Pre-wedding@費加洛 - 愛麗絲的天空 (Day1)

之前一日到步勁大雨，我地不知幾擔心影相嗰兩日都唔好天呀！誰不知天公造美，兩日都超級好天晒崩頭！YEAH！

一早8點正去到費加洛，造型師秀琴老師已經等緊我地啦！（我仲見到阿邦真人好鬼型！）唔洗兩個鐘就幫我地化好妝SET好頭，第一個妝係外景婚紗，髮型係抄Gispy幫我試妝個頭嘅改良版，頭頂加高咗更GOOD！

扮完靚靚 出發前影番張合照先！

我地第一日影嘅外景地方係攝影師勝哥介紹嘅，傾行程時我比咗好多相佢睇，有水晶教堂，紙教堂，勻淨湖，鐵道公園，瓦倫格芙花園，維茵古堡，聚奎居等等，但因為各個地方距離都好遠，可能只係影到其中一至兩個，而且週邊可以影嘅景又唔多！頭痕之際佢比咗本相薄我地睇，入面有好多唔同特色嘅主題，森林，教堂，希臘小白屋，童話等等，都係喺同一個地方（其實係一個山頭），叫做愛麗絲的天空，位於苗栗西湖鄉，我地去台中時會順路經過，入場費NT$2,000，我覺得都OK吖，又唔使晒時間搭車，又可以影多D景，所以最後就揀咗去呢度！

坐咗2個鐘頭車就去到我所講嘅山頭 - 愛麗絲的天空，一到步已經見到有好多對新人喺度影緊相，因為地方好大，如果咁啱想影嗰度有人影緊咪影住隔離先囉！唔使等嚟等去咁煩！

最GOOD係入面有好多個呢D化妝間，一個可以供四對新人用，有非常寬敞乾淨嘅更衣室，吊扇，梳妝枱，大鏡，電源，掛衣服嘅位置，真係超級企理方便！

好喇！正式開始影（睇）相！第一套婚紗看似普通，影相效果超GOOD！同我最愛嘅Chapel襯到爆！勝哥話呢個Chapel係抄關島嗰一比一造嘅，真係好靚呀！

荷蘭風車襯紅色車車

地中海藍白色小屋

竹林深處人家

鳥籠

影到咁上下勝哥話換衫，秀琴老師幫我轉咗個

優雅D嘅造型，比較清簡，連頭飾都冇用！好斯文好有氣質喔！

我覺得呢個景好似幼維園



呢張有D狂野FEEL！So cool！哈哈！

有我中意嘅綿羊仔呀！



唔知點解上面套衫唔係影咗好多相咋！好快就換另一套衫準備去老英格蘭喇！呢套shocking pink + 黑晚裝加埋誇張嘅頭飾同髮型真係好鬼型！可惜唔襯我面型，因為SET起晒D頭髮所以我塊大方面原形畢露！呢張影得三分面咪唔覺囉！

影完外景四點幾上車去台中，我lunch都未食呀！佢地中段有食便當，但我熱到無胃，D衫又束住個肚DUM所以唔識肚餓，上咗車先食番個便當，仲暖的，因為太熱了，呢日係今年台灣最熱嘅一日，有成29度呀！