今次主力睇紅色敬酒晚裝，我一直想揾一件中式款嘅西式晚裝，不過揾咗好耐都冇咩啱心水！上次HOLD咗嗰件又麻麻地中意，個款唔係唔靚嘅，易carry，不過好似普通咗D囉！
1. 就呢件啦，上次試桃紅，HOLD就HOLD紅色，今次試返個紅色，好似仲冇桃紅咁sharp添，冇FEEL！
2. 冇咩靈感不過試吓D清D嘅款啦。。。又真係清過龍喎。。。不過著得幾瘦！
3. 呢件都係簡單款，前面有V帶，敬酒時唔怕走光！最緊要係後面。。。
後面係大露背！！敬酒時周圍走個個都見到你背脊，so sexy!! 不過D膠珠麻麻地，望落好似cheap咗D！
4. 呢件大Deep V，um...始終過唔到自己嗰關，雖然效果無預期中咁差，不過都係無謂獻醜啦！！
後面都係大露背，不過多咗層紗，冇咁“賣肉”！
5. 呢件桃紅色型到吖！我本身唔LIKE絹料（仲要成件喎！）前面有蝴蝶，又唔係我杯茶！不過佢咁襯法又幾型喎！仲可以遮到個胸位防走光添！
裙腳有D黑色pattern，未來奶奶開頭話唔得有黑色，點知嗰日問佢又話冇問題喎！呵呵！！
6. 呢件係胡定欣賣廣告著嗰件，真係幾靚呀！好閃好型！不過暴光率太高啦！
7. 黃色...有乜特別，喺婚展見model著過，見係黃色咪試吓囉！
8. 呢件粉紅色好靚呀！第一次我會話粉紅色嘅嘢靚！下身全條都係紗裙，中間有少少立體花同LACE嘅detail位，成件感覺好清新！不過因為佢係粉紅色，所以我點都唔會揀！
9. 呢件就係上次HOLD咗嘅迎賓晚裝，每次試上身都有叮叮叮嘅感覺！佢實物真係好sharp，閃得嚟又唔會好浮誇好台式，係清嗰隻！唔知點解佢D花花係粉紅色我都會揀！？
10. 呢件好中意呀！粉藍＋粉紅色，本身又係not my cup of tea！不過佢下身紗料水母款真係好正！唯一美中不足就係著得唔夠瘦！
11. 上次HOLD咗呢件送客，今次啱身D所以著得仲FIT！好elegant吖！
12. 呢件係個sales幫我揀嘅，睇我個樣就知唔中意啦！個款都唔差嘅，單肩帶，腰下有立體花，不過個色就真係。。。
試咗個幾鐘，又喺門口諗咗大半個鐘，最後席前同送客晚裝都係唔改，跟返之前HOLD咗嗰兩件，敬酒晚裝就梗係揀桃紅色嗰件啦！咁型啱晒我！
下篇到婚紗。。。
你揀o個d都好靚呀!!
回覆刪除最鍾意你件迎賓
[版主回覆02/06/2013 14:56:52]真係！？嘻嘻！
[Ki回覆02/06/2013 14:52:14]隻色好特別!!花花效果好出呀!
[版主回覆02/06/2013 10:05:06]好嘢！聽你咁講我都放心啲！其實好擔心呢隻色素得滯影相效果唔夠出！
最Like你件送客~好襯你呀~~~
回覆刪除[版主回覆02/06/2013 10:06:29]多謝多謝！冇揀錯！^^
原本hold咗嗰2件都係最靚~~~ good choice 呀~~
回覆刪除[版主回覆02/06/2013 10:08:55]Thanks! 放心晒！Hehee...
good pick!! 好靚呀~
回覆刪除[版主回覆02/06/2013 11:55:37]多謝你呀！^^
5,9超得~真係好靚呀!!!!!!!!!!!!!
回覆刪除8係粉紅色你唔like, 但真係好靚, 比我可能會揀左lu~
[版主回覆02/07/2013 14:00:53]多謝喔！冇揀錯！嘻嘻！
8真係好靚呀！中意粉紅色嘅一定超LIKE！！
我鍾慕8,10....
回覆刪除^^我鍾意粉紅色,,,,俾著我都一定揀8....
我覺得都幾襯你!!
不過你hold左個條迎賓都唔錯呀~ 幾靚!!
[版主回覆02/07/2013 14:02:58]我喺門口大半個鐘就係爭扎緊揀9定10，但最後因為10個cutting冇咁靚所以揀返9！
8真係中意粉紅色嘅人must pick item!! haha
你揀o個d都好靚. 特別係9. 10 好特別.
回覆刪除而且你好襯紫色呀. 最後個件著得好好睇
[版主回覆02/07/2013 16:08:24]多謝多謝！
你試呢d全部都ok喎你呢個係咩package黎架??
回覆刪除[版主回覆02/14/2013 10:19:57]我冇要婚紗，三件晚裝＄4388，任揀唔使加錢upgrade，11年尾JOIN的，而家應該加咗價啦！不過佢地真係好多新款，我每次去佢都有好多新貨，唔怪得咁多人JOIN！
8,9,10都好靚,尤其9你著得好靚
回覆刪除[版主回覆02/14/2013 10:20:44]多謝多謝！我冇揀錯啦！嘻嘻。。。
其實3都好靚,又瘦又sexy,不過......你都係中意浮誇!!
回覆刪除[版主回覆02/18/2013 11:12:39]＃3係OK呀，不過我怕D膠珠cheap cheap地
1同5都very骨呀!!
回覆刪除[版主回覆03/06/2013 09:48:06]我覺得5特別D，不過呢隻桃紅色好難襯頭飾呀，頭痕中～