情人節特備節目 - Site vist Bethanie Chapel

呢個情人節特備節目純綷係意外，我地book咗伯大尼行禮，有一次免費嘅site visit，我打電話去book嗰時職員話二三月所有weekend都FULL晒，要去site vist就只可以揀 weekends，包包平日又好難請假同埋請假成本好高，佢農曆年假公司放多一日，就係大年初五，正常寫字樓都要返工，伯大尼都開工喇！時間剛剛好，就襯呢日去啦，原來年初五係14號情人節，我係到嗰日至知囉！

Site visit不限人數，爸爸揸車同埋我地，媽咪，大姨一行5人一齊去，我地去咗後門嗰邊入，其實應該由廚藝學院嗰度入至啱！

影吓個directory先，Site vist要先去惠康劇院登記，之後會有職員帶路同講解，個女仔好NICE呀！

行過呢條走廊就去返正門喇！睇我爸爸幾型 ﹣ 獨行俠！

側邊嘅風景都唔錯呀！

伯大尼嘅側面～

到正門啦！媽咪同大姨都係咁周圍影相，好興奮呀！！

行上呢條小樓梯，入面就係教堂喇！！到BIG DAY嗰日工作人員會預先開定門比我地，佢地只會喺外面stand by，唔會入去入面！

响門口望返出去，可以喺呢度抛花球，不過我未必抛啦！次次都冇人接嘅，尷尬到屎！！

入咗去仲有條走廊先到小教堂，到時喺度推門入去march in，諗起都緊張呀！！
門前會有reception table同油畫架，不過今日冇人book場所以冇放出嚟！

終於嚟到啦！同影相一樣咁靚！唔算好細，又唔覺舊吖！我地拎埋隻碟去試，嘩！好大迴音好好聽，好感動呀！！到時可能真係會忍唔住喊！！

台後面有個位可以放雜物，換衫化妝，有枱櫈同鏡，不過唔記得影相！仲有度門通返去前門，march in前補完妝就可以行返去前門stand by啦！

職員之前話site visit得十至十五分鐘，我地都玩咗半個鐘呀，個女仔又細心講解，又冇催我地，好NICE好GOOD吖！！