去寶安北路可以到"火車站西廣場"坐61號大巴或18號大巴
61號就在寶安北路口站下車，就正正是B&Q對面，過一條橋就到B&Q
18號大巴就在人才廣場站下車，過一條馬路就係好百年了
我地嘅行程係去咗梅園路嘅「藝茂中心」先（前名「超凡家居」），喺「藝展中心」隔離，皇崗打的去三十幾蚊，遠過田貝四路少少！呢度有七層咁多，不過得頭幾層有嘢睇，因為上面嗰幾層好似show room咁，又大又豪又冷清，好多大件高檔嘢賣，有時間嘆住冷氣欣賞吓都唔錯，不過唔係好啱香港嘅蝸居！呢度都有好多燈飾，以水晶燈為主，唔啱我STYLE！仲有歐式田園家品嘢，杯杯碟碟，cushion，擺設嗰D，不過又係唔啱我STYLE，我係簡約型格嗰批嘛！
呢塊魔鏡喺香港揾唔到，唔知邊樹有得賣！「藝茂中心」有兩間專賣鏡嘅鋪頭，好多款好特別，但價錢都幾貴，呢塊23" x 40" 開價RMB780，真係好想枱佢走呀！！下星期度尺度真D先，如果夠位擺下次就帶佢返屋企！
PU料廁紙筒＋搖控座，喺淘寶見到已經勁中意，實物嘅料同手工都好好！呢度開價RMB55＠，講完價RMB100兩件（我係低級組講極都有個譜！），計返都平過淘寶吖，慳返運費又可以揀個手工靚D嘅！OK啦！
行咗一陣就轉戰戲肉“寶安北路”啦！我地skip咗「藝展中心」一二三期，因為佢地賣嘅嘢應該同「藝茂中心」大同小異但價錢會貴D，所以慳返唔使睇啦！「藝茂中心」出正門向左邊直行出去就係寶安北路，到咗寶安北路，轉向左邊就會見到「好百年」（HOBA），「好百年」都係賣高檔大件傢俬，我地唔係住半山豪它所以可以BYE BYE，我地主力係去「家之福」同「家樂居」，價錢平D又多嘢睇！
「家之福」分為三部份，新嘅「家之福家居旗艦店」都係賣大型傢俬冇咩特別，D床架好靚亦好大個，如果屋企有成千尺可以考慮！「家之福家居中心店」分為「傢俱中心」同「原材料市場」，都係單層式商場，乜鬼傢俬家品建材都有，但大得嚟有D亂，行行吓都唔知行咗去邊！呢度冇「家合居」咁好行，不過多D嘢睇同埋價錢平少少！
「家樂居」喺家之福後面，我地都係無意中見到個手寫嘅牌先揾到咋！格局同「家之福」差唔多，我覺得行晒呢兩個商場已經夠買晒全屋裝修嘅建材同傢俬！不過買燈就最好去返「家合居」或者「又一居」，因為呢度冇咩款！
喺「家之福」睇中咗兩個TV櫃，因為我地個TV wall好窄，得58"，香港一般嘅TV櫃standard size係60“，所以揾咗好耐都未揾到個啱心水！呢個size啱啱好55" ， 仲有幾寸位剩！
歐尚家具（家之福中心店C098 ）- RMB880
之後喺另一間見到呢款仲靚，有全黑或黑白色 ，櫃桶位做咗茶色鏡面， 仲要平D添呀！
康迪斯（家之福中心店B105 ）- RMB680（唔包安裝，唔知裝修師父肯唔肯同我裝呢！？）
呢間D枱枱櫈櫈都幾平，可以喺catalog度揀款，D櫈仲可以配唔同款唔同色！我喺DSC睇最CHEAP最普通嗰D都要二千幾蚊SET，靚少少要三四千！呢張櫈PU面料勁軟熟舒服，鋼水又好（佢話），已經算係貴嘢，成套都係千五蚊！不過都有少少擔心運輸問題，櫃嗰D就話四四方方易包裝啫，D枱腳櫈腳叉晒出嚟唔知會唔會好易撞花呢！？
呢間D枱枱櫈櫈都幾平，可以喺catalog度揀款，D櫈仲可以配唔同款唔同色！我喺DSC睇最CHEAP最普通嗰D都要二千幾蚊SET，靚少少要三四千！呢張櫈PU面料勁軟熟舒服，鋼水又好（佢話），已經算係貴嘢，成套都係千五蚊！不過都有少少擔心運輸問題，櫃嗰D就話四四方方易包裝啫，D枱腳櫈腳叉晒出嚟唔知會唔會好易撞花呢！？
康迪斯（家之福中心店B105 ）- RMB1550（一枱連四椅）
仲睇中咗張圓型絨面梳妝櫈，可以任揀布料任揀色，都係RMB58咋！抵到吖！！！
「家樂居」有好多間名牌磚鋪，東鵬，蒙娜麗莎，宏宇等等，我地上次睇磚只著重揀款揀色（其實揀嚟揀去都係D普通襟興款），今次就睇埋牌子，始終有牌子好似穩陣D嘛！我地去咗“加西亞”（家樂居A48-49），見佢門面好太，兩個鋪位打通咗，成個商場都係佢D banner仔好似好勁咁！
仲睇中咗張圓型絨面梳妝櫈，可以任揀布料任揀色，都係RMB58咋！抵到吖！！！
「家樂居」有好多間名牌磚鋪，東鵬，蒙娜麗莎，宏宇等等，我地上次睇磚只著重揀款揀色（其實揀嚟揀去都係D普通襟興款），今次就睇埋牌子，始終有牌子好似穩陣D嘛！我地去咗“加西亞”（家樂居A48-49），見佢門面好太，兩個鋪位打通咗，成個商場都係佢D banner仔好似好勁咁！
諗諗吓廳地磚都係用返灰色，白色太易污糟啦，我地都係鐘情呢類仿古磚，簡單襟興嘛！24" x 24" RMB30
廁所可能由灰色TONE轉為啡色，都係會用返下面呢款令令方型粒粒磚做特色牆，12" x 12" RMB8（平過「家合居」RMB12），再配襯中間嗰隻淺啡色磚牆，地下用最上面嗰隻深啡色，兩款啡色磚都係“考古磚家” 24“ x 24" RMB38，因為牌子嘢所以貴少少！
我喺香港睇中嗰個層層洗手盆呀！
永鋒衛浴（家樂居B22B）造三尺實木洗手盆櫃連鏡櫃都係RMB1850，鏡面加RMB50，平到笑！「家合居」都要二千幾啦！！
呢度竟然又揾到我一見鐘情嘅馬毛牆紙！喺香港都係得兩間有咋！！香港嗰隻係法國貨，係一張張計唔係一卷卷計，如果痴晒我個廳230“ x 102"要七千幾蚊，另外有隻唔知韓國定馬來西亞貨一千蚊樓下攪掂，不過無論手感同顏色都差好遠！呢度嗰隻係上海嘢，計埋都要三千幾蚊，但無論質地同顏色都同法國嗰隻好似！天呀！！差三千幾蚊呀！究竟買法國定上海好呀！？？
「家之福」同「家樂居」真係尋寶嘅好地方，雖然地方冇田貝四路嘅「家合居」咁舒適，不過呢度價錢平又多選擇，會揾到D嗰邊冇嘢嘅！買燈就最好去返「家合居」或者八卦路嘅「又一居」會多款D同靚D！好！等七月尾收咗樓，八月頭再上嚟放血！！！
廁所可能由灰色TONE轉為啡色，都係會用返下面呢款令令方型粒粒磚做特色牆，12" x 12" RMB8（平過「家合居」RMB12），再配襯中間嗰隻淺啡色磚牆，地下用最上面嗰隻深啡色，兩款啡色磚都係“考古磚家” 24“ x 24" RMB38，因為牌子嘢所以貴少少！
我喺香港睇中嗰個層層洗手盆呀！
永鋒衛浴（家樂居B22B）造三尺實木洗手盆櫃連鏡櫃都係RMB1850，鏡面加RMB50，平到笑！「家合居」都要二千幾啦！！
呢度竟然又揾到我一見鐘情嘅馬毛牆紙！喺香港都係得兩間有咋！！香港嗰隻係法國貨，係一張張計唔係一卷卷計，如果痴晒我個廳230“ x 102"要七千幾蚊，另外有隻唔知韓國定馬來西亞貨一千蚊樓下攪掂，不過無論手感同顏色都差好遠！呢度嗰隻係上海嘢，計埋都要三千幾蚊，但無論質地同顏色都同法國嗰隻好似！天呀！！差三千幾蚊呀！究竟買法國定上海好呀！？？
「家之福」同「家樂居」真係尋寶嘅好地方，雖然地方冇田貝四路嘅「家合居」咁舒適，不過呢度價錢平又多選擇，會揾到D嗰邊冇嘢嘅！買燈就最好去返「家合居」或者八卦路嘅「又一居」會多款D同靚D！好！等七月尾收咗樓，八月頭再上嚟放血！！！
收獲豐富呀~~ 上大陸買傢俱真係要識門路先知邊度可以買到好貨~~
回覆刪除[版主回覆07/23/2012 11:51:12]因為之前有朋友仔同細妹去過探路，佢地有介紹咩地方多D平嘢好嘢，我地先唔使盲耍耍咋！
佢地係唔係包埋運送 & 安裝咖, 如果唔包既咁係點計? per piece?
回覆刪除[版主回覆07/23/2012 11:55:25]如果獨立運去HK大約都係加多百幾蚊，夾埋一齊集運會平D
[版主回覆07/23/2012 11:54:30]唔包呀！可以同磚或者其他嘢一齊安排物流，送到屋企樓下，RMB250／噸，如果送上門大約double運費，或者可以叫裝修師父幫手抬上樓，安裝都係叫師父
都話行到腳跛架啦!!
回覆刪除塊魔鏡好靚呀,不過都好貴!
白色地磚你實後悔呀,博唔過!!
層層洗手盆都好喎,又靚又實用!
下次我又上去8吓先~~
[版主回覆07/27/2012 09:33:37]4號去呀，你係咪參加先！？？
嘩~大到咁,咁多野睇,唔怪之得要上去咁多次喇!!
回覆刪除我都鍾意層層洗手盆呀!
4號一齊上去睇睇先得
[版主回覆07/27/2012 16:42:36]真係行到盪失路，因為好多個商場好多嘢睇，睇睇吓就唔知去咗邊，不過都真係幾辛苦呀，行到腳都軟。。。
你的資料十分之有用呀, 遲小小男友家都要大裝修.
回覆刪除令可不用盲仲仲, 已加你為朋友了. ^^
[版主回覆07/30/2012 11:58:21]Good ah! 到時又可以交流吓！
我都ADD咗你啦！^0^
[Kitty回覆07/30/2012 01:40:45]出返去才見到你big date 是遲我 2 個星期. ^^
我想問係羅湖點搭車去??我想訂做傢俬去寶安北路還是田貝四路好??THX
回覆刪除[版主回覆08/10/2012 09:44:22]訂做傢俬建議去五方家居同家合居（田貝四路），羅湖打的去都係廿幾蚊，司機一定識，或者喺火車站巴士站坐１號大巴，在田貝四路站下車，就是在家合居門口！家合居同五方家居兩個商場相距十幾分鐘腳程，好方便！寶安北路就賣建材多D，田貝四路打的過去十幾蚊，不過一日應該冇可能去晒兩邊！
睇过你几篇博客。几好几好。我宜家打算做个网站。等你地香港人，唔使上深圳买瓷砖了。我直接从佛山发货落香港。平到你笑。
回覆刪除“作為一名註冊會計師，多年來我一直將客戶推薦給本傑明·李先生，並取得了不錯的成績。 我最近有機會用他來做房貸，現在我知道為什麼我的客戶總是很高興！他的徹底，及時，風度翩翩，而且最重要的是知識淵博。 我一定會很長一段時間將他轉介給任何尋求貸款的人，請聯繫本傑明·李先生。本傑明·李先生是一位信貸員，與信譽良好的投資者一起工作，只要您願意，該基金就可以為任何類型的項目提供資金 願意退款。以下是本傑明·李先生的聯繫信息” 247officedept@gmail.com WhatsApp + 1-989-394-3740。
回覆刪除