上個禮拜裝氣攪到一PAT屎！好彩最後都攪返掂！叫咗個冷氣師父返嚟再整過兩條喉（佢都係堅持唔包收口！），只係再鑿過幅牆，升高返少少條喉，淨返大約半寸位比裝修師父“憫”英泥！
師父幫我地攪返掂（唔知收唔收我錢呢！？）“憫”返英泥，用條木條頂住定型！安心晒！！
個玻璃窗用木板封咗，跟住油埋油就見唔到啦！開頭有諗過整活動板，但因為有鉸位會漏光，師父話萬一。。。萬一真係有咩問題要維修，都可以喺側邊個窗度整，所以封咗佢都OK！
肥仔師父開始比灰，兩條燈糟變咗白色之後真係順眼咗，裝埋燈，靚晒！
射燈開咗窿不過未裝，本來諗住貼牆紙先加射燈，射落牆紙度好似靚D好FEEL D，而家決定唔貼牆紙，不過都照整射燈啦，費事改嚟改去！
廁所假天花都整好喇！嚟緊星期四就裝浴屏，好緊張呀！
師父話仲有個幾星期就完工！好快喔！！可惜傢俬仲未得呢。。。
師父幫我地攪返掂（唔知收唔收我錢呢！？）“憫”返英泥，用條木條頂住定型！安心晒！！
個玻璃窗用木板封咗，跟住油埋油就見唔到啦！開頭有諗過整活動板，但因為有鉸位會漏光，師父話萬一。。。萬一真係有咩問題要維修，都可以喺側邊個窗度整，所以封咗佢都OK！
肥仔師父開始比灰，兩條燈糟變咗白色之後真係順眼咗，裝埋燈，靚晒！
射燈開咗窿不過未裝，本來諗住貼牆紙先加射燈，射落牆紙度好似靚D好FEEL D，而家決定唔貼牆紙，不過都照整射燈啦，費事改嚟改去！
廁所假天花都整好喇！嚟緊星期四就裝浴屏，好緊張呀！
師父話仲有個幾星期就完工！好快喔！！可惜傢俬仲未得呢。。。
仲有個幾星期. 好快jar好快jar....到你裝修完我都未收樓@@
回覆刪除[版主回覆09/03/2012 16:59:42]裝修嘅日子真係過得好快，反而等收樓就超級耐！等極都未收得！你襯有時間就勤力D做準備喇！等吓等吓好快又到！^^
點解突然唔用牆紙呀?
回覆刪除[版主回覆09/03/2012 17:02:23]驚潮濕呀！呢度仲濕過柴灣。。。同埋上次漏水單嘢都怕有後遺症。。。油油有咩事都可以油兩吓補補佢一，貼咗牆紙有咩問題就要成塊起咗佢重新鋪過，好似好危險咁！諗咗好耐都係唔痴 LU～
快喇快喇 ~~~ 慢慢解決晒d不幸事,, 好快有新屋住啦.. 嘻嘻
回覆刪除[版主回覆09/03/2012 17:59:22]真係好鬼驚又有其他問題，希望之後順順利利啦！
你現在埋單裝修搞幾錢？
回覆刪除我又係想搞燈槽。。。。。
[小鱈魚＿回覆09/13/2012 11:50:47]係呀:)爸爸做水電ka~~~其他木工鋁窗果d就搵佢d fd搞依兩日拆緊d泥頭嚕~~~不過阿爸真係好辛苦/.\因為佢每日來回都要搭4個鍾頭車
[版主回覆09/12/2012 10:57:12]六千食水咁深！！！？你爸爸都做呢行？咁唔怕啦，佢都知行情唔怕比人厄！
[小鱈魚＿回覆09/11/2012 21:44:04]我試過出面報價電裱箱要六千= =+跟住阿爸話佢果陣淨係收老細2500 俾個判頭賺晒...你七萬真係平ar @@吾知我最後幾錢呢~~
[版主回覆09/05/2012 14:40:23]換銅喉應該要七八千，電裱箱三四千，我報價嗰兩個師父都係朋友介紹經濟老實型，所以會平少少
[Joey回覆09/05/2012 13:54:15]鋪埋地換埋野都係7萬，超抵，我要換水喉仲有要換埋電箱。。。咁甘過你
[CK聯婚回覆09/05/2012 11:08:18]成屋執都係7萬..好抵下.... 我仲要換埋水喉果d..真係吾敢唸要total幾錢.... 期待你既price list. ^o^
[Joey回覆09/04/2012 17:59:45]咁7萬又唔貴wor
個燈槽我估同你差不多長。。。因為我係舊屋苑，有條環樑係度
所以想用燈槽來遮遮～～～
[版主回覆09/04/2012 17:48:55]最初報價大約七萬（未計料，磚，門，浴屏嗰D我全部自己買），燈糟唔貴呀，大約＄160／尺（包埋光管），你可以自己計吓要幾長，加射燈＄140-160＠，等我埋咗單都會POST成個PRICE LIST！^^
睇住用一間拆晒既屋變到就快住得, 望到都興奮呀
回覆刪除[版主回覆09/10/2012 14:21:39]呢個過程真係嘔心瀝血呀！我尋晚先又發惡夢！@_@