我地一開始係想揀2/18,因為呢日係我地嘅拍拖紀念日,但2/18/2013係星期一,我地好多朋友同事都要返大陸做嘢,所以平日唔會嚟到。同埋又驚一到七八點收工時間,啲人就會係咁湧嚟,影相招呼唔切,唔知攪到幾點先可以入席,又怕夜咗D賓客第日要返工辛苦(幾體貼!)所以經過一輪討論後最終都係決定放棄,咁就順延至後面嗰D星期六啦!3/2宜嫁娶(iPhone個apps話),或者3/23 ﹠3/30都好易記吖!
殊不知同包包爸媽去睇場,睇到北京道一號帝廷,佢地好似鬼好中意咁,而個場booking又好full喎,我地想揀嘅日子都比人book了!改期又唔知改幾時好,1月凍,2月過年,4月包包又話遲得滯(佢想快D娶到我!),所以包包同佢爸媽都好擔心,於是乎就提議去夾吓八字,睇下邊日啱我地而又有期。第二日包包就佢媽咪去咗揾C父,一問C父就話3/16最夾我地,咁啱呢日又係帝廷喺3月份唯一一個冇人book嘅星期六,包包勁開心,覺得我地好夾好好彩,跟住仲即刻走去帝廷落訂添!
真係整定啦!咁啱係星期六,咁啱冇人book,又咁啱咁夾你地!!真係想唔嫁都唔得呀!!
回覆刪除[版主回覆01/22/2012 13:13:47]你又知我想唔嫁!?wakakaaa....
搵到一日你地夾之餘,個場又有期,真係Friend晒喇 ^^
回覆刪除[版主回覆01/22/2012 13:17:12]其實唔係好frd咋!嚴格嚟講都唔係我揀呢度,有d后悔添呀!:(
團團圓圓又到年廿九喇! wtm246 祝你龍年事事順利,龍馬精神,心想事成,笑口常開!
回覆刪除[wtm246回覆01/22/2012 23:31:07]好友晚安呀!好多謝你嘅祝福,大家咁話!我都祝你龍年事事順利,龍馬精神,心想事成,笑口常開!
can you add me? thanks
回覆刪除[版主回覆01/30/2012 10:20:15]Add u la! ^^