頭先放工去咗GLC試girdle + nude bra，之所以唔揾奇華特嘅蔡太，一來因為我實在冇耐性等咁耐，二來亦接受唔到同啲陌生人咁開放地作咁近距離嘅接觸！聞說金都嘅私人胸間都幾好，但個人嚟講對金都有少少抗拒，所以最後揀咗GLC，但佢咁冇我預期中咁好，我指嘅唔係試上身嘅效果，而係佢嘅service。
一開始佢比個普通冇pad girdle我試，以我咁纖瘦嘅身形當然冇嘢睇啦！之後換咗個有pad嘅，都係咁上下！之後佢就話比我試下加nude bra嘅效果，睇吓中唔中意，會唔會覺得太誇張（我咁嘅身材又點會誇呢！？），如果我覺得ok佢先敎我點著（咁係咪imply咗我ok會買嘢先敎我著？）其實我去得都預咗係買嘢，咁就話ok啦，佢再講detail d點貼個nude bra，然後再叫我試一次，但我貼完唔啱位，佢就mit返出嚟話應該貼低d同開d，跟住就叫我換返衫，吓？咁快！？唔係應該比我試多幾次學識為止咩？？即係佢有佢教，吸收到幾多就閣下自理！？
最後我當然都係有比錢幫襯啦！佢唔係唔好，只係冇想像中咁好，有比你試唔同效果，有教你點貼nude bra（但唔包學識），仲送咗兩set啪啪紐（for釘住個girdle同婚紗晚裝，等佢穏陣D冇咁易露出個girdle），不過佢全程係咁話過年後好忙，日日都好多客，咁係咪多客咗service就差咗？？過年後仲加咗價添喎，忙d都抵啦！
Girdle $268 + Nude bra $150 = $418
要買束腰褲先有9折，佢嘅價錢係貴過出面，咪當比多少少錢上一堂教你用nude bra，最重要係佢one on one，唔使同其他人肉帛相見！
German Lingerie Collections
尖沙咀漆咸道南87-105號百利商業中心11樓1134室
Tel: 31517280
死都唔換，叫佢教多次嘛，我諗你開到聲佢唔會no你啩！？
回覆刪除[版主回覆02/02/2012 11:22:34]如果開聲佢應該都會教，不過堂時O咗咀唔識反應。。。佢都有話教我痴膠紙但最後都冇。。。
我啱啱都去左呢間BUY...
回覆刪除但又冇 SAY到咁差???
可能我冇 Buy Nude bra 掛...
so 冇你個個問題....
但你件 girdle 唔駛改可以即時拎得走 ????
[版主回覆02/07/2012 09:24:17]Girdle我扣中間嗰排啱啱好，如果之後肥D或瘦D都可扣另一排所以唔使改。我估佢真係嗰幾日忙得滯所以先咁啦！其實佢都nice嘅，不過比我感覺係唔夠熱心去教囉！