AEON BB用品展+荷花「BB春季購物節」暨「兒童成長教育展」

今日一連行咗兩場BB展，真係攰到癲呀！首先去咗AEON嘅BB展，聽D媽媽講，一田，AEON，會展三個BB展中AEON係最抵嘅！因為BB展本身有八五折，再加上撞啱感謝日有九五折，如果係會員嘅話就再多九五折，即係折上折上折，所以真係平好多！但因為而家時間尚早，又未知小包包係仔定女，所以我地都係純粹去睇定有咩買，格吓價咁，等五月嗰次先正式大手入貨！

第二場係會展嘅荷花BB展，本來好驚人多，又諗住未係時候買嘢住所以唔去啦，點知老公又好想去睇吓，咁咪唯有去迫吓囉，諗住迫一陣拎吓贈品都好啦！嘩！我地成六點先去到都仲好鬼多人，行咗個幾鐘已經行暈全場，最後攞咗好多贈品呀！拎咗兩大袋勁重囉！腰骨都斷咁滯！！

最開心係攞咗幾隻兒童教學嘅DVD同poster，睇定做吓始教都好！仲有好多唔同牌子嘅嬰身沖涼液洗頭水同cream嘅samples，可以試吓邊隻質地同味道好！濕紙巾都有好多款，我見D媽媽成箱成箱咁訂，應該真係好鬼抵！唔少得嘅仲有尿片啦，奶粉啦，雜誌啦，紗巾啦等等嘅林審嘢。。。總之就收穫豐富啦！！^^