板橋費加洛揀衫／試衫

去台灣之前我已經諗定咗要揀咩顏色嘅晚裝（免得選擇困難又發作啦！）我最愛嘅黃色一定要啦（HK嗰攝冇揀到不知幾後悔！），仲有一件黑色，因為一直都好中意黑色晚裝／婚紗，但BIG DAY冇可能著，咁唯有影相著啦！最後一件會揀shocking pink，夠sharp影相靚D嘛！Second choice會揀Tiffany Blue囉，跟住揀唔到喇。。。婚紗就一定一定要件vintage影老英格蘭，另一件想揀短裙，影外景好似開心D！其他冇咩心水lu，隨綠啦！

費加洛二樓全層全部都係婚紗晚裝，不過有部份係for BIG DAY出租，我唔知佢地算多款定少款，總之揀到啱心水就得啦！我好快就揀咗13件晚裝＋9件婚紗嚟試，本來仲有幾件婚紗都想試，不過試到好攰所以冇再繼續試喇！最好嘅係佢全店都有wifi，可以即時影相send比朋友仔問意見！

第一round: 上面三件都係泡泡款，有D公主FEEL其實唔啱我，不過影相咪試下囉，反正BIG DAY都應該唔會著！
第二round: 下面三件黑色型格款，啱我！超中意短嗰件，但一定會走光，包包唔比我揀。。。

第三round: Colorful系列，雖然顏色好sharp，但款就簡單咗D，中間紫藍色嗰件我著得最好睇，不過唔知影相出嚟會唔會好成熟呢！？
灰色短裙都幾得意，我覺得我會著得幾型（唔會係cute囉！）
全場得3件黃色咋！另外兩件唔中意試都唔想試，得呢件chiffon料好少少，但左右兩邊塊紗好似有D古怪咁。。。

第四round: 婚紗都好多唔同style，層層，立體花，A-line都有，可惜短裙只得兩條，一條比人hold咗，另一條太cute唔得！有幾件我覺得都幾靚，但我發覺試得太多婚紗已經開始有D麻木（咁大穫！？），遲D都唔知點揀The One。。。有D擔心添。。。

估吓我最後揀咗邊幾件？登登登登。。。就係呢5件喇！

左上角: 碎花lace婚紗簡單D方便影外景，又有我中意嘅立體花花（不過係碎花唔係大花）
右上角: Nude色晚裝之前喺佢地網頁睇到已經覺得好靚，不過諗住唔襯自己，點知著上身又好GOOD喎！
左下角: Vintage婚紗，就係佢喇！see through + vintage + 魚尾！中意到不得了！包包本來話太sexy唔比揀，但我堅持要！佢見我又著得好睇，唯有就範啦！
中間: Shocking pink + 黑色晚裝，影老英格蘭夜景係咪好型呢！我揀衫時已經諗定幾時著喇，係咪好醒呢！
右下角: 黃色晚裝係for農場影羊羊，幾清新！雖然朋友們同包包都話呢件麻麻，但我覺得應該OK！chiffon料夠飄逸！我將兩邊塊紗縛咗去後面，望落slim d冇咁古怪！

因為班機delay，我地成六點先去到費加洛，比預期晏咗差唔多兩個鐘！揀完衫之後度身，我以為攪掂走得，點知佢地即時改埋比我再final fitting，讚！4件都改得好fit，係黃色嗰件窄咗少少，佢地又即刻再改多次比我，FIT晒！揀衫試衫足足玩咗四個鐘，走嗰時已經十點喇！