4th Gown Hunting＠MEE Wedding, Eternity, Four Seasons

MEE
金巴利街5號菲力大廈2樓
Tel: 27362600
呢間嘢完全唔得，service唔得，款唔得，料唔得，cutting唔得！Book咗上去試衫但同時間仲有2班客，我地等咗一輪都冇人招呼，講句唔好意思請等等都要掛！睇相簿款唔多又冇咩特別，咁啱見掛喺度有件立體花花晚裝啱我feel就揀咗嚟試，雖然顏色我唔太like，但個款真係好靚，又有深淺色層次，GOOD～

到試件緍紗，一著上身全完係淘寶feel，感覺D料同cutting都勁差！即刻想除返落嚟囉！

幫我著衫個姐姐好明顯係生手，勁慢手腳勁唔純熟，仲吉親我添！包包幾嬲呀，差D開口鬧人！

Eternity Wedding Service
尖沙咀金巴利道73號新業廣商大廈2樓2011室
Tel: 34283811
呢間鋪喺樓上，好寬敞好舒服，sales姐姐問完我中意咩類型嘅婚紗，跟手就拎咗好多類似嘅比我睇，仲介紹咗D其他唔同款比我添！婚紗佢地好多款，晚裝我冇睇喇，因為好快已經揀咗2件婚紗試，第一件係halter-neck vintage feel，我覺得好靚呀！不過佢來包包唔中意halter-neck！哼！

第二件係抄Brabie嘅，好閃好誇張，我覺得誇得滯同埋有啲公主feel唔襯我，不過包包同朋友仔都話好！Sales姐姐話係佢地D婚紗係自己design嘅，所以比較特別唔同出面嗰D，我覺得都幾GOOD吖！

Four Seasons Crystal Wedding 四季水晶婚禮
尖沙咀金巴利道46A號
Tel: 22324008
我喺呢間join咗pre-wedding（聞說係黑店，而家仲驚緊！），因為有discount同埋可以免費試衫，咁就試吓啦唔好蝕嘛！喺電腦揀衫有好多款但完全揀唔落手，件件睇落都怪怪地唔知點咁！之前喺婚紗展識嘅Crystal serve返我地（嗰時sell我地join pre-weddding pkg時幾nice的），佢問我中意咩style，我話要ABC，但佢就係咁sell DEF比我，即係佢自己覺得靚嗰ｄ，咁而家究竟係佢結婚定我結婚呢！？揀咗好耐都冇咩心水，Crystal就話不如上樓上睇下有ｄ靚ｄ嘅款，上到去佢依然都係拎緊DEF比我揀！小姐，我係要ABC呀！

最後試咗件vintage feel都幾靚，全件閃閃lace，但我個膞橫著得唔好睇！（露咗個girdle出嚟添！）

另一件halter-neck又係閃的，通常vintage都係米白色多，呢件白色如果行教堂就仲good！但我勁唔like絹面！

仲有一件佢地嘅皇牌，好誇張！有釘石+立體ruffles+通花+閃閃lace，集多種元素於一身！佢話呢件單租要五千蚊幾，因為我join咗pre-wedding所以三千二就得喇！價錢唔係貴，不過我又唔係好中意囉！

佢地ｄ衫件件都勁重，著咗上身十分鐘都唔知頂唔頂到！見佢件件衫係咁掟落地勁粗老，好似同ｄ衫有仇咁！幫我試緊衫又無啦啦打電叫外賣，係咪即係話我知佢好肚餓快ｄ比錢埋單！？唉．．．join咗佢地公司影pre-wedding真係越諗越驚！希望冇事啦！！