其實我地只係搬咗好少部份嘅嘢去新屋（每人兩袋紅白藍＋一個喼加＋hand carry雜物），但唔知點解D嘢執嚟執去都執唔完！兩個大櫃同地台抺完又抺，前前後後抺咗四五次！！（突然覺得自己有少少潔癖！）
以下呢張相入面嘅嘢全部都係贈品，係咪好勁呢！！我地由籌備結婚開始就準備定，雖然當時仲未PLAN買樓，不過諗住就算租樓都有用，所以一見到有啱用嘅信用咭迎新禮品，超市換購等等優惠就會即刻安排，計計埋埋都真係慳好多呀！！
光波爐，風扇，不同SIZE嘅煲，平底穫，單頭電磁爐，熱水壺，測脂磅，枕頭等等。。。本來仲有個咖啡機，最衰自己記錯簽帳時間，過咗期冇得換！！！
由於我係殘障人仕，為免有意外發生，包包堅持自己一個抬張12“厚嘅床褥入房，最後順利完成任務！！
鋪返張靚靚床單先！靚X10000000000000000
我地一路都未買窗簾，因為冇咩靈感所以諗住入咗伙先慢慢諗慢慢揀，之前weekend訓咗兩晚都冇咩問題，但啱啱嗰幾日假期真係頂唔順，難得放長假梗係想訓晏D啦！點知日日都鬼咁好天光殘殘，唯有自制毛巾窗簾頂住先啦！！
入咗伙個幾星期都仲係有D嘢未攪掂，窗簾啦，洗衣機啦，梳化啦，地毯啦，寛頻啦。。。希望快D全部攪掂，專心攪返結婚嘅嘢！！
窗簾同地毯可以去宜家買黎頂住先~
回覆刪除[版主回覆10/04/2012 17:53:03]窗簾買咗喇，不過都要等兩個星期！地毯都係宜家買呀，又係要十幾號先送到貨，太重自己拎唔到呢。。。
張床褥真係好似鯉魚,哈哈!!
回覆刪除[版主回覆10/04/2012 17:53:19]叫你訓又唔訓，真係好舒服吖！！
搬屋好多野忙, 要加油啦!
回覆刪除[版主回覆10/05/2012 11:22:24]係啦！執極都執唔完咁。。。
我都好鍾意JACK =) 加油努力執野呀
回覆刪除[版主回覆10/05/2012 11:22:01]Yeah! 有fans!!!
add oil! 我都入左伙但未搬自己野过去
回覆刪除[版主回覆10/05/2012 13:50:19]恭喜恭喜！咁你搬去新屋住未呀？我而家個個星期執幾件衫過去！XD
真係好多贈品AR~~~
回覆刪除我男友屋企都有好多贈品煲，平底穫
全部留俾我地KA慳返吾少HEHE
[版主回覆10/08/2012 11:12:58]GOOD呀！加加埋埋都真係慳唔少！
我地上星期去買家品嘢，唔覺唔覺都買咗二三千蚊！！
哎!! 咁多贈品!! 真係慳返好多呀!!!
回覆刪除[版主回覆10/08/2012 11:13:13]係呀！儲咗好耐呢！！
我同你一樣.... 果時係甘申請信用咭. 拎拎埋埋吾小贈品架. HAHAHAH...
回覆刪除我屋企今日正式裝修喇.... 等我都POST D相想BLOG先...不過我唸我無你1/10甘勤力, 呵呵~~~~
[版主回覆10/08/2012 15:32:34]你去到就會忍唔住周圍睇啦！你可以睇幾間先，揀定款影埋相，因為太多款有D收得埋你未必見到，我廁所幅特色牆磚都以為佢冇，比佢睇相佢先摷出嚟比我，最後一間買齊晒唔使煩！
[CK聯婚回覆10/08/2012 14:32:19]男人....係吾識得慳呢D架. >.<
我星期日會上深圳買磚, 唸住直頭去你果間買... 甘我就放心曬喇.. 因為我見你果間送落黎無問題...仲要你格過價一定抵. KAKAKAKKAKAK
[版主回覆10/08/2012 11:43:52]嘩！終於開工嗱！恭喜晒！！寫開就會上癮啦，咁辛苦攪間屋梗係要記低個過程啦！！
大家都係精明嘅消費者！我BF嗰時都話我使唔使申請咁多咭，但當佢見到咁多嘢都係唔使錢嘅時侯就覺得我好叻！哈哈！！
真係勁多贈品,勁呀!!
回覆刪除[版主回覆10/12/2012 17:38:12]慳唔少呀！！
你啲贈品實在太太太吸引了, 尤其個光波爐....我都要申請返張CARD 先~~~~
回覆刪除[版主回覆10/12/2012 17:38:41]Compass Visa而家仲有呀！快D申請啦！！勁好用。。。個波波爐！
加油
回覆刪除[版主回覆10/24/2012 11:33:28]多謝！！