個場四四方方都幾大,最多可以擺三十圍,廿五圍可以包場,裝修都幾靚吖,又係宫廷式設計,冇皇府嗰D咁浮誇!最衰有三條住,會遮住少少睇唔到個台,好彩有三部大電視補番數!
個backdrop上年新換嘅,都幾靚吖!(不過係我最憎嘅粉紅色囉!!)希望佢快D又轉新裝啦!同埋加返張白色地毯吖唔該!
又有無敵大海景呀,正!我中意!!
D擺設都幾靚幾新!香檳金色椅套我又中意!
新娘房大到呢。。。擺到成圍仲有張梳化呀!
Receiption table係我中意嘅絨布(唔要紗),不過唔係幾like深紫色,如果轉做銀白或米白色就GOOD晒!
睇場當日個經理比埋個schedule我地睇,2013年5/6月都有人訂喇!三月好日嘅weekend都比人book晒!我地係上年11月去睇,即係仲有1年零4個月,唔係咁誇呀嘛!
睇完呢個booking schedule,包包同佢爸爸媽媽都驚咗,好擔心冇期!於是就提議去夾吓八字,睇吓邊日夾我地而又有期。。。待續
海景good啦!夜晚又睇到詠香江!擺廿幾圍又鬆動!
回覆刪除[版主回覆01/21/2012 15:33:10]個個都話呢度啲嘢難食!唔通真係食個景咩!灰晒!
Congratulations! Have a great day!
回覆刪除[版主回覆01/22/2012 13:23:22]Thx!!
好朋友晚安呀! 大年初一有冇睇花車巡遊呀? wtm246祝你龍年★大吉大利★龍馬精神★心想事成★笑口常開★!
回覆刪除唔算誇喇~~我11年6月去睇, 12年所有weekend 都full 晒喇~ 我擇日有3 個好日子, 其中兩個係weekday, 佢連weekday嗰兩個都full 囉~~ 吹脹~
回覆刪除[版主回覆05/10/2012 16:05:14]唔係吖嘛咁嚴重!?我又唔覺得個場真係咁GOOD啫。。。