隔咗一排我地心思思又去睇多次,今次睇得好清楚,連佢塊又殘又舊嘅木地板比d膠紙痴到甩晒油都睇得好清楚!我同包包講,個場好靚我都幾中意,不過我接受唔到佢塊爛地板囉!深色地板/毯本來已經麻麻地中意,但個場靚可以加番d分,而佢塊地板就又舊又甩到一達達,任何一個位都會見到喎!點攪!?個sales哥哥仲話啱啱裝修完冇換地塊,短期內都唔會換喎。。。灰咗!!
雖然我接受唔到佢塊地,但佢個台側邊條梯仔真係好鬼吸引!睇完之後我成日自己諗,喺條樓梯度行落嚟march In,又噴烟又spot light咁幾型呀!行落嘉賓席之後繞場一週再行返上台,嘩正到呢!!仲有,佢另外有間房可以做麻雀房,咁就唔使喺個場度開枱咁肉酸又阻地方啦!
睇吓佢樓底幾鬼高!仲有projector喺後面
佢個地板。。。冇影到甩咗油嗰D咋!
個台都好靚呀又夠高!新裝修轉咗通花勁like!
我條樓梯呀!!!
同一集團仲有大舞台,係古堡式設計,不過好似好舊咁包包唔中意。博藝會仲靚,不過太遠啦!新D嘅仲有ClubONE Kln Peak,仲未正式開,地點又非常之隔涉,所以呢幾個場我地都冇去睇。
我都投德藝會一票架!近我嘛~~不過北京道一號都好好吖!
回覆刪除[版主回覆01/21/2012 15:27:48]佢家姐話唔好嘛!
我都有興趣德藝會呀.....我想問下佢地min charge幾多呀..??
回覆刪除[版主回覆01/26/2012 12:48:30]星期1-4:11萬
星期5,6,日,公眾假期:14萬+10%
呢個價我上年11月問的,唔知過咗年有冇加價,佢個價錢以落訂cfm為準,之後加價都冇影響,希望幫到你!^^
你係咪講緊德藝會既宴會廳???14萬..??俾預計中平...
回覆刪除[版主回覆01/30/2012 10:27:12]係德藝會宴會廳呀!又靚又實惠!所以我cfm咗帝廷之後都有D後悔同掛住佢囉。。。你big day幾時呀?得閒可以去睇下場吖!
我book 左呢度呀!!! bday 係出年13年3月!!! 我有去過ClubONE Kln Peak 都幾好, 但始終鍾意呢度~
回覆刪除[Mui Mui回覆03/18/2012 13:28:55]我大日子係係3月30號呀~
呢個個場裝修左, 而家仲靚左。 但係野食就一般呀。
[版主回覆03/14/2012 10:02:34]你3月幾呀?我3/16,我都好中意呢度呀,不過男友屋企人揀咗帝廷。。。ClubONE Kln Peak唔就腳嘛,梗係呢度好啦!^^