Day 7 布根地，巴黎鐵塔，春天百貨，老佛爺，凱旋門

今朝一早就由Burgundy出發去Paris啦！好興奮呀！！因為今日係星期六所以會去咗shopping放血先，聽日星期日所有鋪頭都會休息，冇街行就去參觀博物館啦！！

法國嘅街景真係好吸引人（係好吸引我！）建築物好有特色，D樹又好得意，D馬路好濶好直，橫睇豎睇都咁靚！不過同我想像中有少少出入，又係舊咗少少啦，天色唔係好好灰灰暗暗咁！因為前幾年去過法國南部嘅Nice, Monaco, Cannes，感覺好不一樣，南部真係渡假天堂，天氣好空氣好人靚景靚，相比之下，巴黎係失色少少嘅！

街上成日見到呢D廣告亭，好得意！


坐旅遊巴觀光，途經大學園區，法國真係勁多大學！係有錢人讀嘅大學！！(玻璃返晒光添！！）

美術館～


遠遠已經見到軍事博物館，好有氣勢！！


近睇～


大炮close up！唔知真定假呢！！？

法國國民議會~

橋上兩邊嘅大石柱，石柱頂嘅金色飛馬型到吖！！

坐車觀光完一輪後就到lunch time啦，喺巴黎都係食中餐多，可能西餐成本太高啦！始終心臟地帶嘛，慘！！

個酸辣湯唔錯，其他麻麻啦唔多啱我口味！


食完lunch出黎行咗陣就見到巴黎鐵塔啦！我嚟緊啦！呵呵！！

旅遊巴停咗喺度，座嘢幾靚喎，唔知係乜呢！？


公園入口，一路直行就會見到鐵塔啦！！（其實呢度都見到，遠少少啫！）

包包嘅自拍技巧已經到咗爐火純青嘅境界！！可惜天色麻麻，灰曚矇咁，呢個就係巴黎浪漫嘅地方！？？


有個好原始嘅公園，呢個飛馬氹氹轉係用人手操控嘅！

旁邊仲有個露天茶座～


沿住大草地側邊條路散步，好舒服呢！！

行近D影吖，不過好多人好車喔！都係遠影靚D！



睇完鐵塔就去放血啦！YEAH！！哈哈！其實都冇諗住放血，出發前亦冇特別去睇款，隨緣啦！睇啱先算，不過只限於Chanel同LV，因為老公做手袋呢行，好多牌子都係大陸造佢就唔BUY！！係真係唔會比錢BUY！！


我地先去春天百貨，冇咁多強國人好行D嘛！

因為Chanel冇咩款，所以轉戰老佛爺！巴黎有5間Chanel，間間唔同款，所以有心買就要行多幾間啦！！


嘩！好多人吖！老佛爺真係特別多強國人！接受唔到就唔好嚟喇！仲有喺街唔好掛住睇嘢，要睇實自己荷包呀！！好多人搶嘢！！

最後都係受唔住誘惑入咗手，嘻嘻！買返一個半個留念啫！！

行完幾粒鐘都肚餓啦！又開飯！！豐富的一餐！！

海帶湯～


燒鵝肶～


炸雞翼～

齋～


咕嚕肉 ＋ 菜


夜晚嘅巴黎特別靚！冇咗日頭嘅灰矇矇，多咗一份浪漫！！返酒店時途經凱旋門，聽日再嚟過！！

返到酒店梗係要睇吓我嘅戰利品啦！貴精不貴多，一對袋＋一對耳環夠啦！！

間酒店都幾大幾舒服！住兩晚可以啦！