原先預定15送到嚟，點知洗手盆櫃遲咗一日起貨，磚鋪幫我做coordination自動波打去追佢地，夜晚運輸再打嚟CFM送貨同報實運費（運費HKD250／噸，上樓費HKD300／噸，兩噸total HKD1,100）到16號兩點幾司機打比我話四點前到，點知到咗又打嚟話入唔到嚟，我聽到旁邊有個阿叔同阿嬸（應該係屋苑管理員）bilibala嘈之巴閉，原來話架車太大唔比入，要佢地停喺出面拉車仔入嚟！！激死！咁第時送傢俬電器點算！！？司機話咁樣拉入嚟好遠要加錢，我死lur都唔制，咁加幾錢吖？一舊水！豪比佢啦！！咁樣搬入嚟真係有血有汗，咪當比tips囉！見佢地兩個大隻佬搬到身水身汗，請佢地飲汽水都唔要，真係辛苦晒！！
一套三件，左邊係鏡櫃，中間係洗手盆有個木框保護，右邊好大箱係洗手盆櫃，都包裝得幾好！
洗手盆櫃係灰色，但實物偏綠，有D唔開心喎！唔知拆咗出嚟成個樣唔樣衰呢！？？鏡櫃同洗手盆都冇拆開睇，因為太大件又包裝得太好，怕拆咗包唔返或者整污糟！個洗手盆櫃呢一大忽都冇花冇凹，淨係腳個角位有少少甩色，師父話到時幫我用D油補補佢唔覺喎！
咁睇又變返灰色！個櫃自己會變色！？？
廁所牆身磚（啡色），都有DD崩角但影响唔太大都OK嘅！
廁所地磚（深灰色）
地台磚（淺灰色），之前好失策唔記得影相，好緊張呀！！
登登登登。。。。流金砂岩系列！好靚呀！！不過師父話薄咗少少，但當佢知道價錢之後都話抵！！佢話會比心機幫我鋪靚D，唔好昆我呀！！
地腳線一開七，重點係唔使加工費！！
掃口粉三包，師父話大陸嗰D好渣，好易發霉，厠所最好用返靚嘢，香港買歐洲貨要HKD180-200一包（我上網睇話要八百幾蚊包添！），好貴喎！！咁啱師父有一包灰色靚嘢用剩可以比我用喺厠所，呵呵！！多謝師父！
閃令令嘅係厠所特色牆磚，咁多磚幾時先鋪完呢！？師父話禮拜尾就攪掂啦！！YEAH！！
過兩日再上去就見到厠所鋪咗牆身磚喇，終於開始似返間屋，好期待鋪好晒成屋嘅磚呀！！
聽日再去睇進度！加油！！
犀利~~你个裝修師父好快同好好呀
回覆刪除[版主回覆08/21/2012 14:20:04]邊度快呀！我覺得好慢吖。。。最好聽朝瞓醒就裝修好晒！！
寄之前無上去驗貨？
回覆刪除好在d色無咩搞錯～～～
[版主回覆08/21/2012 15:47:41]冇驗呀，懶吖嘛！磚鋪話會幫我check清楚叫我放心，我見之前撞到D香港人幫襯過都話佢地OK，咪唔鬼上去check囉！洗手盆櫃直頭無理添，錯極有個譜掛！！
之前我地上樓費都慳, 男友係樓下推車仔上去咋, 哈哈!
回覆刪除[版主回覆08/22/2012 11:41:04]好勁呀！
[Minnie回覆08/22/2012 11:24:05]佢專登係公司拎架板車返黎, 個日司機放低晒D野係樓下, 我就企係度看住, 男友就分批推上去, 推左幾轉架, 就係為左慳少少錢, 我俾蚊咬到成腳都係添!
[版主回覆08/22/2012 10:01:32]自己推上去咁堅！？之前問過裝修師父比錢都唔肯幫手搬呀，有D司機都係有錢都唔做！我BF更加唔會辛苦自己。。。
流金砂岩鋪係邊呀 ~~ 呢隻灰幾好喎 !!
回覆刪除[版主回覆08/23/2012 18:23:02]去到深圳你仲有排睇有排揀呀！真係幾日都睇唔完，雖然山長水遠，不過真係好開心！！
[♥ Ｂiｌlｙaｎ ♥回覆08/23/2012 09:49:56]嘩,好正呀個網 ~ 我希望遲d睇岩左就上去望望實物先 ~~
岩岩見到隻有雲石紋既磚 ~ 哈哈 ,,, 一個裝修就好興奮
[版主回覆08/22/2012 11:31:26]我D磚全部都係喺家合居馬可波羅磁磚買，不過冇一隻係佢地品牌，反而買晒其他牌子，平D嘛！隻灰色磚牌子係“古加特”，你可以睇吓佢地website
http://www.cucatile.com/zh-CN/index.html
搞裝修D野真係好煩，加油呀！
回覆刪除[版主回覆08/22/2012 14:54:51]多謝，黑暗嘅日子好快會過去！！
好快好快就完成好喇~~~
回覆刪除[版主回覆08/23/2012 18:21:40]尋日去睇完鋪咗地磚，好靚呀！！
你收左貨. D磚都甘令... 甘我都決定去你呢間買喇. ^O^
回覆刪除[版主回覆08/27/2012 11:59:52]磚係OK的，不過師父話佢地送嘅大陸掃口粉好渣，最好自己買過D歐洲嘢
閃閃粒粒磚好靚吖!
回覆刪除[版主回覆09/06/2012 15:59:23]我都覺！不過好似越嚟越多人用！
閃閃粒粒磚可能下身會因水汚而令有各種問題出現?!
回覆刪除[版主回覆02/14/2013 09:59:04]用咗五個月都唔覺有問題喎！