1. 呢件同我之前HOLD嗰兩件都係同一個師父造，佢造D衫真係好舒服！D紗料好輕，CUTTING好正！呢件前面裙身仲多D層次特別D，不過後面就冇咗個lace back!
2. 呢件同上面嗰件好似，兩件係姊妹裙，呢件會著得再修長D，因為高腰少少，裙身D lace又低少少，不過D lace放到咁低，march in時咪睇唔到！仲有佢個胸位冇咁靚！
3. 呢件有D中西合壁嘅vintage feel，係幾特別，不過呢類型嚟講又唔算做好靚囉，同埋好似密實咗D！
4. 呢件魚尾叫做多D嘢睇，裙腳有D層層，背脊交叉帶好sexy！個姐姐話而家D人個個都揾D好plain嘅歐美款，但係我著得唔好睇嘛！
5. 呢件胸前有D閃石同珠珠好sharp，裙身係幾層LACE，不過佢專登做咗個內置鋼紗，唔LIKE囉！
6. 好特別嘅馬毛婚紗，一定要著girdle唔係會好拮肉，係幾特別幾有層次嘅，不過始終覺得自己著傘裙唔好睇。。。
7. 歐美魚尾款，上身好plain，下身好軟綿綿好靚，又係覺得自己著得唔靚！
8. 死唔心息，一見鍾情嘅魚尾婚紗！成日都好掛住佢，前前後後我已經試過三次！！！好可惜佢個CUP位超大（起碼有C以上！），又冇得改，我著咗之前好似第四期發育咁，太誇張啦！唯有忍痛放棄。。。
9. 上次HOLD咗呢件做行禮婚紗，配埋件長紗，喺伯大尼影相超正！！早排佢放咗呢件喺地鋪個廚窗，勁sharp勁靚呀！！
10. 呢件係上次試過又有少少掛住嘅（不過好似冇咩人支持佢），係小魚尾款，前面有D閃石，成件都係紗料，後面交叉帶，不過裙腳乜都冇DRY咗D囉！
11. 包包一見鐘情嘅超大拖尾婚紗！呢件係lace back呀！不過我擔心march in同埋上到台會好麻煩，個拖尾實在太長啦！
最後。。。轉型失敗！注定我冇得著魚尾婚紗！！其實囉囉戀咗幾日，成日心思思想比錢再轉款，咁貴租兩件婚紗都係想有唔同style唔同效果啫，而家揀咗兩件都咁似，唔知真係以為係同一件囉，好似好蝕咁。。。
即係無轉上次個2個款呀?其實個大拖尾好靚呀!岩你註冊呀!!
回覆刪除[版主回覆02/06/2013 10:12:10]最後揀咗＃1 march in，＃9教堂行禮
#11好靚喎~
回覆刪除其實march in上台唔洗怕麻煩, 因為march in係要慢慢行,
酒樣應該都有人跟住你, 你上台佢會幫你整好條裙~
或者用係行教堂都好靚呀, 個拖尾夠長~
[版主回覆02/06/2013 16:08:25]我最後放棄咗佢揀咗第一件嚟march in呀！咁啱final trial嗰日呢件出咗街冇得再試，我又怕咁大拖尾太論盡，所以放棄咗佢。。。
我都覺得11幾靚~
回覆刪除[版主回覆02/07/2013 13:57:22]Aiya...攪到我又心思思想轉款添！>,<
#1 同 # 9 都靚呀.
回覆刪除雖然 #11 都好睇. 不過同#1 好似都幾似咁.
而且 #9 行伯大尼一定好靚. 後面個拖尾好飄逸
[版主回覆02/07/2013 16:09:48]係呀係呀，＃9一試上身就鐵定係佢行伯大尼，所以另一件好難揀。。。
最緊要著得好睇啫,晚裝咪有魚尾款囉,唔好諗咁多啦!!
回覆刪除[版主回覆02/18/2013 11:11:47]咁又係，諗都冇用啦。。。
9我冇試過...其他都有試過...我最後轉咗另一件mermaid...不過no. 9好靚你又carry到!
回覆刪除[版主回覆02/21/2013 17:55:01]我都想揀Mermaid呀！可惜揀唔到！你揀咗邊件呀？快D POST 相啦！！
我覺得你著第7好睇喎!!
回覆刪除[版主回覆03/06/2013 09:44:55]係咩！？？我覺得自己個身太扁啦，好似LON唔起件衫咁。。。