今日一連走兩場講座，好忙好充實呀！！上午係ILLUMA，好鬼HIGH，喺RITZ CARLTON度攪，我都未去過，全海景靚到吖！招呼又週到，仲有三文治，COOKIES，橙汁做早餐，早知唔使特登咁早起身食早餐啦！
第二PART係講五感啟蒙，個姨姨講得好生動，內容都好有用，教我地點訓練小朋友，有VIDEO睇又有DEMO做，學到嘢，正！
ILLUMA成個講座都好正呀！內容豐富又新鮮，學到嘢之餘又有得玩，係贈品少D囉！得條MIDES口水肩，DISNEY手巾仔，POSTER同D COUPON！不過都值得咁早起身去嘅！！
第三PART係由JENNY LEUNG講攝影技巧，啱晒我呢D相機白痴！JENNY講得好好，之後仲有小組攝影實習區，可以試用CANON相機，又可以即場整D小道具嚟影相，我地就梗係趁機會影相留念啦！
玩完第一場即刻飛的趕去第二場，雅培係喺EATON HOTEL攪，上次抽唔中今次終於都抽到啦！
第一PART由張傑兒科醫生講關於BB眼耳口鼻頭皮膚等特徵，呢個醫生靚仔又風趣，極品呀！！本來勁眼瞓，但聽佢講嘢真係成個醒晒！讚呀！！
第二PART係講初生嬰兒護理，呢個SPEAKER之前唔知喺邊個講座見過，講嘅嘢好一般，表達方式唔係幾討好囉，好彩佢都好快講完！
跟住下PART又係實習，個HALL間咗一半做實習區，分咗好多張枱，每張枱都有個陪月姨姨教做換衫同包包被嘅實習，安排得好好呀！有問題可以即時問D陪月姨姨，佢地都好NICE都解答得好詳細，唔錯！
雅培嘅禮物又係出咗名豐富，個熊仔背囊好多媽媽中意，我地仲攞咗兩個添（不過其實唔知有咩用！）禮物包入面有媽媽嘅入院用品，M巾，網褲，床墊嗰D都可以買少啲！仲有隔尿墊，手巾仔，包被同媽媽奶粉，好大手筆呀！！
去完兩個講座個人都迷迷地，超眼瞓！不過好充實好開心呀！！
沒有留言:
張貼留言