第十三／十四次產前檢查（政府／私家）

2014-7-11 35WK（東區醫院）

今日返東區覆診見助產士，無啦啦話啱週數幫我做埋B型鏈球菌檢查，明明約咗下個星期吖嘛！我完全冇心理準備囉！個助產士好好人好NICE，感覺佢已經好就住我，但唔知點解仲係好痛囉！死啦！我以前明明唔係好怕痛喎，乜而家少少痛都忍唔到，仲嗌咗出嚟添，到生嗰陣都唔知點算！！


2014-7-12 35WK1D（私家）

又等到去見孫醫生同小包包啦！^^
小包包好叻女呀！而家有5磅4（2.37KG）啦！孫醫生話再重多少少到2.5KG就隨時出世都冇問題喇，呵呵！好期待阿囡快D出嚟呀！！

阿囡好健康，標準身型，胎水夠，臍帶冇纏頸，不過佢而家面向出面，如果而家生嘅話個頭仔會頂住我子宮會好痛，最好係調返轉面對住我，希望過兩星期佢會自已轉身啦！

因為小包包已經開始落咗少少盤，所以D超聲波相影得個樣唔係好清，迫吖嘛！孫醫生整咗張大腳仔相比我地睇，哈哈！原來我地一家三口都係大腳八！！^0^

下次覆診唔知生未呢！？如果生咗就唔使覆啦！