2nd Gown Hunting@Crown Wedding, Lasting Love, Perfection

Crown Wedding 皇冠婚禮
尖沙咀金巴利道44號地下
Tel: 22727588
都幾多唔同款式同顏色選擇，唔同style都有，D衫好新好靚，比較誇張，sales姐姐都好nice，喺電腦揀相時好多件都想試，所以揀咗幾件唔同style試吓！有件魚尾款，我第一次試著呢D cutting，都carry到喎，係條裙窄咗少少凸咗個肚腩仔出嚟！另外試咗件公主款，件衫本身係靚，不過完全唔襯我囉！仲有一件Tifanny blue晚裝都幾靚，不過款式同顏色都唔係我自己心目中想揾嗰D，未有叮叮叮嘅feel，我仲約咗幾間嚟緊會試，所以冇join到。佢地嘅價錢都reasonable，抵過Beauty Hera！

Lasting Love
尖沙咀金巴利道50號2樓
Tel: 28828290
佢地唔多款，不過有一件我like嘅立體花花，咁就梗係要試試佢啦！著咗上身覺得麻麻地，因為佢係心形胸，個形又造得怪怪地（可能係我托唔起掛！），而且佢成條裙身都係同一個
pattern，d花花個形同sizez完全一樣，好似死古古咁，唔夠立體感！除咗呢件婚紗之外都揀唔到其他款想試了，反而佢D男禮好似幾多款，不過包包冇咩興趣所以都冇試到！要提一提就係個sales姐姐又靚女又好人，仲好斯文同好有禮貎添！

Perfection 唯美主義
尖沙咀女金巴利道60號C地下
Tel: 34212408
呢間之前上網睇過口碑幾好，都幾多人幫襯，去到又真係幾旺喎！另外幾個試緊嘅都係己經join咗pkg的，佢地staff都多所以都夠人招呼，Good！本來Free trial 3件但佢比我試夠4件，佢地款式顏色又多又靚，同Crown Wedding嘅style都幾似，但比Crown Wedding平少少！我試咗件開心黃嘅魚尾款，顏色好sharp好靚，但釘咗幾個閃閃蝴蝶仔我唔中意！跟住試件前短後長嘅深紫啡色晚裝，叮叮叮！包包同朋友仔都話好靚，我覺勁型同特別！襯我！之後再試多件金色晚裝，麻麻地啦冇咩特別，最後一件幻彩色嘅紗料簡單款，好靚啱晒送客，不過我都係中意誇張少少！因為只係試咗幾間，仲有好多間都想去睇，但我又真係好中意嗰件前短後長嘅深紫啡色晚裝喎，即時confirm仲可以減$500，咁點算好！？最後sales姐姐話比我地再諗下，行多幾間睇吓先，總之喺佢收鋪前返嚟都減返$500比我，哈哈！即刻開心晒！

行完成條街之後我都係對”佢”念念不忘！終於行番返轉頭Confirm！！包包仲狂試男禮添，佢試得勁興奮，差唔多所有款都試暈晒！不過最後只係join咗3件晚裝個pkg，因為佢冇我中意嘅婚紗類型，包包又已經鎖定咗喺邊間租男禮，佢仲狂試人地D衫即係運吉囉！

Yeah！晚裝攪掂！！