我地諗住裝修完之後請人返嚟清潔,一來唔使自己執得咁辛苦,二來佢地受過專業訓練真係會乾淨好多,玻璃窗內外,窗框,燈制,地腳線,磚,坐廁,爐頭,抽油煙機等等都會抺晒,連D油漆漬都起埋,自己抺一定冇咁徹底!有D公司仲有埋除甲醛服務,不過要幾千蚊,好貴呢。。。
一般清潔公司或者家居服務中心嘅價錢都差唔多,但要留意包嘅嘢間間會有D唔同!
1. 收費
大部份都係以建築面積600尺起計,包兩個清潔員,收費約$800-850起,較遠地區要另加$100-300
2. 服務時間
一般為4小時,額外每小時收費另計,約$150-200/兩個清潔員(有少部份公司會無限時間)
3. 清潔工具
掃把,地拖,吸塵機,水桶,玻璃刮,毛巾,百潔布,清潔劑等等都會包晒,梯就唔包可能要自己問管理處借,有D連吸塵機都唔包添,所以要問清楚!
4. 附加費用
若有傢俬要視乎咩傢俬同幾多件,可能要額外收費
智舒適 Smart Home
我地間屋over 600尺,$1150/ 5小時,有傢俬要計6個鐘,即$1350/ 6小時,另加$150車費(將軍澳區),total $1500
家居易 Home Easy
10am開始不限時,over 600尺,有地台,燈糟,櫃等傢俬都要加錢,total $1530,如果唔使抺兩個櫃減$200,$1350
理想家居 Deal Home
$850包4小時,額外加鐘每人每小時$80,唔包梯同吸塵機,租用每項$100,不論有幾多傢俬,總之做幾個鐘收幾個鐘錢,即係末做就唔知埋單幾錢!
Smart Clean
$800包4小時,額外加鐘每人每小時$80,不用落訂,完成後直接付款,都係做幾個鐘計幾個鐘錢!
開頭諗住幾百蚊攪掂,原來計落都要千幾蚊,都唔平吖。。。
俾我會自己清潔
回覆刪除[版主回覆09/14/2012 14:34:52]我驚自己抺唔到D油漆漬同窗,同埋自己清完真係會攰到癲咗。。。=_=
比我都會自己清潔呀... 幾百係ok 但講到千幾>< 同埋四個鐘一定唔夠時間呢...
回覆刪除[版主回覆09/14/2012 14:33:14]我都覺得千幾蚊貴咗D囉,不過又驚自己抺唔到D漬,都未諗到點算。。。
自己清潔唔駛再執手尾, 有時執手尾仲麻煩啦!
回覆刪除[版主回覆09/14/2012 14:44:09]自己清潔好辛苦呢。。。
咁你choose 左未呀??
回覆刪除我舅母係做開lee d..所以都係叫佢搵人幫我搞..
其實搵家務助理唔洗咁貴架喎
[版主回覆09/17/2012 16:03:36]噢,唔該晒!
[Amggie回覆09/17/2012 15:58:17]問左啦..,原來佢做開公司清潔
唔做開屋企..
係親戚先幫我做jar.....
[版主回覆09/14/2012 14:44:51]咁你舅母嗰度幾錢呀?可唔可以幫我買吓?THX!
我之前都係搵人黎清潔, 不過其實幾多餘, 到裝傢俬時又整到周圍塵 @@
回覆刪除[Minnie回覆09/14/2012 16:29:13]我又冇乜油漆漬, 都ok啦, 我間屋細, 搵左一個黎咋, 佢個日主要幫我洗左個廚房同廁所, 仲有掃地拖地!!
[版主回覆09/14/2012 16:21:23]我諗住入埋傢俬(地台同櫃)先清呀,咁其實係咪真係清得好乾淨呢?我最concern d油漆漬,自己好難清嘛。。。
真係幾貴喎!!不過我地果時自己抺,做到隻積咁呀!抺左兩日!!包包比錢就搵人攪啦,話晒人地係少爺仔!!
回覆刪除[版主回覆09/17/2012 13:58:04]其實係驚冇時間抺咋,佢喺大陸咪即係得我一個人做!!
很清楚^^
回覆刪除[版主回覆09/17/2012 13:57:16]多謝!
我初頭都有諗住搵人黎清潔同埋除甲醛....坊間話可以除甲醛既光觸煤真係好貴要几千蚊....同埋搵D化學野去除一D化學野...我仲係半信半疑...做完唔好抹即係搵D化學野cover化學野啦~
回覆刪除至於裝修後清潔....其實真係要自己執返手尾....與其又要俾錢人之後自己執手尾...不如自己辛苦少少...之後食餐勁既好過
[版主回覆09/17/2012 11:49:23]食餐勁!好提議喎!哈哈!!
如果無時間,搵人清潔都幾好吖!
回覆刪除我裝修完之後自己抺,成個人都散哂,仲大病咗一場添呀....
[版主回覆09/18/2012 09:17:40]我BF成日唔喺HK所以都係得我自己攪咋,又唔想媽咪99咁辛苦,我諗都係要比錢人賺啦~
[Miss Ho Ho回覆09/17/2012 23:03:56]如果屋企人同男朋友幫手就好D!
我男朋友吳係返offz,所以得我自己抺,99年紀大,有幫手都成日淨係抺到一隻窗jar.....
[版主回覆09/17/2012 11:46:10]咁慘!!?揾人清潔係好呀,快靚正!不過價錢唔平呢。。。
俾$$$可以唔洗抺餐C,,,,,,,,,,爽
回覆刪除[版主回覆09/17/2012 11:45:30]不過都唔平呢。。。
我地上次都一樣搵人清楚, 價錢冇記錯應該係幾百咋!!
回覆刪除[版主回覆09/17/2012 14:37:10]咁揾唔揾得返你嗰間嘅contact呀?揾到可以SHARE比我嗎??THX!!
真係貴左呢~
回覆刪除[版主回覆09/18/2012 16:46:59]好很貴呀!!
可以試下上網格下價,好多網都有詳盡既相關公司資料及服務
回覆刪除有個叫www.homebidder.com.hk都有好多家居清潔公司既資料!