2014-5-11 26WK2D
今年嘅母親節別具意義，因為我已經係準媽媽啦！^^小包包仲有三個月就出世，真係好期待喔！！更期待嘅係下年母親節，因為到時小包包已經九個月大，最艱難嗰段時間已經過咗，小包包可以同我一齊慶祝，諗起都興奮呀！！^0^
呢幾日小包包踼我踼得利害咗，佢真係大個女喇！尤其係一瞓落床就會係咁郁，開頭婆婆話係因為佢肚餓，叫我要食咗宵夜先好瞓，唔好餓親佢個孫女，點知我食完先瞓佢又係郁，我諗佢係想揾返個靚位覺覺豬咋！哈哈！！
尋晚瞓到臨天光第一次小腿抽筋，痛到醒咗！自己按摩完一輪先再瞓返，到第二日都仲KEEP住痛，老公又再幫我按咗幾次先好返D，都唔知係因為缺鈣定係懷孕中後期嘅正常現象，D人話抽開就會成日抽，真係驚驚吖！！希望飲多兩杯奶冇事啦！！
沒有留言:
張貼留言