先唔講SERVICE睇咗成品先！！我地用嘅THEME係天空彩虹，但顏色唔會好SHARP，想柔和D舒服D，用咗粉紅做底色（白色怕好易變黃，PALE ORANGE老公唔中意），再襯粉藍，粉紫同黃，出嚟效果好似粉咗少少，但都OK嘅！
張書枱我地預細咗，因為成日想個衣柜造大啲放多啲嘢，好彩都啱啱夠放部電腦！迫迫地都夠用嘅！
下隔床用咗雲做局部圍欄，第時小包包瞓覺就唔怕佢碌落地啦！
床尾嘅吊柜，瞓覺望住都幾靚幾舒服吖！
本來成個DESIGN嘅亮點係兩條彩虹，點知佢地造到條彩虹咁幼咁肉酸，真係激死我！！改圖時我已經千叮萬囑要改粗啲，但最後都係冇改到！！嬲爆！！而家變成咗成個DESIGN嘅敗筆同遺憾囉！！個窿咁鬼大，如果反瞓啲連個枕頭都飛埋出街啦！！！
除咗兩條彩虹之外其實仲有好多問題，手工認真麻麻！睇吓下床頂甩咗一大忽黑忟忟，遠睇唔知以為有隻小強喺度呀！！嚇屎人！
最離譜係成組床造少咗兩寸，嗰條“喇”成兩寸留嚟封塵咩！！張床係跟圖紙嘅尺寸造，問題係師父度尺時已經預鬆咗，即係佢地嘅功夫未到家囉！做得啲位都唔FIT！唔怪得嚟度尺時係咁讚我地個地枱同啲傢俬做得FIT啦！佢地根本做唔到！！
送貨安裝嗰兩個師父，一入嚟就撞崩咗我個牆角！OMG。。。之前嗰間送大柜，地枱嚟，一點都冇HI花過囉！呢啲就係PRO同唔PRO嘅分別。。。
廳個光面局漆矮柜，簡單嘢冇咩問題，不過又係自己貪心死要大，造咗出嚟真係深得滯有啲阻地方添！
總括嚟講呢間嘢真係好有問題，我唔敢講佢地係黑店，起碼佢都真係比預期早咗造起張床同柜比我，大致都跟到圖紙造，係手工同用料差D啫！不過佢地比錢前SERVICE就好好，好SELL得！落訂後已經唔認數要拗價！最後我地費事煩就照做啦，點知效率高但品質劣！除咗上面啲問題外，仲有好多唔算太嚴重嘅都費事講，最慘係同聯絡人投訴佢一句SORRY就算囉，完全冇FOLLOW UP，冇CORRECTIVE ACTION囉！！啲師父嚟裝嘢都唔帶定料做修補執漏，唔通佢地真係有信心自己嘅裝工同品質一定冇問題！？咁諗咪錯晒囉！！啲傢俬又花又甩（唔FIT SIZE冇得救就唔講啦），又撞崩人地幅牆都冇料補！！唉。。。之前自己攪晒成間屋嘅裝修都未試過咁灰囉。。。仲有佢地啲木勁大陣味，係刺眼攻鼻嗰隻，攪到我要返娘家避幾日，等陣味散咁啲先敢返去！=,=
家設計 Home Furniture & Design
九龍紅磡馬頭圍道338號地下
沒有留言:
張貼留言