Day 8 巴黎，凱旋門，協和廣場，羅浮宮 (PART 1)

繼續喺巴黎嘅第二日行程，一早出發先去凱旋門影相，因為我地酒店出去係必經之路！巴黎嘅天總係灰灰暗暗。。。

終於睇清楚凱旋門喇！！


因為隔咗條大馬路同埋要企遠D先影得晒個凱旋門，所以好多人喺呢邊影相，有D人仲行埋出馬路影完全唔理D車經過添！

協和廣場嘅方尖碑，個廣場得個大字，都冇嘢睇嘅！！

唔噴水嘅噴水池～



嚟到我最期待嘅羅浮宮（Musée du Louvre）啦！！HOHOO～好多人呀！充滿文化藝術氣息，即刻覺得高尚咗！！

”蒙羅麗莎的微笑“ 係羅浮宮三寶之一，所以成個禮品店都係佢嘅產品！
呢個伯伯係羅浮宮嘅導覽員，講足個半鐘冇停過！超PRO！！我強烈建議要跟導覽員，有人帶住行同埋講解吓會好好多，唔係好易盪失路，行完都唔知行咗D乜！


入去揾吓Lisa姐先！左右都有箭咀，即係行左邊定右邊先啱呀！？

其實兩邊都得嘅，不過因為要順住條路嚟行，所以喺揾Lisa姐之前先睇吓其他展館啦！

好大好靚好多雕像～


好靚嘅圓型拱門，入去就係另外一個展覽館～


天花上嘅雕刻相當細緻！

呢個展館全部都係油畫，呢度可以影相不過唔可以用閃光燈，因為怕令到D畫變色吖嘛！

呢個展館係最多人嘅，點解？咪就係因為Lisa姐喺度囉！！


咁大個展館都迫爆呀！！

終於迫到埋去同Lisa姐合照啦！！呢個位已經係最近，前面當然有圍欄圍住啦！


又去第二個館睇吓先！


即刻少咗D人，不過都仲係好多人！


呢度鐵閘好靚吖！入面係阿波羅廳～



嘩！好金碧輝煌呀！

呢度曾經係皇宮嚟吖嘛！


最中意影天花板！

法國皇室用嘅杯杯碟碟～


皇宮望出窗外嘅景色一樣咁靚！對住條塞納河，幾好FEEL吖！！


玻璃金字塔呀！！好靚！！

羅浮宮三寶除咗蒙羅麗莎笑微笑之外，仲有嘅兩寶就係米羅的維納斯同埋勝利女神像！

出土於米羅島的維納斯像被稱為最美的人體雕像～


仲有一寶就係勝利女神像，冇頭又冇手，卻充滿了生命力！


參觀完展館就出去睇吓玻璃金字塔啦！

靚人靚景！哈哈！！


成班人都踩住兩個碌，唔知做乜呢？好似好好玩咁！


小凱旋門，梗係冇大嗰個咁靚啦！！


行咗成朝都攰啦！食個LUNCH先，晏晝再去凡爾塞宮！
粟米羹！？？My飛佛呀！！

唔知點解歐洲人唔興食新鮮嘅蒸魚，D魚全部係炸過先食，不過都幾好味嘅！


咖喱雞，正喎！！


炒牛肉，好似話好食，不過我唔食牛！


咕嚕肉，又得喎！


西蘭花，齋D囉！加個鮮尤落去炒就perfect啦！哈！！