第三次產檢（政府唐氏篩查）

2014-2-4 12WK4D（東區醫院唐氏篩查 - OSCAR）

今次係去東區驗唐氏，年初五，老公仲放緊假可以陪我去，太好啦！約咗九點，我地八點九就到咗，仲有好多其他媽媽喺度，佢地都係有妊娠糖尿要見營養師嘅，希望第時我唔會係其中一個啦！！

去到無幾耐就磅重，姑娘問咗幾條簡單問題，好快就照得超聲波喇，照咗一陣小包包彈咗一吓好大吓，好得意呀！跟住仲手FING FING好似抹咀咁！再照咗陣，姑娘話佢打側身瞓咗唔啱位，搖極佢都唔醒，我咳咗好多聲都唔醒，可能佢同我地一樣係夜鬼，朝早要瞓覺！姑娘唯有叫我出去行陣轉頭再照過，行咗二十分鐘再照，今次OK啦！姑娘有逐PART講邊度係頭，額頭，鼻，口，手，大脾，頸皮2CM合格！驗埋血就走得，如果兩星期內冇收到電話就即係冇事，求神拜佛千奇唔好有電話打嚟呀！

今次因為小包包瞓咗所以可以照多次，未試過見佢咁耐呀！好開心！小包包今次又大個咗好多啦，有5.9CM，而家似返個BB樣喇！佢好似笑緊咁好可愛呀！見到佢一次比一次大個真係好開心！！So amazing!! 不過又要等一個月先再見喇！