前篇講完不幸事件一同二,問題都唔算話好嚴重,最後呢單(希望真係最後)就大穫D,係浴室個水閘有問題,師父話較唔到大細,浴室D水好慢出唔到,好多樓齡有返八九年嘅都會有呢個問題(咁快!?)所以佢鑿咗浴室同廰幅牆換個閘制,水制已關,但我地去到見條喉仲滴緊水,仲越滴越多,打比師父佢話冇問題,只係水尾,佢星期一會過嚟整,水尾??每秒三四滴喎!我地再叫管理處嚟開水錶房關過個水制,原來係未關實,但關實咗之後都仲係有滴水,由每秒三四滴減至每秒一滴。。。
D水流到大細房門口,D紙皮都濕晒。。。
個水制位喺浴室門口右邊,用咗塊舊窗簾嚟索水都係濕晒!!
門口位仲有一忽未鋪磚,底嘅石屎地都有水印。。。
因為真係濕得好嚴重,我地用條毛巾綁住條喉,引D水落個盤度等佢唔使再流到成屋都係,開頭個幾鐘已經裝滿咗大半盤,我地唔放心,食完飯再返上去倒水,諗都諗到,咁細個盤邊有可能捱到第二朝!!!
關實咗水制之後,三個鐘又有大半盤水!於是加多個盤分流,希望多個盤可以捱耐D。。。
真係唔敢想象第二朝嘅情況,間屋會濕成點?會唔會成間屋都係水?幅牆同塊地濕成咁會唔會有水漬?會唔會發霉?會唔會滲到落下面嗰層比人投訴??整返之後會唔會又漏水?十萬個問號!十萬個擔心!!
今朝一早打比師父,佢話已經攪掂冇問題,乜都話冇問題,幅牆濕咗冇問題,等幾日佢乾返先㧥灰油油,D磚都冇問題,因為鋪磚時用泥水都係濕的,D英泥又有防水所以唔怕。。。師父究竟講真定耍我??係咪氹我先乜都話得得得冇問題?佢有冇厄我有冇隠瞞呢!?真係好驚呀!
都滲得幾嚴重喎..要督實個C父呀!!點都要佢同你解決好呢個問題得先呀
回覆刪除[版主回覆08/28/2012 11:14:54]佢一朝早就幫我攪掂咗喇,而家希望D磚同牆有問題啦!!
而家搞番掂未呀
回覆刪除[版主回覆08/29/2012 14:10:03]多謝!望就咁望啦!!
[Amggie回覆08/28/2012 15:06:50]希望無野啦~順順利利咁搞掂個裝修同傢c!!!!
[版主回覆08/28/2012 14:02:52]師父換咗條喉攪返掂喇,不過都要過多幾日睇吓D磚同幅牆有冇事,希望冇問題啦!
放心~無事架喇!!
回覆刪除[版主回覆08/30/2012 09:53:50]而家又有大件事。。。
8.9年樓真係好小可有呢D情況架..你師夫係咪有人介紹架... 要跟緊D呀... 無事既~~~
回覆刪除[版主回覆08/30/2012 12:17:25]師父係熟人介紹的,仲話用咗好多年介紹咗好多人都話好!而家叫做攪返掂,不過又有其他嘢煩。。。