iPad嗰D款之前都睇過吓，新款嗰D佢地多數未影相，會放喺地鋪吸引客仔，上次嚟都係事隔一個月所以今次都冇乜新款亦冇乜驚喜，好似冇預期中咁多款，我諗住會揀20件試，最後只係揀咗14件（唔知算多定少呢！？）佢地D款全部唔使用鋼紗，D紗料好輕，就算係大拖尾或者重層次嘅款都好輕身，著上身好舒服！Lace又靚，釘工又唔會太多太誇！唔好講咁多，去相先！！（唔好睇我個樣唔該！）
1. 第一件比較plain，上身絹面下身係紗，拖尾都有少少層次，對我嚟講DRY咗少少，試吓啫！
2. 我中意嘅立體花花款，但呢件確實造得唔靚而且有D舊，D花花一堆堆唔知想點
3. 幾中意呢件下身紗款嘅層次，紗嘅底層係立體細花，不過影相睇唔到，上身釘工都幾detail，D珠珠近睇都唔似cheap嘢！黑色腰帶可以拆
4. 呢件立體碎花就係九成九似我台灣影pre-wedding嗰件，真係好中意呀，影相效果好出！不過pre-wedding暴光率太高啦！冇理由BIG DAY又著返啫！
5. Vera Wang款，型！不過我著唔起！硬身lace著得唔太舒服同好水桶，有人話似木乃衣喎。。。
6. 都係上身娟面，下身立體剪裁嘅紗款，um...冇乜特別囉。。。（開始有D麻木。。。）
7. 其實我想揾一件vintage款，不過包包唔中意，因為vintage同大拖尾唔friend，佢中意大拖尾所以唔會中意vintage！
呢件上次見到已經想試，不過嗰時仲差少少未收尾所以唔試得，今次有得試梗要試啦！高腰款著得又瘦又高，底層lace再加面層紗，好特別吖！背面交叉綁帶又係著得瘦，仲好sexy添！裙尾lace靚！吊帶可以唔要！（而家條吊帶太長所以有D樣衰！）
8. 第一次著deep V！哈哈！梗係慘不忍睹啦！雖然胸前冇肉，但後面睇幾高貴吖！有人話師奶喎。。。
9. 全件都係紗，我中意呀！前面有少少釘工+少少魚尾，清得嚟又有少少detail位，一著上身有少少叮叮感覺，背面交叉綁帶，正！可惜拖尾勁DRY，乜都冇！
10. 一拎呢件出嚟我第一句就問：”個蝴蝶拆唔拆得？” 唔拆得，BYEBYE！！
11. 呢件絹面+A-line本應不是我杯茶，不過幾like佢胸前嘅摺位，可以轉移視線吖嘛！加埋個lace頸箍同後面塊長紗，即刻叮叮叮啦！！
12. 呢件魚尾就係我上次hold咗嗰件，上面係絹面，中間lace，下身係紗紗魚尾，三合一好特別吖！後面係lace back，so sexy！個蝴蝶都拆得！仲可以配埋塊lace遮住個大大心型胸添！可惜個杯位太大又改唔到，A cup越級挑戰E cup，真係誇張咗囉！！
13. 呢件上次一拎出嚟包包就兩眼發光，好明顯呢件係佢嘅The One啦！
6尺長大拖尾係佢至愛，全件紗料我中意，少少少釘工+detail嘅lace+lace back！其實我覺得前面plain咗少少，近睇係幾detai，不過遠D就冇嘢睇！
睇／試／著咗咁多次婚紗真係覺得有D麻木，原先最中意嘅款而家又好似冇咁中意，本來唔中意嘅而家又好似OK，但係試咗咁多次都冇話咩好感動好幸福好叮叮叮嘅感覺！邊件係The One我都唔知！反而試褂嗰時又有喎！不如我著褂註冊同march in啦！哈哈！！
大家中意邊件又估吓我揀咗邊兩件？Hits係我中意嘅立體花花同魚尾都冇揀到囉。。。希望佢造多D新款等我遲D可以轉款啦！Time For Elegance
尖沙咀金巴利道地鋪73號B
尖沙咀金巴利街1B恒港中心12樓全層
Tel: 2576 1208
請各位Bloggers自重，不要COPY或公開我D相，多謝！！
12嗰條又真好靚喎！^^
回覆刪除[版主回覆07/25/2012 10:34:06]可惜我著唔到吖。。。=_=
好多你試既款我都冇試過
回覆刪除因為你唔鍾意a-line, 但我就偏愛呢款
不過其實13個條同我final confirm個條都有d似
[版主回覆07/25/2012 11:25:48]係啦！我最後揀咗呢兩件都唔係我原先LIKE嘅STYLE，可能遲D又轉款呢！我啱啱睇返你嗰件係同＃13有D似喎！哈哈！
7,12好令吖
回覆刪除7好鍾意佢個背面同拖尾... =v=
12成條都都令 ^^
[版主回覆07/25/2012 14:29:08]7同12我都冇揀啊。。。
11超靚呀~但係拖尾好似由條頸出發有點古怪呀~
回覆刪除都12最最靚架~
[版主回覆07/27/2012 09:36:27]11我諗住註冊之後外影飄逸D嘛，不過唔知有冇時間影呢。。。
12我都好中意，不過真係著唔到呀！！唯有放棄了。。。
3,9,11,12,13都好靚!!!
回覆刪除[版主回覆07/27/2012 10:33:12]多謝你吖！^^
[shirley回覆07/27/2012 10:18:24]haha,,,大家都鐘意差唔多既野,,btw, 你著婚紗好好睇!
[版主回覆07/27/2012 09:37:10]哈哈！你揀嗰D全部都係我心水！！
個人覺得7, 11, 12, 13好好, 我估你揀12同13?~~
回覆刪除[版主回覆07/27/2012 10:04:46]12我著唔到吖，個杯位太大，著咗之後好誇！所以揀咗11，13，希望轉到款啦！
11襯短頭紗我又唔覺得有咩問題吖!
回覆刪除12真係可以reconsider,除咗越CUP挑戰之外cutting都唔真係唔錯!
13係著得好slim,好長拖尾,不過又真係好plain...
[版主回覆07/27/2012 10:07:42]等我再認真諗吓先。。。
11號最令令,襯短頭紗冇問題
回覆刪除[版主回覆07/27/2012 17:34:57]aiya....我諗諗吓覺得11同13好似呀，諗緊好唔好唔要13轉9OR12呀。。。
13好令呀~
回覆刪除[版主回覆07/31/2012 11:14:18]係啦! 我都係諗住遲d等新貨轉款, 不過又怕到時已經冇期lu...
[CARMAN回覆07/30/2012 12:45:11]12個款就出d,不過仲有新貨番ka ma,慢慢揀都ok
[版主回覆07/30/2012 12:12:39]13個大拖尾好靚好閃，不過前面好似plain咗少少呀。。。
13號住麗你著得好靚呀
回覆刪除[版主回覆07/30/2012 12:14:05]多謝呀！不過我諗我應該都係會轉走佢。。。
你果日試了這多條, 有無覺得自己是 barbie. ^^
回覆刪除你仲有時間 慢慢選, 選到合心水為止. ^^
[Kitty回覆07/31/2012 22:34:48]你身材 + 又高 穿什麼都好看的.
怕怕一定找到你的 the one . ^^
[版主回覆07/31/2012 11:05:16]我試到覺得麻木啦, 都唔知自己中意咩款lu...
我鐘意12同13...^^
回覆刪除[版主回覆08/02/2012 16:15:17]12同13都係大熱門，哈哈！
個人鐘意3,13,
回覆刪除兩個款唔同類型, 先得睇出係兩件婚紗, 仲可以試唔同既造型!!!
[colly回覆08/06/2012 16:39:56]等下次試先轉款啦!!!
[版主回覆08/02/2012 16:17:01]係啦！我就係後悔揀咗兩件太似樣。。。
我鍾意11呀~好grand呀~^^~A-line都唔係我杯茶~haha~不過你著得好靚呀~^^~
回覆刪除[版主回覆08/02/2012 16:18:38]11係少數嘅A-line我會覺得靚，因為佢d detail 位同後面塊紗真係好靚好特別！^^
我覺得 3, 13 好靚~~
回覆刪除[版主回覆08/10/2012 12:26:21]我揀咗11同13，有D後悔揀咗兩件咁似，要轉款呀！！
3, 6, 12, 13都好OK呀!
回覆刪除不過我都覺得試得太多會麻目的~
haha...但有得揀總好過冇得揀~
咁你幾時final confirm呀?
[April回覆08/24/2012 23:02:50]咁又係! 如果你有2件WG當然揀D唔同style的啦~ 或者係有明顯分別
如果唔係人地睇唔到出好蝕~~~
[版主回覆08/24/2012 12:02:09]我HOLD咗11同13，但兩件太似啦！所以點都要轉走一件！！=_='
[April回覆08/23/2012 18:32:56]咁你暫時hold左邊幾件呀?
[版主回覆08/23/2012 18:02:37]我諗十二月度會去final confirm,希望佢出多D新款啦！