2014-06-27 33WK(東區醫院)
恥骨痛咗兩個禮拜終於有好轉,期間有做吓瑜珈,又有做吓其他媽媽嘅物理治療師教做嘅產前運動,唔知係運動有用定係自己嘅HORMONE唔同咗,總之就無啦啦好返好多啦!
不過去開東區覆診,順口都同醫生講有恥骨痛問題(因為我地遲到所以今次變咗見醫生),佢就REFER咗我去職業治療部,整咗條唔知乜鬼嘢帶話包住個盤骨等佢合返埋喎!
因為唔係婦產科,所以要比一舊水當新症睇,嗰條爛鬼嘢又厚又硬勁唔舒服囉!同埋只可以企喺度OR行緊嗰時用,坐喺度會"銀"住個肚好痛!簡單啲講即係"廢"囉!!"晒"咗我一舊水同成個晏晝,激死!!
無啦啦好返咗,希望唔好無啦啦痛返就好啦!唔係到再後期又話要行多D做多D運動,咁痛點行喎!!
沒有留言:
張貼留言