有危險，我就連熱水器都在上面買，石油氣爐都係，非常好用，但香港人好興以耳代目，人云亦云，所以我無乜介紹人上去，分享下而已。我遇到既問題好多時係自己無睇清楚，因為得一個人上去，無人在身邊提點，好多時好疲累，是是但但就有所缺失。我睇過座廁浴屏水龍頭等同香港買既係同等貨色，上面價錢平一半之餘仲多數更重料，除了浴屏路軌設計問題外，一切安好。傢俱方面我在白石洲買左一張三座全原木水曲柳$6000，連四張好厚既座墊，原木hifi櫃二千幾，手工好結實，但真係幾貴。另外在家合居同幫襯開果間廚櫃公司買埋書櫃同書檯，覺得書檯書櫃不如去Ikea。現在興地台式組合傢私，價錢係平方計，可以試下問既，在港訂做的如果唔係師傅現在開料做，100%係發上去做，不如自己直接上去訂。
回覆刪除你d燈同門鎖用左一段時間,有無咩問題呢? 我心大心細,諗緊上唔上去買
回覆刪除[版主回覆07/26/2013 16:27:51]D燈冇問題呀！我連燈胆都一次過喺大陸買，而家十個月都冇燒過，一切安好（touch wood）！反而房門鎖我買3個有1個唔得，裝咗落去KICK住咗關唔到門，C父話個鎖胆係膠，好易壞／爆，下次再買一定要買入面係鐵嘅，無論HK定大陸買都要問清楚！
果間宏陽燈飾係黑店黎，上次去買盞燈，買果時老闆話明可以連埋其他舖一齊運落黎，到出貨果時同我講無人集齊啲貨叫我比多次運貨or自己上去拎
回覆刪除真係火都黎！
想問下,你有無“尚藝空間（五方家居二層D區023號）”的WeChat？唔該
回覆刪除