尋日本來諗住去婚紗展找四季水晶悔氣，點知上網check咗佢地冇擺booth，所以我同包包直接踩去佢地鋪頭算帳！去到佢地間鋪真係搬咗，變咗做Crown Wedding，之前已經聽聞佢地搬咗去對面樓上鋪，所以都唔surprise！包包即刻打電話比佢地，我估應該係老闆娘接電話，佢比咗地址叫我地直上去揾佢。上到去見到老闆娘蘇小姐，我地講咗我地嘅情況同憂慮，佢即刻好有禮貎地道歉同解釋。。。
佢話都知道出面好多負面傳聞，又話佢地執笠，又話佢要走佬等等。。。佢解釋突然搬鋪係因為過年加租加得好利害，地鋪原先9萬蚊一個月，一加加到15萬，樓上間鋪仲加咗六至七成，負擔實在太大，所以喺短短十日內就佢決定搬鋪，而家呢度一間過集中D又大D！因為事出突然，所以嚟唔切通知所有客戶。眼見佢都已經搬晒D衫過嚟，不過都未執好嘢，佢話有三個同事都請咗假唔夠人做嘢，下星期一會齊人應該會好D！
關於台灣另一間公司板橋費加洛婚禮，佢話其實嗰間公司係佢細佬開嘅，因為佢自己台北間四季水晶照顧唔晒咁多客人，所以有部份會轉過去板橋佢細佬嗰間，板橋費加洛規模大D，攝影師，設備，人手等等各方面資源都充裕D，遲D佢可能仲會合併兩間公司！佢留低咗我地嘅資料，話過兩日返台灣會同嗰邊D同事交帶好特別照顧我地，所有嘢都會按返我地張單上面嘅嘢不變，仲比埋佢自己台灣嘅手提電話比我地，叫我地如果到時有咩嘢可以直接打比佢，佢個人真係好nice，希望佢D同事都係咁好啦！同佢傾完一輪之後都安心返！
四季水晶婚禮
尖沙咀金巴利道45-47號金巴利廣埸6樓
Tel: 2723-1699/ 2723-2699
板橋費加洛婚禮
台北縣板橋市中山路1段118號
服務專線 02-2959-3367
唔該晒你呀，我琴晩睇完個心都震晒。。好唔舒服。。今朝我男友即刻再電郵佢地高雄間公司，都好快即刻覆左，我地4月1去佢高雄鋪頭，4月3去墾丁拍呀。當時喺婚展join,係哩間高雄個老闆接待我地，當時佢都有講香港四季。水晶係佢家姐開。
回覆刪除[版主回覆02/13/2012 15:18:12]我自己都嚇餐飽呀！希望你影得開心同靚靚啦！
結婚真係最怕聽到D vendor 做唔住, 而家有澄清, 你地都放心D
回覆刪除[版主回覆02/13/2012 22:28:48]係啦!希望到時順順利利啦!!
放心,應該冇事既
回覆刪除見佢咁有誠意
所有野到時都會順順利利架喇 ^^
[版主回覆02/14/2012 12:08:38]希望啦！呢幾日D forum越傳越利害，越講越衰，不過佢地台灣嗰邊打咗幾次嚟又send email嚟，好似都幾交帶咁！都要照去啦！
你好呀，我都join 左，有點驚！我連機票酒店都訂哂
回覆刪除[JOE回覆02/22/2012 23:40:05]打左幾次，最後台灣個邊覆左我，台灣個邊啲人好似好好多，不過同香港個邊deal左尾數既一半會收到相先俾！希望大家都影得開心同滿意啦！
[版主回覆02/17/2012 09:49:39]我都買咗機票喇，酒店呢兩日都會訂埋，你都係去台灣影？佢地嗰邊有冇contact你？都唔驚得咁多喇，開開心心去影相啦！
我地都係去老英影呀！
回覆刪除今晚亦會上去了解事情！
希望大家都有個完美旅程啦^_^
[版主回覆02/17/2012 10:05:56]你今晚去了解完之後有咩再傾吖！大家都一定會影得順順利利同靚靚嘅！^0^
我都係join左呢間..情況同你1樣..
回覆刪除我3月7號就去影了..依家都好緊張..
希望順順利利喇,,
返黎同大家分享~
[紫****回覆02/20/2012 23:40:02]我應該唔帶去喇,,,當比佢搵錢lo..
佢開心d..我個妝都靚d嗎...
但係我會企硬唔用多過4枝lo =_=
我想問你會唔會帶girdle去?
因為我問過佢地又話唔洗帶...
[hiuwah回覆02/20/2012 23:26:00]我都係, 我講明左唔要秀慧!!
咁你會否自己帶安瓶去? 我諗緊買幾多支!!!
[紫****回覆02/20/2012 22:38:06]化妝師我無搵丫..不過都講明唔要秀惠..
攝影師就搵左JONBAY
[hiuwah回覆02/20/2012 15:34:54]你搵左邊個化妝師同攝影師呀?
我BOOK左呢間野, 個心真係震過貓王, 上年BOOK完再上網睇先知呢間野差到咁...
回覆刪除我下個星期去影勒, 依家真係好驚!!!!
你有冇定左搵邊個幫你化妝同影相?
個個都話秀慧唔好!!! 終日都黑口黑面, 什至若你唔買佢D安瓶, 佢唔會幫你上妝! 買佢地D安瓶佢地係有好高回佣! 但根本同用自己O個D係一樣! 所以我指明左唔用秀慧!! 我唔想難受一日!!!!
攝影師我搵黃謙順, 但好似亞牛都幾好!
你可考慮考慮!!!
[版主回覆02/20/2012 23:42:55]我咩都係同佢地e-mail傾, 到時會print埋帶過去! Good Luck!!
[hiuwah回覆02/20/2012 23:25:00]講真, 呢間野D網上評論實在太差勒, 我真係比左咁耐訂就擔心足咁耐! 如果可以退訂, 我都想退左佢, 然後JOIN第二間等我無咁心煩!!
其實我唔睇你個BLOG都唔知原來佢又改名, 因為四季水晶o係hk真係開左好短時間架咋!! 我諗佢無將我張單走去咩板橋咩咩卦...因為我一直無同hk聯絡, 我覺得佢地完全係十億個哂氣, 咩都話要問台北, 咁我駛鬼問你, 佢都叫我索性打去台北問。
但台北o個邊, 你都唔好睇少佢地既破壞力...由於上網全世界都話化妝師秀慧d態度係用不知所謂黎形容, 若你唔用佢sell你o個d安瓶, 佢係唔會同你上妝, 仲要黑面黑足一日之餘仲要鬧你!!! 所以我指定左唔要秀慧!!! 跟住亦指定左要黃謙順做攝影師!!
我都唔知自己由落左訂之後到今日, 到底打左幾多次電話去台北confirm, 但唔好以為佢地電話confirm你就大安旨意佢地會跟住你要求做, 前幾星期, 佢地打黎話我要個化妝師黎唔到, 因為要湊bb, 我要求個攝影師又黎唔到, 因為整親要休養!! 跟住我真係發火, 我就黎影, 你次次都話得得得, 依家走黎同我講吾得? 我鏟到佢上天花板, 結果轉頭打返黎話無問題可以安排比我!! 好勒, 到今日, 我再打去confirm話唔要秀慧, 佢仲可以答我"咦? 原來你唔要秀慧呀? ok, 我試下幫你安排!", o個下有個桶o係隔黎既話我一定已嘔左血!! 大姐, 我打左十萬次黎話唔要秀慧, 話左年半咁滯勒, 到今日你都仲話"原來你唔要秀慧呀?" 想點呀....
呢間野你一定要跟得好貼好足!!!!
仲有, 當初係佢地自己o係張單度寫話佢地老闆"嘉玲專人服務", 點知佢地舖頭竟然無人知邊個係嘉玲, 我話咁我唔理咁多, 你地有底單白紙黑字可以睇到你地寫住有咁既服務, 但依家比唔到我, 所以你地必須要比返我指定既化妝師同攝影師我!!!
總之, 我真係覺得自己上左賊船....我影完返黎再同你分享啦....請祝我好運, 唉....
[版主回覆02/20/2012 17:14:48]想問吓你指定人係咪要加錢呀？
[版主回覆02/20/2012 17:12:43]多謝你嘅分享呀！我冇指定攝影師化妝師呀！不過聽你咁講我都係問吓有冇得指定先！我轉咗去板橋費加洛喎，你係咪呢？
各位兄弟姐妹!!! 小弟上年九月都join左四季水晶, 我今年五月去... 剛剛過左呢個星期六 (25-Feb-2012)去尖沙咀睇婚紗, 我搵唔到四季水晶間門巿鋪頭... 搬走左!!! 我即刻上網search資料...一開始就search到以下資料, 呢兩日我好驚... 好驚出事!!!
回覆刪除http://verywed.com/forum/expexch/2334502-1.html
[版主回覆02/27/2012 23:33:28]佢地啱啱過年嗰時搬咗去對面金巴利廣埸, 你可以直接去佢地鋪頭了解吓情況
紫****
回覆刪除請3月7日返來詳細報告, 我5月就要去現在諗緊要點做, 退訂轉公司定點!!
[紫****回覆03/02/2012 13:44:23]我之前都有諗過叫佢地退..
但佢地唔肯
[版主回覆02/27/2012 23:33:45]你可以直接去佢地鋪頭了解吓情況