大家留意吓大門隔離嗰個門框，黃gum gum嗰個，因為我地唔換廚房門（都話唔整廚房吖嘛，梗係連門都唔換啦！），不過叫咗師父翻新，佢話油牆嗰陣會攪埋，唔使擔心！
本來我地用膠枱布包住新嗰兩部冷氣（當然係包到一PAT屎咁啦！仲嗌住交嚟整添！），怕油牆時整污糟嘛！點知轉頭師父幫我地用報紙重新包過，新同舊三部都包好晒，幾細心呀！連個電制都用膠紙包住！！
浴屏都裝咗喇！比想象中又冇咁細吖！不過如果裝埋屎塔就應該會FEEL到好逼囉。。。邊位D膠都吱得幾靚，未用唔知會唔會漏水，嘻！大吉利士！！
洗手盆櫃上面嗰條邊吱咗膠，而家見唔到底嗰隻磚啦！嘻嘻，有時D嘢又真係唔使咁擔心嘅，師父攪得掂啦！！
成個禮拜都仲係批灰，有冇咁多嘢批呀！仲未開始油油，又好似仲有好多嘢未整咁，未裝電制面板，未換大門同門鎖，未翻新廚房門，未裝屎塔，未裝水龍頭花洒，仲有好多濕碎嘢都未攪咁。。。
大路野搞掟，其他果d好快架啦，油場果d都係1－2日已經KO
回覆刪除[版主回覆09/11/2012 11:32:13]嘩，咁灰！我諗而家應該唔會咁大出入嘅，最多做得唔好唔FIT囉，或者D櫃花呀崩呀咁囉，諗起都擔心。。。
[Joey回覆09/11/2012 11:27:39]呢樣先係最難估。。。。
仲要尺寸咪有大出入。。。。
我十幾年前搬屋買果張床，明明訂2尺半，點知來到變了3尺
但舊屋又趕住俾返房署，格硬收張床，唔收無得訓 , 最慘係放完張3尺床，度門開得3分2
[版主回覆09/11/2012 11:15:10]希望係啦！而家最煩係等傢俬，仲未覆實幾時起貨。。。
Congr your new home, so pretty!
回覆刪除Can you add me? Thank you.
啲濕碎嘢好快就攪掂啦!
回覆刪除條白邊係喞得幾靚喎,攪到我都想再喞過添!!
[版主回覆09/11/2012 11:17:35]D濕碎嘢先煩呀！安排送貨都改幾次！又驚呢樣壞嗰樣唔啱。。。
個企缸好靚呀~~
回覆刪除想問你油乜野油架~????
nippon paint 定係多樂士
[版主回覆09/11/2012 11:18:37]個企缸本來仲靚。。。唔夠位做雙趟門好可惜！！
立邦！防霉功能好D，貴都貴DD！
都攪得八八九九喇~
回覆刪除[版主回覆09/11/2012 11:19:02]係七七八八咋！
間屋進展良好呀!
回覆刪除[版主回覆09/11/2012 11:19:45]比預期慢咗喇，應該呢個星期完工，但而家先啱啱開始油油。。。
每日update你裝修情況..... post 多d post多d. hehe
回覆刪除[版主回覆09/11/2012 13:52:35]10月頭收樓，咁而家約一次驗樓度尺差唔多啦！
[CK聯婚回覆09/11/2012 12:08:07]未知呀. 10月頭先收樓..我唸起碼都要10月中先開始掛. 因為未搵人上黎度尺報價@@
[版主回覆09/11/2012 11:29:51]哈哈！多謝支持！！咁你幾時開始裝修呀？
批灰真係冇咁快架, 有D會批兩次架, 仲要等佢乾透先可以上油, 如果未乾就上油, 好快會起POP架!!
回覆刪除裝修真係唔急得架!!
[版主回覆09/11/2012 11:40:21]批咗個幾禮拜終於批完，尋日開始油油喇！^^
快啦快啦,, 越黎越靚~~ 最後我新居個房門都應該會用返掩門 , 因為可能做暗門 , 但主人房做暗門唔知會唔會好怪~ 如果唔做掩門, 希望個房門鎖用你果個咁型既款~~ 呵呵
回覆刪除[版主回覆09/12/2012 11:04:28]暗門係咪即係加塊板上去，門連埋牆呀？我上手業主有做，不過可能佢揾D裝修差，我見D板又薄又唔靚，度門好似好唔襟咁。。。
如果你買唔鎖都唔好淨係睇款呀，師父話我D門鎖個膽唔靚好易壞（我嗰隻都有牌子同埋唔算好平）
好似裝修得唔錯喎.....努力呀~~~
回覆刪除[版主回覆09/12/2012 13:37:48]多謝！希望快D完工啦！^^
睇落都裝修得ok喎~~唔錯唔錯
回覆刪除[版主回覆09/13/2012 10:46:00]多謝呀！
你個浴屏係咪 dd 架? 我都係揀呢隻呀....
回覆刪除師傅黎裝 pro 唔 pro 呀? 有無試過有無漏水呀?
我都係同個鎖一樣 , 睇岩左不過未訂...heehee..
thanks.
[版主回覆09/13/2012 17:05:39]係DDShower呀，我冇睇佢地裝，不過見D邊位做得幾靚，裝修師父幫我CHECK過話冇問題！