Day 3 佛羅倫斯，米高安哲奴廣場，比薩斜塔

尋晚間酒店認真麻麻，仲話係Holiday Inn旗下嘅4星酒店喎。。。不過領隊話意大利嘅酒店都係咁上下，又舊又細又唔靚，之後巴黎，荷蘭嗰D會好D喎！

早餐都係麻麻地，有ham, cheese, 蛋，面包咁羅，雖然冇咩食不過都唔平呀，如果自費要百幾蚊！歐洲食嘢真係好貴呢！！

食飽就出發啦！好好天呀！！

由羅馬坐車去佛羅倫斯要成三個鐘，中途嘆杯Expresso提吓神先！！

嚟到米高安哲奴廣場，遠眺佛羅倫斯舊城全景，影相實在影唔到佢有幾靚！因為個景太大啦！用Panorama又唔夠遠！

好好天好舒服呀！！

安奴河＋古橋


聖母之花大教堂＋喬托鐘樓


米高安哲奴廣場中間係大徫像，雖然係A貨，不過依然咁出名！！

廣場上有好多地攤賣畫，有D都幾靚呀！

真係有衝動買幅返去，不過婚紗相油畫都唔掛啦，更何況幅畫。。。

賣手信嘅攤檔，又有幫親！


睇完風景就去食飯啦！今餐食正宗意大利餐！呵呵！！

間餐廳好靚呀！！扮吓二人世界先！

個PIZZA又大又薄，淨係得蕃茄同CHEESE，但已經好好味！！

意大利意粉口感好正！又軟大滑但又唔會淋BAT BAT，不過食唔慣會覺得好油，因為佢真係用咗好多Olive oil。。。


牛扒，我唔食，好似都OK！


我食雞，一般啦，有D“鞋”，唔係新鮮雞嘛！


Tiramisu正！


食飽又去玩啦！！坐火車去比薩斜塔，好得意吖！

幫M記賣廣告，哼！歐洲食咁貴！我返香港先食啦！！


個停車場都靚過人！！


沿住呢條路行入去就到比薩斜塔啦！好多黑鬼小販，佢地雖然黑忟忟，不過都幾NICE！

有人街頭賣藝，我本來想埋去同佢影相，不過唔知放低幾錢好，如果放低一蚊歐羅佢會唔會覺得我唔尊重佢有hard feeling呢！？算吧啦！都係遠距離影張相算！

意大利街頭好多呢D雪糕車，可惜爭咗D音樂聲吖！

行過呢度拱門就會見到斜塔啦！！

登登登登。。。世大七大奇觀之一！Amazing!!!

奇蹟廣場上的宗教建築群，最左邊嘅係洗禮堂，跟住係比薩大教堂同比薩斜塔！

比薩大教堂同斜塔好似痴埋咗咁！

廣場旁邊嘢市集～

我地好曳咁爬咗入草地玩！


一腳踩扁你！！


托塔天后！

人托你又托！！


度吓你有幾高先！

好高啊！！

斜塔側邊有個像～

比薩教堂都好靚呀！其實除咗個靚字，我真係諗唔到其他形容詞。。。


教堂側邊幅牆 ~

教堂正門 ﹣ 靚！


靚！！

靚！！！


由斜塔望返過去，一片綠油油嘅草地，心曠神怡！！

去完比薩斜塔就走啦，要坐三個鐘頭車去威尼斯，今晚喺威尼斯城外住一晚，訓醒就坐船上島！睇吓今日有乜戰利品先！全部都唔係我嘅！！

晚餐又係中餐，不過賣相同味道都唔錯！！


聽日坐船仔去威尼斯啦！！